Ester 9:4 - BAIBLO ALOO NGMAMI KLƆUKLƆU Ɔ

⁴ Mordekai ba pee nɔmlɔ ngua ngɛ matsɛ we ɔ, nɛ e biɛ pɛ ngɛ nɔ yemi he ɔmɛ tsuo; ejakaa blɔ nya nɛ e hɛɛ ɔ ngɛ nɔ kuɔe, nɛ e nɔ gbɔ we gblee.

Ester 9:4 ပူးပေါင်းရင်းမြစ်များ

Kronika I, 11:9

David ya nɔ wawɛɛ nitsɛ, ejakaa Yawɛ Tabohiatsɛ ɔ kɛ lɛ ngɛ.

Samuel II, 3:1

Ta nɛ Saul we ɔ, kɛ David we ɔ hwu ɔ, ta a se kɛ saminya. Be mi nɛ David he wami ngɛ nɔ puee ɔ, Saul we ɔ lɛɛ a he wami nɔ ngɛ gbɔe kulaa.

Zefania 3:19

Be ma! Ma gbla nihi nɛ waa nyɛ yi mi ɔ a tue; ma he akpaketsɛmɛ ɔmɛ tsuo a yi wami, nɛ ma kpale nihi nɛ a nuu nyɔguɛ ɔ kɛ ba we ekohu. Ma tsake a zo ɔ kɛ pee hɛ mi nyami, nɛ je ɔ tsuo ma je a yi.

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

La 18:43

O je mi kɛ je atuã tsɔli a dɛ mi, nɛ o pee mi je ma amɛ a nyatsɛ. Ma nɛ i li mɛ po ma ba sɔmɔ mi.

La 1:3

E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

Kronika I, 14:17

David biɛ pɛ ngɛ je ɔ mi he tsuaa he, nɛ Yawɛ ha nɛ je ma amɛ tsuo ye lɛ gbeye.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Yoshua 6:27

Yawɛ piɛ Yoshua he, nɛ e he biɛ kpakpa ngɛ zugba a nɔ tsuo.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Ester 10:2

Ní nguahi, kɛ nyakpɛ níhi tsuo nɛ e pee, kɛ sanehi tsuo nɛ kɔɔ bɔ nɛ e wo Mordekai nɔ nɛ e pee lɛ nɔkɔtɔma a, a ngma ngɛ Persia kɛ Media matsɛmɛ ɔmɛ a yi nɔ sanehi womi ɔmɛ a mi.

Mose II, 11:3

Yawɛ dloomi nya a, Egipt bi ɔmɛ na Israel bi ɔmɛ a he bua jɔmi. Niinɛ, Farao ɔ tsɔli ɔmɛ, kɛ ma a tsuo buu Mose kaa nɔmlɔ ngua nitsɛnitsɛ ngɛ Egipt zugba a nɔ.

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.