Ezra 1:1 - BAIBLO ALOO NGMAMI KLƆUKLƆU Ɔ

¹ Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Ezra 1:1 ပူးပေါင်းရင်းမြစ်များ

Ezra 1:5

Kɛkɛ nɛ wɛtsoyi ɔmɛ ngɛ Yuda kɛ Benyamin, osɔfo ɔmɛ, Levi bi ɔmɛ, kɛ nihi tsuo nɛ Mawu mumi ɔ ta a he ɔ dla a he, konɛ a ya Yerusalem nɛ a ya ma Yawɛ we ɔ ekohu.

Ezra 4:3

Se Zerubabel, Yoshua, kɛ Israel we puɔ nya dali ɔmɛ tsuo de mɛ ke, “Ke wa ngɛ Yawɛ, wa Mawu ɔ we mae ha lɛ ɔ, e kɔ we nyɛ he nɔ́ ko kulaa. Wɔ nitsɛmɛ wa maa ma wa ní kaa bɔ nɛ Persia matsɛ, Sirus fa wɔ ɔ.”

Ezra 6:14

Munyuhi nɛ gbalɔ Hagai kɛ Zakaria, Ido bi ɔ tu ɔ, wo Yuda ma nimeli ɔmɛ he wami nɛ a kɛ tsa ní tsumi ɔ nɔ kɛ ya si a gbe nya. A ma Mawu we ɔ gbe nya pɛpɛɛpɛ kaa bɔ nɛ Israel Mawu ɔ, kɛ Persia matsɛmɛ, Sirus, Darius, kɛ Artaherhes fa mɛ ke a pee ɔ.

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Ezra 6:3

“Benɛ Matsɛ Sirus ngɛ tsɛ yee ɔ, kekleekle jeha a mi ɔ, e fa ke a ya ma Mawu we ɔ ngɛ Yerusalem ekohu, konɛ a sã bɔhi, kɛ sami bɔhi ngɛ lejɛ ɔ. Mawu we ɔ hiɔwe yami nɛ pee gugue nyɔngma kɛ enuɔ, nɛ e blimi hu nɛ pee gugue nyɔngma kɛ enuɔ.

Ezra 7:27

Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

La 106:46

E ha nɛ a ní pee nihi tsuo nɛ nuu mɛ nyɔguɛ ɔ mɔbɔ.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Yesaya 45:1

Yawɛ hla Sirus ke e ye matsɛ! E hla lɛ ke e ye je mahi a nɔ; e tsɔ lɛ, konɛ e ya kpɔ ma amɛ a he wami tsuo ngɛ a dɛ. Yawɛ ma bli ma a we agbo ɔmɛ a nya ha lɛ, nɛ nɔ ko nɔ ko be nyɛe ma nga. Bɔ nɛ Yawɛ ngɛ Sirus dee ji nɛ ɔ nɛ:

Yeremia 1:1

Yeremia, Hilkia binyumu ɔ munyuhi ji nɛ ɔmɛ nɛ. Osɔfohi nɛ hi Anatot ngɛ Benyamin zugba a nɔ ɔ, a ti nɔ kake ji Hilkia.

Yeremia 29:10

“Yawɛ ke, ‘Babilonia jeha nyingmi kpaago ɔ se ɔ, ma kai nyɛ. Nɛ, si nɛ i wo ke ma ngɔ nyɛ kɛ ba we ekohu ɔ, ma ye jamɛ a siwo ɔ nɔ.

Ezekiel 38:5

Persia bi, Sudan bi, kɛ Libia bi piɛ a he. Ni nɛ ɔmɛ tsuo hɛɛ tsɛ̃i, nɛ a bu dade pɛɛ.

Daniel 1:21

Daniel tsu ní kaa matsɛ ga wolɔ kɛ ya si be nɛ Persia matsɛ, Sirus ba ye Babilonia nɔ kunimi.

Daniel 2:1

Benɛ Nebukadnezar ngɛ matsɛ yee ɔ, jeha enyɔne ɔ mi ɔ, e nla nlami ko. Nlami nɛ ɔ wo e he gbeye wawɛɛ nitsɛ, nɛ nɔ́ nɛ ɔ ba pee dekla ha lɛ, nɛ e ha we nɛ matsɛ ɔ nɛ hwɔ mahe.

Daniel 6:25

Pee se ɔ, Matsɛ Darius ngma womi ya ha je ma amɛ, kɛ nihi nɛ tuɔ gbi slɔɔtoslɔɔto ɔmɛ tsuo ngɛ je ɔ mi ke, “Nyɛ he manye!

Daniel 9:2

Benɛ e ngɛ tsɛ yee ɔ kekleekle jeha a mi ɔ, imi Daniel hu i ya kpa womi klɔuklɔu ɔmɛ a mi. I na ngɛ womi ɔmɛ a mi kaa Yerusalem maa pee ma doku kɛ yaa si jeha nyingmi kpaago. Bɔ nɛ Yawɛ de gbalɔ Yeremia ji nɛ ɔ nɛ.

Yohane 1:23

Yohane he nɔ ke, “Imi ji nɔ nɛ ngɛ fiɛe ngɛ nga a nɔ ke, ‘Nyɛ dla blɔ ngɔ to Nyɔmtsɛ ɔ,’ kaa bɔ nɛ gbalɔ Yesaya de ɔ nɛ.”