Ezekiel 4:3 - BAIBLO ALOO NGMAMI KLƆUKLƆU Ɔ

³ Ngɔɔ dade pɛtɛɛ ko nɛ o kɛ pee dade gbogbo ngɛ o kɛ ma a nyɛ kpɛti. Lɔ ɔ se ɔ, plɛ o hɛ mi kɛ kpee ma a. A sa ma a yi! Mo ji nɔ nɛ sa ma a yi ɔ nɛ. Enɛ ɔ maa pee okadi kɛ ha Israel ma a.

Ezekiel 4:3 ပူးပေါင်းရင်းမြစ်များ

Ezekiel 12:6

A hɛ mi nɔuu ɔ, benɛ du bu ɔ, ngɔɔ o tlomi ɔ ngɔ fɔ o konɔ kɛ je kpo. Ngɔɔ nɔ́ kɛ ha o hɛ mi, konɛ o ko na zugba, he nɛ o ngɛ nyɛɛe kɛ yaa a. Nɔ́ nɛ o maa pee nɛ ɔ maa pee okadi kɛ ha Israel ma a.”

Yesaya 20:3

Benɛ a ngɔ Ashdod ma a, Yawɛ de ke, “Ye tsɔlɔ Yesaya hɛɛ e he gu, nɛ e nyɛɛ e nane gu jeha etɛ. Nɔ́ nɛ maa ba Egipt kɛ Sudan a nɔ ɔ he okadi ji nɛ ɔ nɛ.

Yesaya 8:18

Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

Ezekiel 12:11

De mɛ ke nɔ́ nɛ i pee nɛ ɔ, e ji okadi nɛ tsɔɔ nɔ́ nɛ maa ba a nɔ. A maa pee nihi nɛ do ma, nihi nɛ a nuu mɛ nyɔguɛ.

Hebribi 2:4

Mawu nitsɛ pee okadi kɛ nyakpɛ ní slɔɔtohi babauu kɛ ye yi wami hemi nɛ ɔ he odase. Jehanɛ hu, e dla Mumi Klɔuklɔu nike ní ɔmɛ ngɔ ha kaa bɔ nɛ lɛ nitsɛ e suɔ kɛ ma nɔ mi.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Yeremia 39:1

Yuda matsɛ, Zedekia yi nɔ jeha nɛɛne ɔ we nyɔhiɔ nɛ ji nyɔngma a mi ɔ, Babilonia matsɛ, Nebukadnezar ngɔ e tabo ɔ tsuo kɛ ba Yerusalem, nɛ e ba sa ma a yi.

Mose III, 2:5

Ke niye ní nɛ a sã ngɛ ngɛyu mi nɔ ko kɛ ma bɔ sami ɔ, é pee nɔ́ nɛ a kɛ kplolo mamu bukɔbukɔ nɛ a kɛ nu futu mi lɛ pee.

Yeremia 39:2

Benɛ Zedekia ye jeha nyɔngma kɛ kake ngɛ sɛ ɔ nɔ ɔ, jamɛ a jeha a we nyɔhiɔ eywiɛne ɔ we ligbi nɛ ji nɛɛ ɔ, a ywia Yerusalem gbogbo ɔ nɛ a je puɔ ngɛ mi.

Ezekiel 5:2

Ke a sa ma a yi se ɔ, ngɔɔ la kɛ sã bwɔmi ɔ mi dlami etɛ mi kake ngɛ ma a kpɛti. Mi dlami etɛ ɔ mi kake hu ngɔɔ klaate ɔ kɛ poo mi kɛ bɔle ma a kɛ kpe. Mi dlami etɛ ɔ mi kake nɛ maa piɛ ɔ, ngɔɔ kɛ fĩa kɔɔhiɔ mi; kɛkɛ ɔ, ma hia klaate ɔ kɛ nyɛɛ a se.

Daniel 11:17

“Siria matsɛ ɔ maa to ga bɔ nɛ pee nɛ e nine nɛ su Egipt tsuo nɔ. Lɛ hu e kɛ Egipt matsɛ ɔ maa pee huɛ, nɛ e kɛ e biyo ma ha lɛ. Nɛ yi mi yaya nɛ e to ngɔ wo Egipt matsɛ ɔ he ɔ, e maa gu e biyo nɛ ɔ nɔ kɛ tsu he ní. Se e yi mi tomi ɔ maa pee yaka.

Yesaya 22:7

Yuda kɔ̃ zugbahi nɛ baa ní saminya a, a mi hyi tɔ kɛ ta zugba lɛhi; ta buli nɛ hi okpɔngɔhi a nɔ daa si ngɛ Yerusalem agbo ɔmɛ a nya.