Ezekiel 3:3 - BAIBLO ALOO NGMAMI KLƆUKLƆU Ɔ

³ E de mi ke, “Nɔmlɔ adesa, yé womi kpo nɛ i ngɔ ha mo nɛ ɔ, nɛ o mi mi nɛ hyi tɔ.” I ye, nɛ e ngɔ ngɛ ye nya mi kaa hwo.

Ezekiel 3:3 ပူးပေါင်းရင်းမြစ်များ

Hiob 23:12

Nɔ́ nɛ Mawu fa mi ke ma pee ɔ, lɔ ɔ i peeɔ. I pee we imi nitsɛ ye suɔmi nya ní; Mawu suɔmi nya ní lɛ i peeɔ.

La 119:103

O mlaa a ngɔɔ loo! E ngɔɔ pe hwo tete po.

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

La 119:97

I suɔ o mlaa a kaa nɔ́ ko! Ke je na kikɛ nɛ ɔ, e he pɛ i susuɔ.

La 19:10

A he ngɛ akɔnɔ pe sika tsu ngmingmiingmi; a ngɔɔ pe hwo, hwo nɛ je hwo gbaku mi pue si.

La 19:11

Ke i ye mlaa amɛ a nɔ ɔ, imi o tsɔlɔ ɔ, i naa nile, kɛ se nami kpahi babauu.

Yeremia 15:16

O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Yeremia 6:11

Yawɛ, enɛ ɔmɛ a he je ɔ, ye mi mi fu mɛ wawɛɛ nitsɛ kaa bɔ nɛ mo hu o mi mi fu mɛ ɔ pɛ; jehanɛ lɛɛ i be nyɛe tsui tomi hu.” Kɛkɛ nɛ Yawɛ de mi ke, “Ngɔɔ ye mi mi fumi ɔ kɛ kple jokuɛwi a nɔ ngɛ gbɛjegbɛ ɔ nɔ; ngɔɔ kɛ kple nihewi a nɔ ngɛ a he nya buami he ɔmɛ. A maa nuu nyumuhi kɛ a yihi kɛ je, nɛ nihi nɛ bwɔ kotokoto po be a he yee.

Ezekiel 2:10

E bli womi ɔ mi kɛ fɔ si. A ngma ní ngɛ womi ɔ hɛ mi, kɛ e se tsuo. Kɔmɔ yemi, huu fami, kɛ awe nyami munyuhi lɛ ngɛ mi.

Ezekiel 2:8

“Se mo nɔmlɔ adesa, bu nɔ́ nɛ ma de mo ɔ tue; koo pee o he tue gbolɔ kaa mɛ. Pãã o nya mi, nɛ o ye nɔ́ nɛ ma ha mo nɛ ɔ.”

Ezekiel 3:4

Jehanɛ Mawu de mi ke, “Nɔmlɔ adesa, yaa Israel bi ɔmɛ a ngɔ, nɛ nɔ́ tsuaa nɔ́ nɛ ma de mo ɔ, de mɛ.

Yohane 7:38

A ngma ke, ‘Nɔ tsuaa nɔ nɛ heɔ mi yeɔ ɔ, pa nɛ baa nyu babaaba nɛ wami ngɛ mi maa fo dɔ kɛ je e tsui mi.’ ”

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.