Ezekiel 22:3 - BAIBLO ALOO NGMAMI KLƆUKLƆU Ɔ

³ De lɛ ke bɔ nɛ imi, Nyɔmtsɛ Yawɛ i ngɛ dee ji, mo ma nɛ o pue muɔ si babauu, nɛ o puɛ amagahi nɛ o ja mɛ kɛ ble o he, o be ɔ su ta.

Ezekiel 22:3 ပူးပေါင်းရင်းမြစ်များ

Ezekiel 22:27

Ganɔ ɔmɛ ngɛ kaa ogbeteehi nɛ ngɛ a de lo mi tsɔtslɔɔe. A gbeɔ nɔ, bɔ nɛ pee nɛ a na ní yaka.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Zefania 3:3

Tsɔli ɔmɛ ngɛ kaa jatahi nɛ ngɛ huãe. Kojoli ɔmɛ hu ngɛ kaa ogbeteehi nɛ hwɔ gbe mɛ; gbɔkuɛ ɔ, a yeɔ ní tsuatsuaatsua, nɛ ke je na a, a si we nɔ́ ko nɔ́ ko.

Ezekiel 23:45

Nihi nɛ peeɔ nɔ nɛ da maa bu mɛ fɔ kaa a puɛ gba, nɛ a pue muɔ si hulɔ; ejakaa a ngɔ yahomi kɛ pee a ní tsumi, nɛ a pue muɔ si.”

Ezekiel 23:37

A puɛ gba kɛ a we amaga jami ɔ; a pue muɔ si, nɛ binyumuwi nɛ a fɔ ha mi ɔ po a kɛ mɛ sã bɔ ha amagahi.

Ezekiel 22:6

Israel ganɔ ɔmɛ a ti nɔ tsuaa nɔ ngɔ e hɛ ngɔ fɔ lɛ nitsɛ e he wami nɔ; a pueɔ muɔ si bɔ nɛ a suɔ.

Ezekiel 22:4

O yeɔ fɔ kaa o pue muɔ si, nɛ o puɛ amagahi, nɛ o ja mɛ kɛ ble o he. Hyɛ, o ha nɛ o nyagbe ɔ na mo haa! O be ɔ su. Lɔ ɔ he nɛ i ha je ma amɛ ngɛ mo ahlua bɔe, nɛ zugba amɛ tsuo ngɛ o he fɛu yee ɔ nɛ.

Ezekiel 12:25

Ejakaa imi Yawɛ nitsɛ, i kɛ mɛ maa tu munyu, nɛ nɔ́ nɛ ma de ɔ maa ba mi pɛpɛɛpɛ. A be be ɔ tsɛ̃e kɛ ya se hu. Nyɛ ma tue gboli, nyɛ yi nɔ nɛ ɔ nɔuu lɛ nɔ́ nɛ i de nɛ ɔ maa ba mi. Imi, Nyɔmtsɛ Yawɛ lɛ i de.”

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.

Ezekiel 22:2

nɛ e de mi ke, “Nɔmlɔ adesa, anɛ o pee klaalo nɛ o maa kojo ma nɛ muɔ si pɛ a pueɔ ngɛ mi ɔ lo? Ke jã a, lɛɛ ha nɛ e le ní hiemi níhi nɛ e pee ɔ tsuo.

Ezekiel 23:7

Ohola kɛ Asiria nyumuhi nɛ ngɛ biɛ bɔ ajuama, nɛ e ja a we amagahi kɛ ble e he.

Matsɛmɛ II, 24:3

Yawɛ lɛ ha nɔ́ nɛ ɔ ba mi, bɔ nɛ pee nɛ e je Yuda ma a we ngɛ yayamihi nɛ Manase pee ɔ a he,

Matsɛmɛ II, 24:4

titli ɔ, kaa e pue nihi babauu nɛ pee we nɔ́ yayami ko a muɔ si ngɛ Yerusalem. Yawɛ kɛ nɔ́ nɛ Manase pee nɛ ɔ pɛ́ lɛ.

La 106:39

A kɛ a ní peemi ble mɛ nitsɛmɛ a he, nɛ Mawu hu a yi lɛ anɔkuale.

Yesaya 1:21

Ma nɛ sa a, e yeɔ anɔkuale ɔ, jehanɛ lɛɛ hyɛ, e ngɛ e ní pee kaa yaholɔ! Sa be ko ɔ, nimli nɛ peeɔ nɔ́ nɛ da nɛ a hyi ma a mi tɔ, se jehanɛ lɛɛ awi yeli sɔuu lɛ piɛ ngɛ ma a mi.

Ezekiel 33:25

“De mɛ ke imi Nyɔmtsɛ Yawɛ, bɔ nɛ i ngɛ dee ji, nyɛ yeɔ lo nɛ muɔ ngɛ mi. Nyɛ jaa amagahi. Nyɛ pueɔ muɔ si. Mɛni ha nɛ nyɛ susuɔ kaa nyɛ nɔ ji zugba a?

Mika 3:10

Mawu ma, Yerusalem ɔ nɛ nyɛ ngɛ mae ɔ, muɔ si puemi kɛ yayami peemi lɛ nyɛ kɛ fia.