Ezekiel 2:4 - BAIBLO ALOO NGMAMI KLƆUKLƆU Ɔ

⁴ Ma nɛ e mi bi a tue wa, nɛ a bui mi a ngɔ i ngɛ mo tsɔe ɔ nɛ. Yaa de mɛ nɔ́ nɛ imi Nyɔmtsɛ Yawɛ i ngɛ mɛ dee ɔ.

Ezekiel 2:4 ပူးပေါင်းရင်းမြစ်များ

Ezekiel 3:7

Se Israel ma a be suɔe kaa a maa bu mo tue, ejakaa imi tete po, a sume kaa a maa bu mi tue. Ma a tsuo pɛpɛɛpɛ a tue wa, nɛ a tsɔɔ atuã.

Yeremia 6:15

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.”

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Yesaya 48:4

Israel bi, i le kaa nyɛ kuɛ wa; e ngɛ kpakpataa kaa dade, nɛ nyɛ yi wu tso ngɛ kpɛkpɛtɛɛ kaa akɔblee.

La 95:8

“Nyɛ ko kplii nyɛ tsui kaa bɔ nɛ nyɛ nɛmɛ ɔmɛ pee ligbi ko ngɛ Masa nga a nɔ ngɛ Meriba a.

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Yeremia 8:12

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ ke zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.

Yeremia 3:3

Enɛ ɔmɛ a he je lɛ a tsi hiɔmi nɛmi nya, nɛ gbo hiɔmi po nɛ ɔ nɛ. O ngɛ kaa yo yaholɔ nɛ e zo tɔ ywia pɛ.

Abɛ Womi 21:29

Yiwutsotsɛ toɔ e hɛ mi liliili kɛ peeɔ yayami; nɔ nɛ peeɔ nɔ́ nɛ da lɛɛ e susuɔ níhi a he saminya.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Kronika II, 30:8

Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.

Matsɛmɛ I, 22:14

Se Mikaya he nɔ ke, “I na Yawɛ hɛ kalɔ ɔ kaa nɔ́ nɛ Yawɛ ma de mi ɔ, lɔ ɔ pɛ ma de ɔ nɛ!”

Mose V, 31:27

I le kaa a kuɛ wa, nɛ a tsɔɔ atuã. Be mi nɛ i ngɛ je mi ɔ, a tsɔ Yawɛ hɛ mi atuã, nɛ ke i gbo lɛɛ kɛ e ma ba hi kɛɛ?

Mose V, 10:16

Lɔ ɔ he ɔ, kɛ je mwɔnɛ ɔ kɛ yaa a, nyɛɛ bu Yawɛ tue, nɛ nyɛ ko wa tue hu.

Yeremia 1:7

Se Yawɛ de mi ke, “Ko de ke niheyo kɛkɛ ji mo. Nihi tsuo a ngɔ nɛ ma tsɔ mo ɔ, yaa; nɛ nɔ́ tsuaa nɔ́ nɛ ma fa mo ke o de ɔ, de.

Yeremia 36:21

Matsɛ ɔ tsɔ Yehudi ke e ya nɛ e ya ngɔ womi kpo ɔ kɛ ba. Yehudi ya ngɔ womi kpo ɔ ngɛ Elishama tsu ɔ mi kɛ ba, nɛ e ba kane ha matsɛ ɔ, kɛ ma nimeli ɔmɛ tsuo nɛ daa si ngɛ matsɛ ɔ kasa nya a.

Amos 7:15

Se Yawɛ je mi kɛ je to ɔmɛ a he, nɛ e tsɔ mi ke ma ngɔ sɛ gbi ya ha e ma Israel.

Zakaria 7:12

A kplii a tsui konɛ a ko nu mlaahi, kɛ níhi nɛ i ha gbali ɔmɛ nɛ sɛ a hlami ɔ tsɔɔ mɛ ɔ. Enɛ ɔ he ɔ, imi Yawɛ Tabohiatsɛ ɔ, ye mi mi fu mɛ wawɛɛ nitsɛ.

Ezekiel 3:4

Jehanɛ Mawu de mi ke, “Nɔmlɔ adesa, yaa Israel bi ɔmɛ a ngɔ, nɛ nɔ́ tsuaa nɔ́ nɛ ma de mo ɔ, de mɛ.

Ezekiel 3:11

Lɔ ɔ se ɔ, o ma mi bi ɔmɛ nɛ a nuu kɛ ho ma se ya a, yaa a ngɔ nɛ o ya tu munyu kɛ tsɔɔ mɛ. De mɛ ke nɔ́ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ, a bu tue jio, a bui tue jio.”

Ezekiel 3:27

Lɔ ɔ se ɔ, i kɛ mo maa tu munyu ekohu, nɛ ke i bli o nya a, o ma de mɛ nɔ́ nɛ imi Nyɔmtsɛ Yawɛ i de mo ɔ. A ti ni komɛ maa bu mo tue, nɛ ni komɛ hu be mo tue bue; ejakaa ma atuã tsɔli ji mɛ.”