Ezekiel 5:2 - BAIBLO ALOO NGMAMI KLƆUKLƆU Ɔ

² Ke a sa ma a yi se ɔ, ngɔɔ la kɛ sã bwɔmi ɔ mi dlami etɛ mi kake ngɛ ma a kpɛti. Mi dlami etɛ ɔ mi kake hu ngɔɔ klaate ɔ kɛ poo mi kɛ bɔle ma a kɛ kpe. Mi dlami etɛ ɔ mi kake nɛ maa piɛ ɔ, ngɔɔ kɛ fĩa kɔɔhiɔ mi; kɛkɛ ɔ, ma hia klaate ɔ kɛ nyɛɛ a se.

Ezekiel 5:2 ပူးပေါင်းရင်းမြစ်များ

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.

Ezekiel 12:14

Ma gbɛ nihi tsuo nɛ bɔle lɛ kɛ kpe ɔ, e ga woli ɔmɛ, kɛ tabo ɔmɛ ngɔ fĩa je ɔ mi tsuo; he nyɛli a ta a maa nyɛɛ a se ngɛ he tsuaa he.

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!

Yeremia 9:16

Ma gbɛ mɛ ngɔ fĩa je mahi nɛ a kɛ a nɛmɛ ɔmɛ tsuo nui a he hyɛ ɔ a nɔ, nɛ ma ha nɛ ta maa nyɛɛ a se hluu kɛ yaa si ma kpata a hɛ mi pɛsɛpɛsɛ.”

Yeremia 38:2

Yawɛ de ke, “Nɔ tsuaa nɔ nɛ maa hi ma a mi ɔ, ta, loo hwɔ, loo gbenɔ hiɔ maa gbe lɛ. Se nɔ nɛ maa ngɔ e he ya ha Babilonia bi ɔmɛ ɔ, a be lɛ gbee; e yi ma na wami.”

Yeremia 24:10

Ma ha nɛ ta, hwɔ, kɛ gbenɔ hiɔ ma ba sɛ a kpɛti kɛ yaa si a ma kpata a hɛ mi pɛsɛpɛsɛ, nɛ a ti nɔ kake ngmelu po be piɛe ngɛ zugba nɛ i ngɔ ha a kɛ a nɛmɛ ɔ nɔ.”

Yeremia 13:24

Yawɛ maa gbɛ nyɛ ngɔ fĩa kaa tsakati nɛ ahlabata kɔɔhiɔ muɔ kɛ yaa.

Yeremia 39:1

Yuda matsɛ, Zedekia yi nɔ jeha nɛɛne ɔ we nyɔhiɔ nɛ ji nyɔngma a mi ɔ, Babilonia matsɛ, Nebukadnezar ngɔ e tabo ɔ tsuo kɛ ba Yerusalem, nɛ e ba sa ma a yi.

Yeremia 39:2

Benɛ Zedekia ye jeha nyɔngma kɛ kake ngɛ sɛ ɔ nɔ ɔ, jamɛ a jeha a we nyɔhiɔ eywiɛne ɔ we ligbi nɛ ji nɛɛ ɔ, a ywia Yerusalem gbogbo ɔ nɛ a je puɔ ngɛ mi.

Ezekiel 5:3

Ngɔɔ bwɔmi nɛ ɔ mi bɔɔ ko pɛ kɛ muɔ o tade ɔ nya.

Ezekiel 5:10

Bɔ nɛ e maa ba ji kaa fɔli ngɛ Yerusalem maa ye mɛ nitsɛmɛ a bimɛ, nɛ bimɛ ɔmɛ hu maa ye a fɔli. Ma gbla o tue wawɛɛ; nɛ nihi nɛ a yi ma na wami ɔ, ma gbɛ mɛ ngɔ fĩa je ɔ mi tsuo.

Ezekiel 17:21

E tabo ɔ mi katsɛmɛ ɔmɛ tsuo maa nɔ ngɛ ta mi, nɛ nihi nɛ maa piɛ ɔ hu a maa gbɛ mɛ kɛ fĩa je ɔ mi he tsuaa he. Kɛkɛ ɔ, nyɛ maa le kaa imi, Yawɛ lɛ i de.”

Zakaria 13:8

A maa gbe zugba a tsuo nɔ bi mi dlami etɛ mi enyɔ nɛ a gbo, nɛ e maa piɛ mi dlami etɛ mi kake.

Yeremia 9:15

Lɔ ɔ he ɔ, nyɛɛ bu nɔ́ nɛ imi, Yawɛ Tabohiatsɛ, Israel Mawu ɔ, i to kaa ma pee ɔ tue: ma gbla ye ma mi bi ɔmɛ a tue. Ma ha mɛ agba nɛ a ye, kɛ duɔ nɛ a nu.

Amos 9:4

Ke a he nyɛli ɔmɛ ba kpaka mɛ kaa nyɔguɛhi kɛ je ɔ, ma ha nɛ a kɛ klaate maa gbe mɛ. I muɔ ye yi mi kpɔ kaa ja i kpata a hɛ mi kokooko, se pi kaa ma pee mɛ kpakpa.”