Ezekiel 8:3 - BAIBLO ALOO NGMAMI KLƆUKLƆU Ɔ

³ E je nɔ́ ko kpo kaa nine kɛ nu ye yi bwɔmi. Kɛkɛ nɛ ngɛ nina a mi ɔ, Mawu mumi ɔ wo mi kɛ gu kɔɔhiɔ mi kɛ ya su Yerusalem. E ngɔ mi kɛ ya ma Yawɛ we ɔ we omleyi je agbo ɔ mi. Amaga ko nɛ Mawu hiee wawɛɛ ɔ maa si ngɛ lejɛ ɔ.

Ezekiel 8:3 ပူးပေါင်းရင်းမြစ်များ

Mose V, 32:16

A kɛ mawuhi nɛ a li ye e tsui, nɛ a ngɔ ní hiemi nihi kɛ wo e mi mi la.

Ezekiel 11:1

Jehanɛ, Mawu mumi ɔ ngɔ mi kɛ ba Yawɛ we ɔ beleku je agbo ɔ nya. I na nyumuhi nyingmi enyɔ kɛ enuɔ nɛ ganɔ nɛ ɔmɛ hu piɛ he ngɛ lejɛ ɔ: Yaazania, Azur bi ɔ, kɛ Pelatia, Benaya bi ɔ.

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Daniel 5:5

Tlukaa a, nɔmlɔ nine ko je kpo, nɛ e bɔni ní ngmami ngɛ gbogbo nɛ a sa he ɔ he ngɛ matsɛ we ɔ mi. Matsɛ ɔ na nine ɔ nɛ ngɛ ní ɔ ngmae, ejakaa kane la a ngɛ kpɛe saminya ngɛ lejɛ ɔ.

Ezekiel 40:2

I na ngɛ nina a mi nɛ Mawu mumi ɔ ngɔ mi kɛ ba Israel zugba a nɔ; nɛ e ngɔ mi ya fɔ yo gagaa ko yi mi. I na nɔ́ ko kaa ma ngɛ yo ɔ nɔ ngɛ ye hɛ mi.

Ezekiel 11:24

Ngɛ nina a mi ɔ, Mawu mumi ɔ kɛ mi ba Babilonia ekohu ngɛ ni nɛmɛ nɛ a nuu kɛ ho ma se ya a a ngɔ.

Ezekiel 2:9

I na nine ko nɛ a juale ha mi; e hɛɛ womi kpo ko.

Mose V, 32:21

A kɛ a we amagahi wo ye mi mi la. A kɛ a yaka mawu ɔmɛ ye ye tsui. Lɔ ɔ he ɔ, ma ngɔ ma gu ko kɛ wo a mi mi la; ma ngɔ ma kɛ e mi kuasiahi sɔuu kɛ ye a tsui.

Mose V, 6:15

Yawɛ, nyɛ Mawu ɔ nɛ kɛ nyɛ nyɛɛ ɔ, a kɛ lɛ plee we nɔ́ he. Lɔ ɔ he ɔ, ke nyɛ ya nyɛɛ mawu kpahi a se ɔ, e mi mi ma fu nyɛ, nɛ e ma kpata nyɛ hɛ mi pɛsɛpɛsɛ kaa bɔ nɛ la sãã nɔ́ ɔ.

Mose V, 5:9

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛɔ mi ɔ, kɛ a bimɛ, kɛ a bibimɛ a tue hluu kɛ ya siɔ yi nɔ etɛne kɛ eywiɛne bimɛ a nɔ;

Mose V, 4:24

Ejakaa Yawɛ, nyɛ Mawu ɔ ngɛ kaa la nɛ ngɛ tsoe plamplam; a kɛ lɛ plee we nɔ́ he.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Ni Tsumi 8:39

Benɛ a je nyu ɔ mi ɔ, Nyɔmtsɛ ɔ Mumi ɔ ngɔ Filipo kɛ je. Sɔmɔlɔ nɔkɔtɔma a nɛ́ lɛ hu; se e pue nɔ kɛ ho kɛ nyami babauu.

Daniel 10:18

Kɛkɛ nɛ nɔ ɔ ta ye he ekohu, nɛ ye he wami ɔ kpale ba.

Daniel 10:10

Tlukaa a, nɔ ko ba fua mi, nɛ e wo ye nɔ kɛ kpla si ngɛ ye nakutso nya, nɛ i kɛ ye ninehi pi zugba. Jamɛ a be ɔ mi tsuo ye he ngɛ doe blibliibli.

Ezekiel 8:5

Mawu kɛ mi tu munyu, nɛ e de mi ke, “Nɔmlɔ adesa, hyɛ omleyi je!” I hyɛ, nɛ i na jamɛ a amaga a nɛ a hiee wawɛɛ ɔ maa si ngeɛbɔ sami la tɛ agbo ɔ we omleyi je ngɛ agbo ɔ nya.

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Ezekiel 3:12

Kɛkɛ nɛ Mawu mumi ɔ wo ye nɔ, nɛ i nu gbi nguaa ko nɛ ngɛ pɛe ngɛ ye se je ke, “Á je Yawɛ yi, nɛ a wo e hɛ mi nyami ngɛ hiɔwe lokoo.”

Yeremia 32:34

We ɔ nɛ a ma nɛ a ja mi ngɛ mi ɔ tete po a ngɔ a we amagahi nɛ i hiee ɔ ya to lejɛ ɔ nɛ a kɛ ble we ɔ.

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

Matsɛmɛ II, 21:7

Ashera amaga a nɛ e pee ɔ, e ngɔ ya ma Yawɛ we ɔ. Yawɛ kɛ David, kɛ e binyumu Salomo tu we nɛ ɔ he munyu hyɛ, nɛ e de ke, “I hla we nɛ ɔ ngɛ Yerusalem kɛ je Israel wɛtso ɔmɛ tsuo a kpɛti ngɔ to kaa he nɛ sa nɛ a ja mi ngɛ daa.

Matsɛmɛ II, 16:14

Lɔ ɔ se ɔ, e je akɔblee bɔ sami la tɛ momo ɔ nɛ maa Yawɛ hɛ mi ɔ kɛ je e ma he ɔ ngɛ Yawɛ we ɔ, kɛ e bɔ sami la tɛ he ɔ a kpɛti ɔ, nɛ e kɛ ya ma e bɔ sami la tɛ he ɔ we omleyi je.

Matsɛmɛ II, 2:16

nɛ a de lɛ ke, “Hyɛ, nyumuhi katsɛmɛ nyingmi enuɔ sɔuu ji wɔ ngɛ hiɛ ɔ. Wa kpa mo pɛɛ, ha nɛ waa ya nɛ wa ya hla o nyɔmtsɛ ɔ, kaa alini Yawɛ mumi ɔ nu lɛ nɛ e ya sake lɛ ngɔ fɔ yo ko nɔ, aloo kɔ́ ko mi lo.” Elisha he nɔ ke, “Dɛbi, nyɛ ko ya!”

Matsɛmɛ I, 18:12

Ke i je o ngɔ kɛ ho piɔ ɔ, Yawɛ mumi ɔ ma ba ngɔ mo kɛ ho he ko ya nɛ i li. Nɛ e maa ba mi kaa ke i ya de Ahab ke o ngɛ hiɛ ɔ, nɛ e ba, nɛ e ba nɛ mo ɔ, e maa gbe mi. Mo kai kaa kɛ je ye jokuɛ mi tɔɔ ɔ, i yee Yawɛ gbeye.

Yoshua 24:19

Yoshua ya nɔ, nɛ e de ma a ke, “E ngɛ mi ja; se eko ɔ, nyɛ be Yawɛ nyɛe ma sɔmɔ. Mawu klɔuklɔu ji lɛ, nɛ e kɛ nyɛ tɔmi ɔmɛ, kɛ yayami ɔmɛ be nyɛ pae. A kɛ lɛ plee we nɔ́ he,

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Ezekiel 1:1

Jeha nyingmi etɛne ɔ we nyɔhiɔ eywiɛne ɔ we ligbi enuɔne ɔ, imi osɔfo Ezekiel, Buzi bi ɔ, i kɛ Yuda bi ɔmɛ nɛ a nuu kɛ ho ma se ya a, wa ngɛ Kebar pa a nya ngɛ Babilonia. Hiɔwe nya bli, nɛ i na Mawu he ninahi.

Ezekiel 10:3

Jamɛ a be ɔ, kerub ɔmɛ daa si ngɛ Yawɛ we ɔ leneyi je. Kɛkɛ nɛ bɔku ba hyi kue ɔ nɛ ngɛ Yawɛ we ɔ kpɛti ɔ tɔ.

Ezekiel 37:1

I nu Yawɛ he wami he wawɛɛ; nɛ e mumi ɔ ngɔ mi kɛ ya ma kɔ̃ ko mi. Lejɛ ɔ tsuo hyi kɛ wuhi babauu.

Ezekiel 43:5

Yawɛ mumi ɔ wo ye nɔ, nɛ e kɛ mi ya ma mi mi je kue ɔ mi. E hɛ mi nyami ɔ hyi we ɔ tɔ.

Ezekiel 43:8

Matsɛmɛ ɔmɛ pee a kpoku ɔmɛ, nɛ a ma a sinya tso ɔmɛ ngɛ ye kpoku ɔmɛ, kɛ ye sinya tso ɔmɛ a kasa nya haa, nɛ gbogbo kɛkɛ lɛ po wa kpɛti. Se a ngɔ a ní hiemi níhi nɛ a pee ɔ kɛ ble ye biɛ klɔuklɔu ɔ; lɔ ɔ he ɔ, i kɛ abofu kpata a hɛ mi.

Ezekiel 9:2

Amlɔ nɔuu ɔ, nyumuhi ekpa je yiti je agbo nɛ ngɛ omleyi je ɔ mi kɛ ba kɛ a dɛ mi awi yemi dadehi. Nɔ ko hu nɛ ha kploba, nɛ e kpla womi ngmami nɔ́ ko ngɛ e kasa nya kɛ mɛ ba. A ba da si ngɛ bɔ sami la tɛ nɛ a kɛ akɔblee pee ɔ he.