Ezekiel 2:2 - BAIBLO ALOO NGMAMI KLƆUKLƆU Ɔ

² Benɛ e kɛ mi tu munyu ɔ kɛkɛ nɛ Mawu mumi ba sɛ ye mi, nɛ e wo ye nɔ kɛ da si. Kɛkɛ nɛ i bu nɔ́ nɛ a ngɛ mi dee ɔ tue.

Ezekiel 2:2 ပူးပေါင်းရင်းမြစ်များ

Ezekiel 3:24

Se Mawu mumi ɔ ba sɛ ye mi, nɛ e wo ye nɔ kɛ da si. E kɛ mi tu munyu, nɛ e de mi ke, “Yaa o we ɔ mi, nɛ o nga sinya kɛ wo o yi.

Ezekiel 3:12

Kɛkɛ nɛ Mawu mumi ɔ wo ye nɔ, nɛ i nu gbi nguaa ko nɛ ngɛ pɛe ngɛ ye se je ke, “Á je Yawɛ yi, nɛ a wo e hɛ mi nyami ngɛ hiɔwe lokoo.”

Kpojemi 11:11

Ligbi etɛ kɛ fa a se ɔ, Mawu ha nɛ a kpale ba wami mi ekohu. A te si da a nane nɔ, nɛ nihi tsuo nɛ na mɛ ɔ ye gbeye wawɛɛ.

Daniel 8:18

Benɛ e kɛ mi ngɛ munyu ɔ tue ɔ, i sɛ diblii mi, nɛ i kɛ ye hɛ mi bu si. Se e fua mi, nɛ e wo ye nɔ kɛ da si ngɛ he nɛ i ngɛ ɔ.

Ezekiel 36:27

Ma ngɔ ye mumi ɔ kɛ wo nyɛ mi, konɛ nyɛɛ bu ye mlaa amɛ tsuo tue, nɛ nyɛɛ ye a nɔ pɛpɛɛpɛ.

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Nehemia 9:30

O to o tsui si, nɛ o bɔ mɛ kɔkɔ jeha babauu. O ngɔ o mumi ɔ ngɔ wo o gbali ɔmɛ a mi, konɛ a tu munyu ngɔ tsɔɔ mɛ; se o ma a wa tue. Lɔ ɔ he ɔ, o ngmɛɛ a he ha ma kpahi nɛ a ye a nɔ.

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

Manyadali 13:25

Yawɛ mumi ɔ bɔni e he ní tsumi ngɛ Mahane Dan, ngɛ Zora kɛ Eshtaol a kpɛti.

Ezekiel 11:5

Jehanɛ, Yawɛ mumi ɔ ba ye nɔ, nɛ e de mi ke ma de ni nɛ ɔmɛ ke, “Bɔ nɛ Yawɛ ngɛ dee ji nɛ ɔ nɛ. Nyɛ Israel ma, nɔ́ nɛ nyɛ ngɛ susue ji nɛ ɔ? I le níhi nɛ nyɛ ngɛ susue.

Ezekiel 24:3

Buu abɛ nɛ ɔ kɛ tsɔɔ ma tue gboli nɛ ɔmɛ; nɛ o de mɛ ke abɛ nɛ ɔ, imi Nyɔmtsɛ Yawɛ nitsɛ lɛ i ngɛ mɛ bue. Ngɔɔ buɛ ɔ kɛ ma la a nɔ; yɛɛ nyu kɛ wo buɛ ɔ mi.