Ester 9:27 - BAIBLO ALOO NGMAMI KLƆUKLƆU Ɔ

²⁷ Yuda bi ɔmɛ wo mlaa nɛ fɔɔ si daa kɛ ha mɛ nitsɛmɛ, kɛ a nina, kɛ nɔ ko nɛ ma ba pee Yuda no ɔ tsuo, kaa daa jeha, ngɛ be nɛ a to ɔ mi tutuutu ɔ, a ye ligbi enyɔ nɛ ɔmɛ kaa bɔ nɛ Mordekai ngma a pɛpɛɛpɛ.

Ester 9:27 ပူးပေါင်းရင်းမြစ်များ

Ester 8:17

Ma tsuaa ma mi, ngɛ nɔ yemi he ɔmɛ tsuo, he nɛ a maa kane matsɛ ɔ fiɛmi ɔ ngɛ ɔ, Yuda bi ɔmɛ tsuo a bua jɔɔ a he, nɛ a yeɔ nyami ligbi; a tsɛɔ ní yemi, nɛ a nyaa wawɛɛ. Anɔkuale mi ɔ, ni kpahi babauu ba pee a he Yuda bi, ejakaa jehanɛ lɛɛ, a ngɛ Yuda bi ɔmɛ gbeye yee.

Ester 9:20

Mordekai ha nɛ a ngma sane nɛ ɔ nɛ ba a ngɔ fɔ si; nɛ e ngma womi kɛ mane Yuda bi ɔmɛ tsuo ngɛ Matsɛ Ahasuerus nɔ yemi he ɔmɛ tsuo, nihi nɛ a he kɛ, kɛ ni nɛmɛ nɛ ngɛ kpo nya a tsuo.

Ester 9:21

E de mɛ ke, daa jeha a, á ye ligbi nyɔngma kɛ eywiɛne ɔ, kɛ nyɔngma kɛ enuɔne ɔ ngɛ nyɔhiɔ Adar a mi kaa he jɔɔmi ligbihi.

Ester 9:28

A fua fɔ nɔ kaa Yuda bi a weku tsuo, ngɛ yi nɔhi nɛ maa ba a a mi, ngɛ nɔ yemi he ɔmɛ tsuo, kɛ ma amɛ tsuo a mi ɔ, a kai nɛ a ye Purim ligbi nɛ ɔmɛ daa.

La 78:7

Kɛkɛ ɔ, mɛ hu a maa ngɔ a hɛ kɛ fɔ Mawu nɔ. Níhi nɛ e tsu ha mɛ ɔ, a hɛ be nɔ jee, nɛ a maa ye e mlaa amɛ a nɔ daa;

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Yesaya 56:3

Nubwɔ nɛ kɛ e he ba mɛtɛ Yawɛ ma a he ɔ, e ko de ke, “Yawɛ be suɔe kaa ma piɛ e ma mi bi ɔmɛ a he kɛ ja lɛ.” Nyumu nɛ a puɛ lɛ, nɛ e be bi ɔ, e ko susu kaa Mawu be lɛ ngɔe kɛ piɛ e ma a he.

Yesaya 56:6

Jehanɛ, nibwɔhi nɛ kɛ a he ba mɛtɛ ma a he, nɛ a suɔ Mawu sane, nɛ a jaa lɛ, nɛ a yeɔ Hejɔɔmi ligbi ɔ kɛ e somi ɔ nɔ pɛpɛɛpɛ ɔ, bɔ nɛ Yawɛ ngɛ mɛ dee ji,

Ezekiel 16:61

Lɔ ɔ ma ha o ma kai o sa je mi bami ɔ, nɛ zo maa gbe mo ngɛ o nyɛmiyo nɔkɔtama Samaria, kɛ o nyɛmiyo wayoo Sodom tsuo a hɛ mi. Ma ha a maa kpale kɛ ba o ngɔ kaa biyihi nɛ imi nitsɛ i ngɔ ha mo, se pi ngɛ somi nɛ o kɛ mi so ɔ nya.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Mose IV, 15:15

Mlaa kake too maa pee mlaa ha ma a, kɛ nibwɔhi nɛ ngɛ nyɛ kpɛti ɔ kɛ yaa neneene. Ngɛ Yawɛ hɛ mi ɔ,

Mose V, 5:3

Pi e kɛ wa nɛmɛ ɔmɛ kɛkɛ, se wɔ tsuo pɛpɛɛpɛ nɛ wa ngɛ je mi mwɔnɛ ɔ.

Yoshua 9:15

Yoshua he Gibeon bi ɔmɛ atuu, nɛ e kɛ mɛ so kaa a be mɛ gbee. Kɛkɛ nɛ Israel ma nimeli ɔmɛ hu ka kita ngɔ fɔ nɔ.

Manyadali 11:40

nɛ daa jeha a, zangmawi ɔmɛ yaa nɛ a ya yeɔ kɔmɔ ligbi eywiɛ kɛ kaiɔ Gilead no Yefta biyo ɔ.

Samuel I, 30:25

David pee nɔ́ nɛ ɔ mlaa, nɛ a ngɛ nɔ yee ngɛ Israel kɛ je jamɛ a be ɔ kɛ ba si mwɔnɛ ɔ.