Ester 9:21 - BAIBLO ALOO NGMAMI KLƆUKLƆU Ɔ

²¹ E de mɛ ke, daa jeha a, á ye ligbi nyɔngma kɛ eywiɛne ɔ, kɛ nyɔngma kɛ enuɔne ɔ ngɛ nyɔhiɔ Adar a mi kaa he jɔɔmi ligbihi.

Ester 9:21 ပူးပေါင်းရင်းမြစ်များ

Ezra 6:15

Benɛ Matsɛ Darius ngɛ tsɛ yee ɔ, jeha ekpane ɔ we nyɔhiɔ enyɔne ɔ nɛ a tsɛɛ Adar a, jamɛ a be ɔ nɛ a gbe Mawu we ɔ mami nya.

Ester 3:7

Matsɛ Ahasuerus tsɛ yemi be ɔ mi jeha nyɔngma kɛ enyɔne ɔ we kekleekle nyɔhiɔ nɛ a tsɛɛ Nisan ɔ, Haman fa ke a fɔ sɔ, konɛ a kɛ na ligbi nɔ, kɛ nyɔhiɔ mi nɛ sa kaa a tsu nɔ́ nɛ e to ga kaa a pee ɔ. Sɔ ɔ tsɔɔ kaa nyɔhiɔ nyɔngma kɛ enyɔne ɔ nɛ a tsɛɛ Adar a we ligbi nyɔngma kɛ etɛ ɔ ji be nɛ sa; lɔ ɔ he ɔ, a ngɔ jamɛ a ligbi ɔ. (A tsɛɛ sɔ fɔmi ngɛ Hebri gbi mi ke “Purim”.)

Ester 9:17

Nyɔhiɔ nɛ a tsɛɛ Adar a we ligbi nyɔngma kɛ etɛne ɔ nɔ nɛ a tsu nɔ́ nɛ ɔ nɛ. E nɔ jena nɛ ji nyɔhiɔ ɔ ligbi nyɔngma kɛ eywiɛne ɔ nɔ ɔ, a kpataa we nɔ ko hɛ mi, se mohu a tsɛ ní yemi; a ye ní nɛ a nu ní, nɛ a nya jamɛ a ligbi ɔ.

Ester 9:18

Yuda bi ɔmɛ nɛ ngɛ Susa a, mɛɛ lɛɛ a kɛ ligbi nyɔngma kɛ enuɔne ɔ pee a nyami ligbi, nɛ a jɔɔ a he. Ejakaa ligbi nyɔngma kɛ etɛne ɔ, kɛ nyɔngma kɛ eywiɛne ɔ, a hɛ dɔ kɛ ngɛ a he nyɛli ɔmɛ a hɛ mi kpatae.

Ester 9:20

Mordekai ha nɛ a ngma sane nɛ ɔ nɛ ba a ngɔ fɔ si; nɛ e ngma womi kɛ mane Yuda bi ɔmɛ tsuo ngɛ Matsɛ Ahasuerus nɔ yemi he ɔmɛ tsuo, nihi nɛ a he kɛ, kɛ ni nɛmɛ nɛ ngɛ kpo nya a tsuo.

Ester 9:22

Ligbi nɛ ɔmɛ a nɔ nɛ Yuda bi ɔmɛ kpata a he nyɛli ɔmɛ a hɛ mi ɔ nɛ. Jinɛ nyɔhiɔ nɛ ɔ maa pee aywilɛho kɛ kɔmɔ yemi be, se e ba plɛ pee bua jɔmi kɛ nyami be mohu. Bɔ nɛ a tsɔɔ mɛ ke a ye nyami ligbi nɛ ɔmɛ ji a tsɛ nihi ní yemi, nɛ a nya; a ke a sibi, kɛ ohiatsɛmɛ niye ní, kɛ ohiatsɛmɛ hu ní kpakpahi.

Ester 9:27

Yuda bi ɔmɛ wo mlaa nɛ fɔɔ si daa kɛ ha mɛ nitsɛmɛ, kɛ a nina, kɛ nɔ ko nɛ ma ba pee Yuda no ɔ tsuo, kaa daa jeha, ngɛ be nɛ a to ɔ mi tutuutu ɔ, a ye ligbi enyɔ nɛ ɔmɛ kaa bɔ nɛ Mordekai ngma a pɛpɛɛpɛ.

Ester 9:29

Jehanɛ, Manyɛ Ester, Abihail biyo ɔ hu ngma womi, nɛ e kɛ e he wami tsuo pi nɔ́ nɛ Mordekai ngma momo nɛ kɔɔ Purim he ɔ se kpɛii.