Ezekiel 13:3 - BAIBLO ALOO NGMAMI KLƆUKLƆU Ɔ

³ Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Musu tloo gbali kuasiahi nɛ peeɔ mɛ nitsɛmɛ a suɔmi nya ní, nɛ nɔ́ nɛ a nɛ́ hu a gbaa.

Ezekiel 13:3 ပူးပေါင်းရင်းမြစ်များ

Kɔmɔ Yemi 2:14

O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Ezekiel 34:2

E ke, “Nɔmlɔ adesa, gbaa kɛ si Israel nɔ yeli ɔmɛ. De mɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Musu tloo nyɛ Israel to hyɛli! Nyɛ nitsɛmɛ nyɛ he pɛ nyɛ ngɛ lɛe; nyɛ hyɛ we to ɔmɛ a nɔ! Anɛ pi to ɔmɛ mohu nɛ to hyɛlɔ hyɛɛ lo?

Yeremia 23:1

Ma nɔ yeli nɛ kpataa Yawɛ ma a hɛ mi, nɛ a gbɛɛ mɛ ngɔ fĩaa a, musu tloo mɛ!

Abɛ Womi 15:14

Ní leli hlaa kaa a maa hi ní kasee kɛ ya nɔ. Kuasiahi lɛɛ nɔ́ nɛ a suɔ ji a hi biɛmi munyu tue kpamisa.

1 Timoteo 6:4

Kikɛmɛ a nimli nɛ ɔmɛ ɔ, a he nɔ kɛkɛ nɛ a ngɛ woe; a li nɔ́ ko nɔ́ ko fɛɛ. A suɔ nɛ a wo pɛ, nɛ a sã nya babauu ngɛ níhi a he. Enɛ ɔ haa nɛ a hɛ kɔɔ a sibi a nɔ; a nɔɔ kunɔ, nɛ a jɛɔ a he basabasa; yayami sɔuu a susuu ngɛ a sibi a he;

1 Korintobi 9:16

Niinɛ, sane kpakpa a nɛ i fiɛɛ ɔ, lɔ ɔ kɛkɛ ha we mi he blɔ kaa ma fĩa, ejakaa Mawu nitsɛ nɛ fa mi ke ma pee jã. Kaa i fiɛ we sane kpakpa a, jinɛ musu tloo mi pɛ!

Luka 11:52

“Nyɛ mlaa tsɔɔli, musu tloo nyɛ! Safe nɛ bliɔ sinya nɛ yaa nile we ɔ, nyɛ ngɔ kɛ to; nyɛ nitsɛmɛ nyɛ yɛ lejɛ ɔ, nɛ nihi nɛ hlaa kaa a maa ya hu nyɛ tsiɔ mɛ blɔ!”

Luka 11:40

Kuasiahi! Mawu nɛ pee kpo nɔ je ɔ, pi lɛ nɔuu nɛ pee mi mi je ɔ hulɔ ɔ?

Zakaria 11:15

Enɛ ɔ se ɔ, Yawɛ de mi ke, “Jehanɛ lɛɛ ngɔɔ o he ngɔ pee kaa to hyɛlɔ nɛ he be se nami.

Ezekiel 13:18

De mɛ ke bɔ nɛ Nyɔmtsɛ Yawɛ ngɛ dee ji nɛ ɔ nɛ: “Nyɛ yihi nɛ nyɛ kpɛɔ bo tsɔwi kɛ haa nihi tsuo nɛ a kɛ fii a nine si, musu tloo nyɛ! Nyɛ yihi nɛ nyɛ peeɔ yi nɔ hami bohi kɛ haa nihi, bɔ nɛ pee nɛ nyɛ na a klaa amɛ a nɔ he wami, musu tloo nyɛ! Nyɛ hlaa kaa nyɛ maa mlɔɔ ye ma a, nɛ nyɛ kpata a wami hɛ mi, bɔ nɛ pee nɛ nyɛ na se.

Abɛ Womi 15:2

Ní leli a ní sɛɛmi ngɔɔ ngɛ tue mi; kuasiahi lɛɛ munyu nɛ jeɔ a nya mi ɔ, juɛmi be mi.

2 Timoteo 3:9

Se a be he ko sue, ejakaa e be kɛe kulaa nɛ nihi maa na kaa kuasia kɛkɛ a ngɛ jee. Nɔ́ nɛ ba Yane kɛ Yambre a nɔ ɔ, lɔ ɔ nɔuu maa ba mɛ hu a nɔ.

Yeremia 23:16

Yawɛ Tabohiatsɛ ɔ de Yerusalem ma mi bi ɔmɛ ke, “Nyɛ ko bu munyuhi nɛ gbali ɔmɛ ngɛ tue ɔ tue; sisimi a ngɛ nyɛ sisie ɔ nɛ. Ninahi nɛ a jeɔ kɛ tsɔɔ nyɛ ɔ, mɛ nitsɛmɛ a yi mi e je; pi imi Yawɛ ye nya mi munyuhi ji lɔ ɔmɛ.

Yeremia 28:15

I bɔ gbalɔ Hanania amaniɛ nɛ ɔ, nɛ i ya nɔ nɛ i de lɛ ke, “Hanania, bu tue! Yawɛ tsɔ we mo fɛɛ, nɛ o ha nɛ ma nɛ ɔ he lakpa munyu ɔmɛ ye.

Ezekiel 13:4

Israel ma, o gbali ɔmɛ a he be se nami; a ngɛ kaa kɔkɔbohi ngɛ ma doku mi.

Yeremia 23:9

I hao wawɛɛ nitsɛ, nɛ imi nɔmlɔ ɔ tsuo ye he ngɛ doe blibliibli. Yawɛ kɛ e munyu klɔuklɔu ɔ a he je ɔ, i pee kaa nɔ nɛ tɔ dã, loo nɔ nɛ nu dã pe nine.