Ezekiel 40:3 - BAIBLO ALOO NGMAMI KLƆUKLƆU Ɔ

³ Mumi ɔ ngɔ mi kɛ ya su ma a he haa; nɛ i na nyumu ko nɛ e he ngɛ kpɛe kaa akɔblee. E hɛɛ nɔ́ susumi kpa, kɛ nɔ́ susumi tso ngɛ e dɛ mi kɛ daa si ngɛ agbo ko nya.

Ezekiel 40:3 ပူးပေါင်းရင်းမြစ်များ

Kpojemi 11:1

Jehanɛ ɔ, a ha mi tso ko nɛ maa hi kɛ nɔ́ susumi, nɛ a de mi ke, “Yaa nɛ o ya susu Mawu sɔlemi we ɔ, kɛ bɔ sami la tɛ ɔ, nɛ o kane nihi nɛ ngɛ Mawu jae ngɛ sɔlemi we ɔ mi.

Ezekiel 47:3

Nyumu ɔ ngɔ e nɔ́ susumi kpa a kɛ susu pa a gugue lafa enyɔ kɛ nyingmi enuɔ kɛ ya beleku je, nɛ e ha i nyɛɛ e se kɛ sɛ pa a mi ngɛ lejɛ ɔ. Nyu ɔ ba ta ye nane kpɔ mi.

Kpojemi 21:15

Bɔfo ɔ nɛ kɛ mi tu munyu ɔ hɛɛ sika tsu tso nɛ a kɛ susuɔ nɔ́ ngɛ e dɛ mi nɛ e kɛ ma susu ma a, kɛ agbo ɔmɛ, kɛ gbogbo ɔ.

Kpojemi 1:15

E nane ngɛ kpɛe kaa ayawa nɛ a tsu he ngɛ flɔɔnɔɔ mi, nɛ e gbi ngɛ pɛe wawɛɛ kaa pa nɛ hia kɛ bee.

Ezekiel 1:7

A nanehi ngɛ tlɔmɔtlɔmɔ, nɛ a nane si ngɛ kaa na nane si; nɛ a he ngɛ kpɛe hleii kaa akɔblee nɛ́ a sa he.

Ezekiel 1:27

Kɛ je e he ko nɛ a ma tsɛ ke e mlɛ mi kɛ kuɔ ɔ, nɔ́ nɛ i na a pee kaa ayawa ngɛ la mi. Kɛ je e mlɛ mi kɛ ya pue sisi ɔ tsuo ngɛ kpɛe kaa la nɛ ngɛ tsoe plamplam.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Ezekiel 41:1

Pee se ɔ, nyumu ɔ kɛ mi ba Yawɛ we ɔ mi nitsɛ. E susu sinya a nya titima a; kɛ je hiɛ kɛ yaa a, peeɔ gugue kake kɛ fa, nɛ kɛ je hiɛ kɛ yaa hu peeɔ gugue kake kɛ fa; ja nɔuu bo tsu mi blimi peeɔ.

Ezekiel 42:16

E ngɔ e tso ɔ kɛ susu kpo ɔ nɔ tsuo kɛ kpe. E ná gugue lafa kɛ nyingmi enyɔ kɛ enuɔ ngɛ beleku je ɔ.

Ezekiel 43:6

Benɛ nyumu ɔ daa si ngɛ ye kasa nya ngɛ lejɛ ɔ, i nu nɛ Yawɛ kɛ mi tu munyu kɛ je we ɔ mi ke,

Ezekiel 8:2

Ma hyɛ ɔ, o nɛ nɔ́ ko nɛ ngɛ kaa nɔmlɔ. Kɛ je e mlɛ mi kɛ kple si ɔ, la sɔuu; nɛ kɛ je e mlɛ mi kɛ kuɔ ɔ ngɛ kpɛe hleii kaa akɔblee nɛ a sa he.