Ezra 1:11 - BAIBLO ALOO NGMAMI KLƆUKLƆU Ɔ

¹¹ Sika tsu kɛ sika hiɔ kã, kɛ kplu nɛ ɔmɛ tsuo a yibɔ ji 5,400. Benɛ Sheshbazar kɛ nihi nɛ a nuu kɛ ho Babilonia ya a kpale kɛ ma Yerusalem ɔ, e ngɔ ní nɛ ɔmɛ tsuo kɛ ba.

Ezra 1:11 ပူးပေါင်းရင်းမြစ်များ

Romabi 9:23

E pee enɛ ɔ, konɛ nihi nɛ e na mɛ mɔbɔ ɔ nɛ a le bɔ nɛ e to momo kaa e maa wo a hɛ mi nyami babauu ha.

Ezra 2:1

Nihi nɛ a nuu kɛ ho ma se ya a babauu kpale kɛ je Babilon kɛ ba Yerusalem kɛ Yuda; nɔ tsuaa nɔ ho lɛ nitsɛ e ma mi ya. A weku li lɛɛ kɛ je be nɛ Matsɛ Nebukadnezer ba nuu mɛ kɛ ho Babilonia ya a, a tlɔ lejɛ ɔ.

Ezra 4:1

Benɛ Yuda bi ɔmɛ, kɛ Benyamin bi ɔmɛ a he nyɛli ɔmɛ nu kaa nihi nɛ kpale kɛ je ma se kɛ ba a ba bɔni Yawɛ, Israel Mawu ɔ we ɔ mami ekohu ɔ,

Ezra 6:19

Ma a tsuo nɛ kpale kɛ je ma se kɛ ba a, ye Hetsɔmi ɔ kekleekle nyɔhiɔ ɔ we ligbi nyɔngma kɛ eywiɛne ɔ.

La 85:1

Yawɛ, o na wa zugba a mɔbɔ, nɛ o ha nɛ Israel ná e he ekohu.

Matsɛmɛ II, 25:15

A muɔ nɔ́ tsuaa nɔ́ nɛ a kɛ sika tsu, loo sika hiɔ pee ɔ, ngɛyu ɔmɛ, kɛ kã wawi ɔmɛ.

La 126:1

Benɛ Yawɛ kpale wɔ kɛ je ma se kɛ ba Zion ekohu ɔ, e pee wɔ kaa pe wa ngɛ nlae.

Yeremia 27:21

“Níhi nɛ piɛ ngɛ Yawɛ we ɔ, kɛ Yuda matsɛ we ɔ ngɛ Yerusalem ɔ, nyɛɛ bu nɔ́ nɛ imi Yawɛ Tabohiatsɛ, Israel Mawu ɔ, i ngɛ dee ngɛ a he ɔ tue.