Ezekiel 3:9 - BAIBLO ALOO NGMAMI KLƆUKLƆU Ɔ

⁹ Ma ha nɛ o hɛ mi maa wa kaa tɛ nɛ he wa pe tslɛbo po. Koo ye mɛ gbeye, nɛ o tsui ko po ngɛ a hɛ mi; ejakaa mɛɛ lɛɛ atuã pɛ a tsɔɔ.”

Ezekiel 3:9 ပူးပေါင်းရင်းမြစ်များ

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Yesaya 50:7

Se enɛ ɔmɛ tsuo pee we mi nɔ́ ko, ejakaa Nyɔmtsɛ Mawu ɔ piɛ ye he, nɛ zo gbi mi. Lɔ ɔ he ɔ, i nu ye tsui, nɛ i wlua mi, ejakaa i le kaa zo be mi gbee.

Zakaria 7:12

A kplii a tsui konɛ a ko nu mlaahi, kɛ níhi nɛ i ha gbali ɔmɛ nɛ sɛ a hlami ɔ tsɔɔ mɛ ɔ. Enɛ ɔ he ɔ, imi Yawɛ Tabohiatsɛ ɔ, ye mi mi fu mɛ wawɛɛ nitsɛ.

Yeremia 1:8

Koo ye mɛ gbeye, ejakaa i kɛ mo ngɛ, nɛ ma bu o he. Imi, Yawɛ lɛ i de.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

1 Timoteo 2:3

Sɔlemi kaa kikɛ nɛ ɔ hi, nɛ e saa Mawu, wa kpɔlɔ ɔ hɛ mi.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Yeremia 17:18

Ni nɛmɛ nɛ ngɛ mi yi mi wae ɔ, ha nɛ zo nɛ gbe mɛ; se imi lɛɛ ha nɛ ma ye ye he. Ha nɛ sawale nɛ nu mɛ, se imi lɛɛ koo wo ye he gbeye. Ngɔɔ haomi kɛ ba a nɔ, nɛ o kpata a hɛ mi pɛsɛpɛsɛ.

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

2 Timoteo 2:6

Ngmɔ hulɔ nɛ gboɔ dengme kɛ tsuɔ ní ɔ, lɛ kekle e yeɔ ngmɔ niba ní ɔ eko.

Yeremia 15:20

Ma ha nɛ o maa pee kaa akɔblee gbogbo nɛ he wa ngɛ a hɛ mi; a kɛ mo maa hwu ta, se a be mo nyɛe. I kɛ mo maa hi si; ma bu o he, nɛ ma he o yi wami.

Ezekiel 3:8

Lɔ ɔ he ɔ, ma ha o maa wa tue, nɛ o maa kplii o tsui kɛ wo mɛ ja nɔuu.

Ezekiel 3:10

Mawu de hu ke, “Nɔmlɔ adesa, ta tue saminya, konɛ o kai nɔ́ tsuaa nɔ́ nɛ ma de mo ɔ.

Ezekiel 44:6

“De Israel ma atuã tsɔli nɛ ɔmɛ ke imi Nyɔmtsɛ Yawɛ i be mɛ blɔ ngmɛe nɛ a pee ní hiemi níhi nɛ a ngɛ pee ɔ hu.