Ester 9:22 - BAIBLO ALOO NGMAMI KLƆUKLƆU Ɔ

²² Ligbi nɛ ɔmɛ a nɔ nɛ Yuda bi ɔmɛ kpata a he nyɛli ɔmɛ a hɛ mi ɔ nɛ. Jinɛ nyɔhiɔ nɛ ɔ maa pee aywilɛho kɛ kɔmɔ yemi be, se e ba plɛ pee bua jɔmi kɛ nyami be mohu. Bɔ nɛ a tsɔɔ mɛ ke a ye nyami ligbi nɛ ɔmɛ ji a tsɛ nihi ní yemi, nɛ a nya; a ke a sibi, kɛ ohiatsɛmɛ niye ní, kɛ ohiatsɛmɛ hu ní kpakpahi.

Ester 9:22 ပူးပေါင်းရင်းမြစ်များ

Ester 9:19

Enɛ ɔ he je ɔ, Yuda bi nɛ ngɛ ma wawi a mi ɔ yeɔ nyɔhiɔ nɛ a tsɛɛ Adar a we ligbi nɛ ji nyɔngma kɛ eywiɛ ɔ kaa a nyami ligbi, nɛ a bua jɔɔ a he. A yeɔ ní nɛ a nuɔ ní, nɛ a kee a sibi niye ní.

Ester 9:21

E de mɛ ke, daa jeha a, á ye ligbi nyɔngma kɛ eywiɛne ɔ, kɛ nyɔngma kɛ enuɔne ɔ ngɛ nyɔhiɔ Adar a mi kaa he jɔɔmi ligbihi.

Ester 9:23

Yuda bi ɔmɛ pee bɔ nɛ Mordekai tsɔɔ mɛ kaa a pee ɔ, nɛ nyami be nɛ ɔ ba plɛ pee kusumi ko nɛ a peeɔ daa jeha.

La 103:2

Ma je Yawɛ yi! Ní kpakpahi nɛ e peeɔ ha mi ɔ, ye hɛ be nɔ jee gblegbleegble.

La 149:7

konɛ a kɛ gbla je ma amɛ a tue ngɛ yayami nɛ a pee ɔ he.

La 30:11

O ha nɛ i kpa kɔmɔ yemi nɛ i bɔni domi. O je kpekpe ya bo ɔ ngɛ ye he, nɛ o ha mi bua jɔmi.

La 30:12

Enɛ ɔ he je ɔ, i be ye nya mae; se mohu ma la kɛ je o yi. Yawɛ, ye Mawu, ma na mo si daa.

La 37:15

Se a kɛ a klaate ɔmɛ maa gbe mɛ nitsɛmɛ a he, nɛ a kɛ̃ɛ̃ ɔmɛ tsuo maa ku.

Yesaya 14:3

Be ma nɛ aywilɛho, haomi, kɛ ní tsumi kpakpataa nɛ a nyɛ o nɔ nɛ o tsu ɔ, Yawɛ ma ha lɛ tsuo se maa po.

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Galatabi 2:10

Nɔ́ kake nɛ a kai wɔ wawɛɛ ngɛ he ji kaa wa hɛ ko je ohiatsɛmɛ ɔmɛ a nɔ; nɛ enɛ ɔ hu ji nɔ́ ko nɛ ngɛ ye tsui nɔ kaa ma pee.

Mose V, 15:7

“Ke Israel fɔfɔɛ ko dɛ mi ba ta ngɛ ma amɛ a mi ngɛ zugba a nɛ Yawɛ, o Mawu ɔ ngɔ kɛ ngɛ mo hae ɔ nɔ ɔ, koo pee kpɛle nɛ o nyɛ lɛ nɔ́ he.

Mose V, 16:14

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, Levi bi ɔmɛ, nibwɔ ɔmɛ, awusa amɛ, kɛ yalɔyi ɔmɛ nɛ ngɛ nyɛ ma amɛ a mi ɔ tsuo nyɛɛ ye nyami be nɛ ɔ.

Mose V, 16:15

Nyɛ bua nɛ jɔ kɛ wo Yawɛ hɛ mi nyami ligbi kpaago ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Nyɛ bua nɛ jɔ saminya, ejakaa Yawɛ, nyɛ Mawu ɔ gbaa nyɛ ngmɔ niba ní, kɛ nyɛ nine nya ní tsumi tsuo pɛpɛɛpɛ nɔ.

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Samuel I, 25:8

Bi o nihewi ɔmɛ, nɛ a ma de mo. Lɔ ɔ he ɔ, akɛnɛ nyami ligbi nɔ wa ba ngɛ he je ɔ, mo he wɔ atuu. I kpa mo pɛɛ, nɔ́ tsuaa nɔ́ nɛ ngɛ o dɛ ɔ, mo ha o tsɔli ɔmɛ, kɛ o binyumu David hu eko.”