Ester 9:25 - BAIBLO ALOO NGMAMI KLƆUKLƆU Ɔ

²⁵ Se Ester ba na matsɛ ɔ, nɛ matsɛ ɔ ngma womi kɛ tsi ga yaya nɛ Haman to kɛ ha Yuda bi ɔmɛ ɔ nya. Bɔ nɛ e ya ba ha ji kaa nɔ́ nɛ e hla kaa e maa pee Yuda bi ɔmɛ ɔ, a kɛ pee lɛ nitsɛ mohu. Lɔ ɔ ji kaa a sɛu lɛ kɛ e binyumu ɔmɛ tsuo.

Ester 9:25 ပူးပေါင်းရင်းမြစ်များ

Matsɛmɛ I, 8:32

Yawɛ, moo bu tue ngɛ hiɔwe nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

Ester 3:6

nɛ benɛ e na le kaa Yuda no ji Mordekai ɔ, e to ga kaa e be Mordekai nɔ kake pɛ e tue gblae, se mohu e ma kpata Yuda bi tsuo pɛpɛɛpɛ a hɛ mi ngɛ Ahasuerus nɔ yemi he ɔmɛ tsuo.

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Ester 7:4

A jua i kɛ ye ma mi bi ɔmɛ ngɔ ha, konɛ a kpata wa hɛ mi. Kaa nyɔguɛ yemi mi kɛkɛ nɛ a jua wɔ kɛ ho ɔ, i ko de we nɔ́ ko, nɛ i ko gba we nɛnɛ nya; se a miɔ nɛ a ma kpata wa hɛ mi pɛsɛpɛsɛ!”

Ester 7:5

Kɛkɛ nɛ Matsɛ Ahasuerus bi Manyɛ Ester ke, “Mɛnɔ po nɛ e to e yi mi kaa e maa pee nɔ́ ko kaa kikɛ nɛ ɔ? Jije jamɛatsɛ ɔ ngɛ?”

La 140:8

Yawɛ, koo ngmɛ yayami peeli blɔ nɛ a pee nɔ́ nɛ a suɔ; ko ha nɛ a yi mi tomi yaya amɛ nɛ ba mi.

La 140:9

Nihi nɛ bɔle mi kɛ kpe ɔ ngɛ ye he gbeye woe. Ha nɛ ga yaya nɛ a ngɛ toe ngɛ ye he ɔ nɛ kpata mɛ nitsɛmɛ a hɛ mi.

La 141:10

Ha nɛ yiwutsotsɛmɛ tsuo nɛ a ya nɔ mɛ nitsɛmɛ a klamahi a mi, se imi lɛɛ ha ma je a mi slɔkee.

La 7:16

E musu maa tloo lɛ nitsɛ; lɛ nitsɛ e yayami ɔ maa ye lɛ awi.

La 7:17

Ma na Yawɛ si; ejakaa e yeɔ dami sane. Ma la kɛ je Yawɛ Hiɔwe No ɔ yi.

La 94:23

Yawɛ ma ha nɛ a ní yayami ɔmɛ ma bu mɛ nitsɛmɛ a nɔ. E ma kpata a hɛ mi ngɛ a yayami ɔmɛ a he; Yawɛ, wa Mawu ɔ ma kpata a hɛ mi pɛsɛpɛsɛ.

Abɛ Womi 26:27

Nɔ nɛ tsuaa muɔ kɛ fɔɔ si ha nɔ ko ɔ, lɛ nɔuu lɛ e maa nɔ mi. Nɔ nɛ kpɛneɔ tɛ ɔ, lɛ nɔuu e nɔ tɛ ɔ maa nɔ.

Abɛ Womi 5:22

Yiwutsotsɛ ɔ, lɛ nitsɛ e he yayamihi nɔuu lɛ maa du lɛ klama; e he yayami kpa amɛ nɔuu a kɛ maa fi lɛ.

Yesaya 22:25

Ke e ba mi ja a, tso plɛɛko ɔ ma gbɔjɔ, nɛ e maa hia kɛ nɔ si. Kɛkɛ ɔ, ní ɔmɛ tsuo nɛ kplaa si ngɛ he ɔ, a hɛ mi ma kpata.” Yawɛ lɛ de.

Obadia 1:15

“Be ɔ su ta nɛ imi Yawɛ, ma kojo je ma amɛ tsuo. Edom, nɔ́ nɛ o pee ɔ, a kɛ maa pee mo. O ní peemi ní ɔmɛ maa kpale ba bu o yi mi.” Mawu lɛ de.

Mateo 21:44

Nɔ tsuaa nɔ nɛ maa nɔ tɛ nɛ ɔ nɔ ɔ, e mi ma tsɔtslɔɔ; se nɔ nɛ tɛ ɔ maa nɔ e nɔ ɔ, e maa gblɛ lɛ mɔnyɔmɔnyɔ.]

Samuel I, 25:39

Benɛ David nu kaa Nabal gbo ɔ, e de ke, “A je Yawɛ yi! E wo Nabal hiɔ ngɛ jɛmi nɛ e jɛ mi ɔ he. Jehanɛ hu e tsi ye nya konɛ ma ko pee yayami. Yawɛ wo Nabal nitsɛ e yayami ɔ he hiɔ.” Pee se ɔ, David tsɔ ke a ya su Abigail ha lɛ.