Ezekiel 26:3 - BAIBLO ALOO NGMAMI KLƆUKLƆU Ɔ

³ “Lɔ ɔ he ɔ, bɔ nɛ imi Nyɔmtsɛ Yawɛ, i ngɛ dee ji: Tiro, i kɛ mo ná. Ma ha je mahi babauu ma ba tua mo; a maa ba nɔtonɔto kaa bɔ nɛ wo oslɔkehi kuɔ kɛ baa wo dɔ mi.

Ezekiel 26:3 ပူးပေါင်းရင်းမြစ်များ

Yeremia 51:42

Wo ɔ te si kɛ wo Babilon, nɛ wo oslɔke ɔmɛ nɛ ngɛ pɛe ɔ ha e nɔ.

Yesaya 5:30

Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

Mika 4:11

Je mahi babauu ba bua ngɔ wo nyɛ he konɛ a tua nyɛ. A ke, “Ja wa kpata Yerusalem hɛ mi! Wa maa na kɛ wa hɛngmɛ kaa ma nɛ ɔ pee ma doku!”

Luka 21:25

“Nyakpɛ níhi maa ba pu, nyɔhiɔ, kɛ dodoehi a hɛ mi. Nihi babauu ngɛ je ɔ mi a kɔni mi ma jɔ̃; ke wo gli nɛ oslɔke pɛ kɛkɛ gbeye nu mɛ.

Zakaria 14:2

Yawɛ ma bua je ma amɛ tsuo a nya kɛ ba tua Yerusalem. A maa ngɔ ma a; a maa ha ní ngɛ we ɔmɛ a mi, nɛ a maa pee yi ɔmɛ basabasa. A maa nuu ma a mi dlami enyɔ mi kake kɛ ho ma se ya; se ni nɛmɛ nɛ maa piɛ ngɛ Yerusalem ɔ, a be a hɛ mi kpatae.

Nahum 2:12

Jata ku ɔ ya gbe de lo, nɛ e tsɔtslɔɔ mi kɛ ha jata yo ɔ, kɛ e bi ɔmɛ; lo ɔ hyi e hi he ɔ tɔ.

Ezekiel 38:3

De lɛ ke imi Nyɔmtsɛ Yawɛ, i kɛ lɛ ná.

Ezekiel 28:22

De mɛ ke imi Nyɔmtsɛ Yawɛ, i ke i kɛ mɛ ná. Je ma amɛ maa wo ye hɛ mi nyami ngɛ nɔ́ nɛ ma pee Sidon ma a he. Ma gbla Sidon tue, konɛ a na bɔ nɛ i ngɛ klɔuklɔu ha. Kɛkɛ ɔ, a maa le kaa imi ji Yawɛ.

Ezekiel 27:26

Benɛ lɛ hluili ɔmɛ kɛ mo ya su wo ɔ nɔ tsitsaa a, wo nɔ kɔɔhiɔ fia kɛ ba na mo, nɛ e kpata o hɛ mi ngɛ lejɛ ɔ.

Ezekiel 21:3

imi Yawɛ, nɔ́ nɛ i ngɛ dee ji i kɛ mo ná. Ma hia ye klaate kɛ je e kpo ɔ mi, nɛ ma kpata nɔ tsuaa nɔ hɛ mi, dalɔ jio, yayami peelɔ jio.

Ezekiel 5:8

imi Nyɔmtsɛ Yawɛ hu, i kɛ mo ná. Ma gbla o tue ngɛ je ma amɛ a hɛ mi paa.

Yeremia 50:42

A hɛɛ kɛ̃ɛ̃ kɛ akplɔ; a yi mi wa, nɛ mɔbɔ nami ko kulaa be a mi. A he ose, nɛ a hi okpɔngɔhi a nɔ kɛ ma; nɛ lejɛ ɔ tsuo pee hoo kaa wo nɛ ngɛ fiae gudugudu. A mia kɛ ma nɛ a kɛ Babilonia ba hwu ta.

Yeremia 50:31

“Babilonia bi, nyɛ woɔ nyɛ he nɔ. Enɛ ɔ he je ɔ, imi Nyɔmtsɛ Yawɛ Tabohiatsɛ ɔ, i kɛ nyɛ maa to ní. Nyɛ be ɔ su; be ɔ nɛ ma gbla nyɛ tue ɔ su.

Yeremia 21:13

Mo Yerusalem, o maa si piɔpiɔɔpiɔ ngɛ kɔ̃ ɔmɛ a mi kaa tɛ sa ngɛ nga kplanaa nɔ. Se i kɛ mo maa to ní. O deɔ ke nɔ ko be nyɛe ma ba tua mo, nɛ nɔ ko be nyɛe maa sɛ o mɔ ɔmɛ a mi.

Yeremia 6:23

Nimli nɛ ɔmɛ ɔ, yiwutsotsɛmɛ ji mɛ; mɔbɔ nami kake too be a mi. A mia kɛ kɛ̃ɛ̃ kɛ akplɔ, nɛ a hi okpɔngɔhi a nɔ kɛ ma. Okpɔngɔ ɔmɛ a nane si ngɛ pɛe glɛi glɛi glɛi kaa wo nɛ gli. A ma nɛ a ba tua Yerusalem.”

La 107:25

E fa nɛ ahumi fia, nɛ wo oslɔkehi te si.

Ezekiel 26:19

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha o ní maa pee mɔbɔ kaa ma doku nɛ nɔ ko nɔ ko be mi. O ma mu kɛ ya wo ɔ sisi tɔɔ.

Ezekiel 29:10

i kɛ mo ná, nɛ i kɛ o Nilo pa a hu ná. Ma ha Egipt zugba a tsuo nɔ maa je gu; e maa pee ma dokuhi sɔuu kɛ je Migdol ngɛ omleyi je kɛ yaa su Aswan ngɛ leneyi je, hluu kɛ ma ya su Sudan bi ɔmɛ a huzu ɔ nya tɔɔ.

Nahum 3:5

Yawɛ Tabohiatsɛ ɔ ke, “Nineve, ma gbla o tue! Ma ha nɛ o maa hɛɛ o he gu, nɛ ma ha nɛ je ma amɛ maa na mo paslapaa kɛ o he zo ɔ tsuo.

Zakaria 9:4

Se Nyɔmtsɛ ɔ ma kpɔ ní tsuo nɛ Tiro na a ngɛ e dɛ. Nyɔmtsɛ ɔ ma sake ní nɛ e na kpɔtɔɔ ɔ ngɔ pue wo mi, nɛ la maa sã ma a.