Ezekiel 41:2 - BAIBLO ALOO NGMAMI KLƆUKLƆU Ɔ

² Sinya a nya peeɔ gugue enyɔ kɛ fa, nɛ sinya a blimi peeɔ gugue kake kɛ nine mi blimi kake ngɛ hiɔ nɔ; nɛ muɔ nɔ hu ja nɔuu. E susu tsu ɔ nitsɛ hulɔ; e kami ji gugue nyɔngma, nɛ e blimi ji gugue enuɔ.

Ezekiel 41:2 ပူးပေါင်းရင်းမြစ်များ

Kronika II, 3:3

Yawɛ we ɔ nɛ Matsɛ Salomo ma a, e kami ji gugue nyɔngma kɛ enuɔ, nɛ e blimi ji gugue enuɔ.

Matsɛmɛ I, 6:17

Tsu nɛ ngɛ he klɔuklɔu pe kulaa a hɛ mi ɔ kami ji gugue nyɔngma.

Matsɛmɛ I, 6:2

We ɔ nɛ Matsɛ Salomo ma ngɔ ha Yawɛ ɔ kami ji gugue nyɔngma kɛ enuɔ, e blimi gugue enuɔ, kɛ e hiɔwe yami gugue kpaago kɛ fa.

Yohane 10:9

Imi ji agbo ɔ nɛ; nɔ tsuaa nɔ nɛ ba guu agbo ɔ mi kɛ sɛɔ mi ɔ, e yi ma na wami. E maa sɛ mi, nɛ e maa kpale je kpo ya na niye ní.

Yohane 10:7

Lɔ ɔ he ɔ, Yesu kpale de ekohu ke, “I ngɛ nyɛ dee anɔkuale mi ke imi ji to tsu ɔ nya agbo ɔ nɛ.

Kronika II, 29:7

A nga Yawɛ we ɔ sinya amɛ, nɛ a gbe kane ɔmɛ. Tsopa kɛ e he via, kɛ sami bɔ pohu a kpa sami ngɛ Yawɛ, Israel Mawu ɔ we ɔ.

Kronika II, 3:7

E kɛ sika tsu ha Yawɛ we ɔ gbogbo ɔmɛ, plai ɔmɛ, sinya tso ɔmɛ, kɛ sinya amɛ a he. Ní tsuli ɔmɛ tɛni bɔfohi nɛ a tsɛɛ kerub kɛ wo gbogbo ɔmɛ a he.

Mose II, 36:37

A kɛ kpa bluu, kpa nɛ hɛɛ alamua tu su, kɛ kpa tsu lo kpe he bo tsu ɔ sinya a nya bo ɔ; nɛ a kadi ní kɛ wo mi.

Mose II, 26:36

“Kpe he bo tsu ɔ sinya a nya bo ɔ, ngɔɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní kɛ wo mi.

Ezekiel 47:1

Nyumu ɔ ngɔ mi kɛ ba Yawɛ we ɔ agbo ɔ nya ekohu. Nyu hia kɛ je kpoku ɔ sisi, nɛ e be kɛ yaa beleku je, he nɛ Yawɛ we ɔ plɛ e hɛ mi kɛ kpee ɔ. Nyu ɔ hia kɛ je we ɔ leneyi je kɛ ya be ngɛ bɔ sami la tɛ ɔ leneyi je.