Ezekiel 4:2 - BAIBLO ALOO NGMAMI KLƆUKLƆU Ɔ

² Moo ma mɔ, nɛ o fia gbogbo kɛ kpoku kɛ wo he. Ngɔɔ ta buli kɛ gbogbo kuɔmi níhi kɛ bɔle lɛ kɛ kpe kɛ tsɔɔ kaa a sa ma a yi.

Ezekiel 4:2 ပူးပေါင်းရင်းမြစ်များ

Ezekiel 21:22

Kɛ̃ɛ̃ nɛ e hɛɛ ngɛ e hiɔ nine mi ɔ maa tsɔɔ Yerusalem. E maa tsɔɔ lɛ kaa e ya fia gbogbo kumi kpoku kɛ wo ma a he; e kpa ngmlaa nɛ e he ose wawɛɛ; e ngɔ gbogbo kumi níhi kɛ to agbo ɔmɛ a nya; e fia kpokuhi, nɛ e ma mɔhi.

Yeremia 6:6

Yawɛ Tabohiatsɛ ɔ fa matsɛmɛ nɛ ɔmɛ nɛ a po tso kɛ pee kpoku kɛ bɔle Yerusalem kɛ kpe, nɛ a sa ma a yi. Yawɛ de to ke, “Ma gbla ma nɛ ɔ tue, ejakaa amimi sɔuu lɛ a ngɛ yee ngɛ ma a mi.

Yeremia 52:4

Enɛ ɔ he je ɔ, Zedekia yi nɔ jeha nɛ ji nɛɛ ɔ, nyɔhiɔ nɛ ji nyɔngma a we ligbi nɛ ji nyɔngma a nɔ ɔ, Babilonia matsɛ, Nebukadnezar kɛ e tabo ɔ tsuo ba tua Yerusalem. A sa ma a yi, nɛ a fia kpokuhi kɛ bɔle ma a kɛ kpe.

Samuel II, 20:15

Benɛ Yoab we bi ɔmɛ nu kaa Sheba ngɛ Abel ngɛ Bet Maaka a, a ya sa ma a yi. A kɛ zu fia kpoku wo ma a he kɛ ya su gbogbo nɛ bɔle ma a yi mi tɔɔ, nɛ a bɔni gbogbo ɔ nɔ́ fiami, konɛ a hule lɛ.

Yeremia 33:4

Imi Yawɛ, Israel Mawu ɔ, i ngɛ dee ke a maa ku Yerusalem we ɔmɛ, kɛ Yuda matsɛ we ɔ ngɔ pue si. E he be se nami bae ha nyɛ kaa nyɛ maa je kpo nɛ nyɛɛ kɛ Babilonia bi ɔmɛ ya hwu ta ngɛ kpoku nɛ a fia kɛ bɔle ma a he. Ke nyɛ pee ja a, nyɛ ma ha nɛ nihi nɛ i kɛ abofu maa gbe ɔ a gbogboe ma hyi ma a mi tɔ. Ní yayamihi nɛ ma nɛ ɔ mi bi ɔmɛ pee he je ɔ, i kua ma a.

Ezekiel 5:2

Ke a sa ma a yi se ɔ, ngɔɔ la kɛ sã bwɔmi ɔ mi dlami etɛ mi kake ngɛ ma a kpɛti. Mi dlami etɛ ɔ mi kake hu ngɔɔ klaate ɔ kɛ poo mi kɛ bɔle ma a kɛ kpe. Mi dlami etɛ ɔ mi kake nɛ maa piɛ ɔ, ngɔɔ kɛ fĩa kɔɔhiɔ mi; kɛkɛ ɔ, ma hia klaate ɔ kɛ nyɛɛ a se.

Daniel 11:15

Jehanɛ, Siria matsɛ ɔ ma ba sa ma ko nɛ a fia gbogbo ngɔ wo he ɔ yi, nɛ e maa ngɔ ma a. Egipt tabo ɔmɛ be nya nyɛe maa da; a ta buli kpakpa amɛ po a he wami maa ta.

Yesaya 22:7

Yuda kɔ̃ zugbahi nɛ baa ní saminya a, a mi hyi tɔ kɛ ta zugba lɛhi; ta buli nɛ hi okpɔngɔhi a nɔ daa si ngɛ Yerusalem agbo ɔmɛ a nya.

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Ezekiel 21:27

Ma doku, ma doku oo, ma doku! Ma pee ma a ma doku! Se nɔ́ nɛ ɔ be mi bae kɛ yaa si nɔ nɛ e sa kaa e tsuɔ nɔ́ nɛ ɔ maa ba; nɛ ma ngɔ ma a kɛ wo e dɛ mi.