Ezekiel 4:9 - BAIBLO ALOO NGMAMI KLƆUKLƆU Ɔ

⁹ “Jehanɛ, ngɔɔ ngma, akoko, abɔtlamɔ, yɔ, blɛfo akoko, kɛ blɛfo kɛ wo nɔ́ kake mi, nɛ o kɛ pee abolo. Ligbi lafa etɛ kɛ nyingmi nɛɛ ɔ nɛ o maa hwɔ o muɔ kasa nɔ ɔ, nɔ́ nɛ o maa ye ji nɛ ɔ nɛ.

Ezekiel 4:9 ပူးပေါင်းရင်းမြစ်များ

Ezekiel 4:16

E de mi hu ke, “Nɔmlɔ adesa, ma ha nɛ niye ní he maa hia ngɛ Yerusalem. Niye ní nɛ ma mi bi ɔmɛ maa ye ɔ, a maa ngmɛ ngɛ sɛni tɛ nɔ, nɛ nyu nɛ a maa nu hu a ma susu ha mɛ. A he maa hia mɛ, nɛ a maa ye a tsui ngɛ nyu kɛ ngma he.

Ezekiel 4:13

Yawɛ de mi ke, “Ja pɛpɛɛpɛ Israel bi ɔmɛ maa ye a niye ní nɛ a ble ɔ ngɛ je ma amɛ a kpɛti he nɛ ma fie mɛ kɛ maa ho ɔ.”

Yesaya 28:25

Ke e dla zugba a hɛ mi gbe nya a, anɛ e fĩa we pui wu, kɛ kowɛ lo? Anɛ e du we ngma zã nɔ zã nɔ, kɛ akoko hu ngɛ e blɔ he lo? Anɛ e du we ní kpahi kɛ wui huzu lo?

Mose I, 25:34

Kɛkɛ nɛ Yakob ha Esau abolo kɛ yɔ flɔɔ ɔ eko nɛ e ye, nɛ e nu nɔ́ ko ngɔ pue nɔ. Lɔ ɔ se ɔ, e te si, nɛ e je lejɛ ɔ, nɛ e bitɛte blɔ nya a nɛ e hɛ ngɔ fɔ he ɔ si we lɛ kpu.

Mose II, 9:32

Se ngma kpa a lɛɛ nɔ́ ko nɔ́ ko pee we lɛ; ejakaa a kpɛ se kɛ du lɔ ɔ.