Ezekiel 1:4 - BAIBLO ALOO NGMAMI KLƆUKLƆU Ɔ

⁴ Ma wo ye yi nɔ ɔ, o nɛ ahumi nguaa ko nɛ hia kɛ je omleyi je kɛ ma. Oslabai ngɛ gbae nɔtonɔto kɛ ngɛ bɔku agbo ko mi jee. Hiɔwe ɔ nɛ bɔle bɔku ɔ tsuo ngɛ la pãe nylamnylam; nɔ́ ko ngɛ kpɛe kaa akɔblee ngɛ la a mi.

Ezekiel 1:4 ပူးပေါင်းရင်းမြစ်များ

Ezekiel 1:27

Kɛ je e he ko nɛ a ma tsɛ ke e mlɛ mi kɛ kuɔ ɔ, nɔ́ nɛ i na a pee kaa ayawa ngɛ la mi. Kɛ je e mlɛ mi kɛ ya pue sisi ɔ tsuo ngɛ kpɛe kaa la nɛ ngɛ tsoe plamplam.

Ezekiel 8:2

Ma hyɛ ɔ, o nɛ nɔ́ ko nɛ ngɛ kaa nɔmlɔ. Kɛ je e mlɛ mi kɛ kple si ɔ, la sɔuu; nɛ kɛ je e mlɛ mi kɛ kuɔ ɔ ngɛ kpɛe hleii kaa akɔblee nɛ a sa he.

Yeremia 23:19

Nyɛɛ hyɛ! Yawɛ mi mi fumi ɔ ngɛ kaa ahumi. E ngɛ kaa lasiogblee nɛ maa fia vuguvugu kɛ bɔle yayami peeli a yi he.

Yeremia 25:32

Yawɛ Tabohiatsɛ ɔ ke haomi maa ba je ma amɛ a nɔ nɔtonɔto, nɛ ahumi nɛ nya wa maa fia kɛ je je ɔ nyagbe he ɔmɛ tɔɔ.

Yesaya 21:1

Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

Kpojemi 1:15

E nane ngɛ kpɛe kaa ayawa nɛ a tsu he ngɛ flɔɔnɔɔ mi, nɛ e gbi ngɛ pɛe wawɛɛ kaa pa nɛ hia kɛ bee.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Yeremia 4:6

Esɔ nɛ nyɛ pue blɔ kɛ ya Zion! Nyɛ ya sa we ngɛ lejɛ ɔ; nyɛ ko to tsle! Ejakaa Yawɛ je omleyi je kɛ ma nɛ e ba kpata nyɛ hɛ mi.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

Matsɛmɛ I, 19:11

Yawɛ de lɛ ke, “Jee kpo nɛ o ya da si ngɛ ye hɛ mi ngɛ yo ɔ nɔ.” Kɛkɛ nɛ Yawɛ ba be kɛ ho, nɛ e ha kɔɔhiɔ nɛ nya wa ba fia yo ɔ, nɛ e ywia tɛ sa amɛ, se Yawɛ be kɔɔhiɔ ɔ mi. Kɔɔhiɔ ɔ kpa fiami, nɛ zugba mimiɛ; se Yawɛ be zugba mimiɛmi ɔ mi.

Ezekiel 13:11

De ni nɛmɛ nɛ ngɔ kalo kɛ ngɛ gbogbo ɔ he kpae ɔ ke gbogbo ɔ maa nɔ si oo! Hiɔmi maa nɛ wawɛɛ; gbiɛ ngo ngu agbohi ma pue si, nɛ ahumi maa fia.

Ezekiel 13:13

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ye mi mi ma fu wawɛɛ. Ma ha ahumi maa fia, nɛ hiɔmi maa nɛ; gbiɛ ngo ngu agbohi ma pue si, nɛ gbogbo ɔ maa hule.

Ezekiel 43:3

Nina nɛ ɔ ngɛ kaa nina nɛ i na benɛ Mawu ba kpata Yerusalem hɛ mi, kɛ nina nɛ i na ngɛ Kebar pa a nya a. Kɛkɛ nɛ i ngɔ ye hɛ mi kɛ bu zugba.

Zakaria 6:6

Ta zugba lɛ ɔ nɛ okpɔngɔ yumu ɔmɛ ngɛ gblae ɔ yaa omleyi je, nɛ ta zugba lɛ nɛ okpɔngɔ hiɔ ɔmɛ ngɛ gblae ɔ yaa bonyoku je, nɛ nɔ́ nɛ okpɔngɔ huatahuata amɛ ngɛ gblae ɔ yaa zugba nɛ ngɛ leneyi je ɔ nɔ.

Mose II, 9:24

Benɛ gbiɛ ngo ngu ɔ ngɛ nɛe ɔ, oslabai hu ngɛ la pãe plamplam. Gbiɛ ngo ngu nɛ́ nɛ ɔ, a nɛ e nya wami ɔ eko hyɛ ngɛ Egipt zugba a nɔ tsuo kɛ je be nɛ a to ma a sisi.

Matsɛmɛ II, 2:11

Benɛ a ngɛ ní sɛɛe kɛ yaa a, ta zugba lɛ nɛ la okpɔngɔhi ngɛ gblae ba gba mɛ ni enyɔ ɔmɛ a kpɛti; nɛ lasiogblee sá Eliya kɛ ho hiɔwe ya.

Hiob 38:1

Kɛkɛ nɛ Yawɛ kɛ Hiob tu munyu kɛ je kɔɔhiɔ nɛ nya wa mi.