Ezekiel 7:4 - BAIBLO ALOO NGMAMI KLƆUKLƆU Ɔ

⁴ I be o yi bae; i be mo mɔbɔ nae. Se ma gbla o tue mohu ngɛ ní hiemi níhi nɛ o ngɛ pee kpamisa a he. Kɛkɛ ɔ, o maa le kaa imi ji Yawɛ.”

Ezekiel 7:4 ပူးပေါင်းရင်းမြစ်များ

Ezekiel 6:7

Nihi babauu ma gbo ngɛ nyɛ kpɛti; lɔ ɔ loko nyɛ nihi nɛ maa piɛ ɔ ma na maa le kaa imi ji Yawɛ.

Ezekiel 11:21

Se nihi nɛ suɔ ní hiemi níhi, kɛ musu níhi, nɛ lɔ ɔmɛ a ngɛ pee kpamisa a, mɛɛ lɛɛ ma gbla a tue ngɛ a yayami ɔmɛ a he.” Nyɔmtsɛ Yawɛ lɛ de.

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Ezekiel 16:43

O kaii we nɔ́ nɛ i pee ha mo ngɛ o yihe mi ɔ, se mohu o ngɔ je mi bami yaya nɛ ɔmɛ tsuo kɛ wo ye mi mi la. Lɔ ɔ he nɛ i ha o na a he hiɔwo sisiisi ɔ nɛ. Se mɛni he je po nɛ o kpale ngɔ ajuama bɔmi basaa kɛ piɛ yayamihi nɛ o pee ɔ a he ɔ?” Nyɔmtsɛ Yawɛ lɛ de.

Ezekiel 9:10

Se i be mɛ mɔbɔ nae; i be a yi bae. Bɔ nɛ a pee ni kpa amɛ ɔ, ja pɛpɛɛpɛ ma pee mɛ.”

Ezekiel 7:27

Matsɛ ɔ maa ye kɔmɔ; ganɔ ɔ nine mi maa je wu, sawale maa nu ma a, nɛ mɛ tsuo a he maa do blibliibli. Bɔ nɛ ma gbla nyɛ tue ngɛ níhi nɛ nyɛ pee ɔ a he ji nɛ ɔ nɛ. Bɔ nɛ nyɛ kojoɔ ni komɛ ɔ, jã imi hu ma kojo nyɛ. Kɛkɛ ɔ, nyɛ maa le kaa imi ji Yawɛ.”

Ezekiel 6:14

Niinɛ, ma wo ye nine nɔ ngɛ a nɔ, nɛ ma kpata zugba a hɛ mi bɔ nɛ nɔ ko nɔ ko be nɔ nyɛe maa hi. Kɛ je leneyi je nga kplanaa a nɔ kɛ ya su Ribla ma a he ngɛ omleyi je, hehi nɛ Israel bi ɔmɛ hii ɔ, ma kpata lejɛ ɔmɛ tsuo a hɛ mi. Kɛkɛ ɔ, a ma na maa le kaa imi ji Yawɛ.”

Hebribi 10:30

Ejakaa wa le kaa Nyɔmtsɛ ɔ lɛ de ke, “Ma ye ye he lue! Ma gbla a tue ngɛ yayami nɛ e pee ɔ he.” Lɛ nɔuu lɛ e de ke, “Ma kojo ye ma a.”

Zakaria 11:6

Yawɛ de mi ke, “I be nɔ ko nɔ ko mɔbɔ nae hu ngɛ zugba a nɔ. Imi nitsɛ ma ha ni ɔmɛ tsuo a ti nɔ tsuaa nɔ maa sɛ e nyɛmi kpá mi. Ee, a maa sɛ matsɛ ɔ kpá mi. A ma kpata zugba a hɛ mi, nɛ nɔ ko nɔ ko he be mi jee.”

Ezekiel 24:14

Imi, Yawɛ nitsɛ lɛ i de. Be ɔ su jehanɛ; bɔ nɛ i de ɔ, ja ma pee. I be ye nya se kpalee; i be mɔbɔ nae, nɛ i be ye he piae hulɔ. Yayamihi nɛ o pee ɔ a he ɔ, ma gbla o tue bɔ nɛ sa mo.” Nyɔmtsɛ Yawɛ lɛ de.

Ezekiel 23:49

Nɛ nyɛ, nyɛmiyi enyɔ nɛ ɔmɛ, ma gbla nyɛ tue kaa nyɛ bɔ ajuama nɛ nyɛ ya ja amagahi. Lɔ ɔ loko nyɛ maa le kaa imi ji Yawɛ.”

Ezekiel 23:31

O ya wo o nyɛmiyo ɔ nane, lɔ ɔ he ɔ, tue gblami kplu ɔ nɛ i ha o nyɛmi ɔ, lɔ ɔ nɔuu ma ha mo.”

Ezekiel 22:31

Lɔ ɔ he ɔ, i ngɔ abofu nɛ nya wa kɛ gbla a tue. Ye mi mi la a kpata a hɛ mi pɛsɛpɛsɛ ngɛ a ní yayamihi nɛ a pee ɔ a he!” Nyɔmtsɛ Yawɛ lɛ de.

Ezekiel 12:20

Mahi nɛ nihi ngɛ a mi ɔ tsuo ma plɛ pee ma dokuhi. Lɔ ɔ loko a maa le kaa imi ji Yawɛ!”

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Ezekiel 7:9

O be mɔbɔ nami ko kulaa nae ngɛ ye hɛngmɛ mi, nɛ i be o yi bae hulɔ; se ma gbla o tue wawɛɛ mohu ngɛ ní hiemi níhi nɛ o ngɛ pee kpamisa a he. Kɛkɛ ɔ, o maa le kaa imi Yawɛ lɛ i ngɛ o tue gblae ɔ nɛ.”

Yeremia 25:14

Ma wo Babilonia bi ɔmɛ hiɔ ngɛ níhi nɛ a pee ɔ a he; mɛ hu a ma ba sɔmɔ je mahi babauu, kɛ matsɛmɛ nguanguahi kaa nyɔguɛhi.’ ”

Yeremia 16:18

Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Ezekiel 7:3

“Israel, o nyagbe ɔ su jehanɛ. O maa na bɔ nɛ ye mi mi wo la ha; ejakaa ma gbla o tue ngɛ níhi nɛ o pee ɔ a he. Ní hiemi níhi nɛ o tsu ɔ tsuo, ma wo mo a he hiɔ.

Amos 7:8

E bi mi ke, “Amos, mɛni o na?” I he nɔ ke, “Sumui kɛ e nya kpa.” Kɛkɛ nɛ e de mi ke, “I ngɔ sumui kɛ e nya kpa nɛ ɔ kɛ ngɛ ye ma Israel ɔ susue kaa a susuɔ gbogbo. Enɛ ɔ he je ɔ, i be ye yi mi tomi ɔ tsakee hu; ja i gbla a tue kokooko!

Ezekiel 33:29

Ke i pee zugba a tsuo pasaa nɛ e pee ma doku ngɛ yayamihi babauu nɛ a pee ɔ a he ɔ, kɛkɛ ɔ, a maa le kaa imi ji Yawɛ.”