Ester 9:3 - BAIBLO ALOO NGMAMI KLƆUKLƆU Ɔ

³ Anɔkuale mi ɔ, nɔ yemi he ɔmɛ a ganɔ ɔmɛ tsuo, amlaalo ɔmɛ, ma nɔ hyɛli ɔmɛ, kɛ tsɔli nɛ ngɛ nɔ yemi he ɔmɛ piɛ Yuda bi ɔmɛ a he; ejakaa Mordekai he sawale nu mɛ tsuo.

Ester 9:3 ပူးပေါင်းရင်းမြစ်များ

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ:

Ezra 8:36

Jehanɛ se hu, a ngɔ matsɛ ɔ nine nya womi ba ha amlaalo ɔmɛ, kɛ ma nimeli nɛ a ngɛ Yufrate pa a se ɔ. Nɛ enɛ ɔ he je ɔ, a piɛ ma a he, nɛ a tsu Mawu we ɔ ní tsumi hulɔ.

Ester 3:12

Lɔ ɔ he ɔ, kekleekle nyɔhiɔ ɔ ligbi nyɔngma kɛ etɛne ɔ nɔ ɔ, Haman tsɛ matsɛ womi ngmali ɔmɛ nɛ e tsɔɔ mɛ nɔ́ nɛ a ngma. A ngma ngɛ zugba tsuaa zugba e ningma, kɛ e gbi mi; nɛ a kɛ mane nɔ yeli ɔmɛ, amlaalo ɔmɛ, kɛ ganɔ ɔmɛ tsuo. A ngma ngɛ Matsɛ Ahasuerus biɛ mi, nɛ a kɛ matsɛ ɔ nguɛ ga a sɔu nya.

Ester 8:17

Ma tsuaa ma mi, ngɛ nɔ yemi he ɔmɛ tsuo, he nɛ a maa kane matsɛ ɔ fiɛmi ɔ ngɛ ɔ, Yuda bi ɔmɛ tsuo a bua jɔɔ a he, nɛ a yeɔ nyami ligbi; a tsɛɔ ní yemi, nɛ a nyaa wawɛɛ. Anɔkuale mi ɔ, ni kpahi babauu ba pee a he Yuda bi, ejakaa jehanɛ lɛɛ, a ngɛ Yuda bi ɔmɛ gbeye yee.

Ester 8:5

“Ke nɛnɛ suɔ ye sane, nɛ e sa nɛnɛ hɛ mi, nɛ e da ha lɛ ɔ, lɛɛ i kpa nɛnɛ pɛɛ, nɛ e ha nɛ a fiɛ kɛ tsi mlaa yaya nɛ Agag nina, Hamedata bi Haman wo ɔ nya. Mlaa a ke a kpata Yuda bi tsuo a hɛ mi ngɛ nɛnɛ nɔ yemi he ɔmɛ tsuo.

Ester 8:9

Nyɔhiɔ nɛ a tsɛɛ Sivan, nɛ ji nyɔhiɔ etɛne ɔ we ligbi nɛ ji nyingmi enyɔ kɛ etɛ ɔ nɔ sane nɛ ɔ ba a nɛ. Mordekai tsɛ matsɛ womi ngmali ɔmɛ, nɛ e tsɔɔ mɛ nɔ́ nɛ a ngma; nɛ a ngma ja pɛpɛɛpɛ. A ngma womi ɔ kɛ ya ha Yuda bi ɔmɛ, amlaalo ɔmɛ, ma nɔ hyɛli ɔmɛ, kɛ ganɔ ɔmɛ tsuo nɛ ngɛ e nɔ yemi he lafa kɛ nyingmi enyɔ kɛ kpaago ɔmɛ, kɛ je India kɛ ya su Sudan ɔ. A ngma womi ɔmɛ ngɛ zugba tsuaa zugba e gbi, kɛ e ningma mi.

Daniel 3:2

Matsɛ Nebukadnezar tsɔ nɛ a ya kpee ma ní tsuli ɔmɛ tsuo kɛ ba. Mɛ ji nɛ ɔmɛ nɛ: amlaalohi kɛ ganɔhi, wɛtsoyihi kɛ ga woli; sika toli, kojoli, mlaa tsɔɔli, kɛ kpokpa amɛ a nɔ nikɔtɔmahi. A kpee mɛ kɛ ba, konɛ a ba nya amaga a nɛ Matsɛ Nebukadnezar puɛ ngɔ ma si ɔ he.