Ester 9:20 - BAIBLO ALOO NGMAMI KLƆUKLƆU Ɔ

²⁰ Mordekai ha nɛ a ngma sane nɛ ɔ nɛ ba a ngɔ fɔ si; nɛ e ngma womi kɛ mane Yuda bi ɔmɛ tsuo ngɛ Matsɛ Ahasuerus nɔ yemi he ɔmɛ tsuo, nihi nɛ a he kɛ, kɛ ni nɛmɛ nɛ ngɛ kpo nya a tsuo.

Ester 9:20 ပူးပေါင်းရင်းမြစ်များ

Kronika I, 16:12

Nyɛ Mawu tsɔlɔ Yakob nina, Israel nina, nyɛ nɛ Mawu hla; nyɛ kai nyakpɛ níhi nɛ Mawu pee ɔ, kɛ bɔ nɛ e kojo je ma amɛ ha.

Ester 1:1

Be ko ɔ, Persia matsɛ ko nɛ a tsɛɛ lɛ Ahasuerus ɔ ba ye tsɛ. E matsɛ ma biɛ ji Susa. Matsɛ nɛ ɔ ye ma 127 sɔuu a nɔ kɛ je India kɛ ya su Sudan tɔɔ.

Ester 1:22

E tsɔ nɛ a kɛ womihi ya matsɛ ɔ nɔ yemi he ɔmɛ tsuo; a ngma munyu ɔmɛ ngɛ zugba tsuaa zugba e ningma kɛ e gbi mi ke nyumu tsuaa nyumu nɛ pee wetsɛ, nɛ ke e de nɔ́ ko ɔ, nɔ ko nɔ ko kó de nɔ́ kpa ko hu.

Ester 3:12

Lɔ ɔ he ɔ, kekleekle nyɔhiɔ ɔ ligbi nyɔngma kɛ etɛne ɔ nɔ ɔ, Haman tsɛ matsɛ womi ngmali ɔmɛ nɛ e tsɔɔ mɛ nɔ́ nɛ a ngma. A ngma ngɛ zugba tsuaa zugba e ningma, kɛ e gbi mi; nɛ a kɛ mane nɔ yeli ɔmɛ, amlaalo ɔmɛ, kɛ ganɔ ɔmɛ tsuo. A ngma ngɛ Matsɛ Ahasuerus biɛ mi, nɛ a kɛ matsɛ ɔ nguɛ ga a sɔu nya.

Ester 8:9

Nyɔhiɔ nɛ a tsɛɛ Sivan, nɛ ji nyɔhiɔ etɛne ɔ we ligbi nɛ ji nyingmi enyɔ kɛ etɛ ɔ nɔ sane nɛ ɔ ba a nɛ. Mordekai tsɛ matsɛ womi ngmali ɔmɛ, nɛ e tsɔɔ mɛ nɔ́ nɛ a ngma; nɛ a ngma ja pɛpɛɛpɛ. A ngma womi ɔ kɛ ya ha Yuda bi ɔmɛ, amlaalo ɔmɛ, ma nɔ hyɛli ɔmɛ, kɛ ganɔ ɔmɛ tsuo nɛ ngɛ e nɔ yemi he lafa kɛ nyingmi enyɔ kɛ kpaago ɔmɛ, kɛ je India kɛ ya su Sudan ɔ. A ngma womi ɔmɛ ngɛ zugba tsuaa zugba e gbi, kɛ e ningma mi.

Ester 9:19

Enɛ ɔ he je ɔ, Yuda bi nɛ ngɛ ma wawi a mi ɔ yeɔ nyɔhiɔ nɛ a tsɛɛ Adar a we ligbi nɛ ji nyɔngma kɛ eywiɛ ɔ kaa a nyami ligbi, nɛ a bua jɔɔ a he. A yeɔ ní nɛ a nuɔ ní, nɛ a kee a sibi niye ní.

Ester 9:21

E de mɛ ke, daa jeha a, á ye ligbi nyɔngma kɛ eywiɛne ɔ, kɛ nyɔngma kɛ enuɔne ɔ ngɛ nyɔhiɔ Adar a mi kaa he jɔɔmi ligbihi.

Ester 9:26

Enɛ ɔ he je nɛ a tsɛɔ nyami ligbi nɛ ɔmɛ ke Purim ɔ nɛ.

Ester 9:27

Yuda bi ɔmɛ wo mlaa nɛ fɔɔ si daa kɛ ha mɛ nitsɛmɛ, kɛ a nina, kɛ nɔ ko nɛ ma ba pee Yuda no ɔ tsuo, kaa daa jeha, ngɛ be nɛ a to ɔ mi tutuutu ɔ, a ye ligbi enyɔ nɛ ɔmɛ kaa bɔ nɛ Mordekai ngma a pɛpɛɛpɛ.

Ester 9:29

Jehanɛ, Manyɛ Ester, Abihail biyo ɔ hu ngma womi, nɛ e kɛ e he wami tsuo pi nɔ́ nɛ Mordekai ngma momo nɛ kɔɔ Purim he ɔ se kpɛii.

Mose II, 17:14

Yawɛ de Mose ke, “Ngmaa nɔ nɛ ɔ kɛ wo womi mi nɛ e pee kaimi nɔ́. Ha nɛ e su Yoshua kaa ma kpata Amalek bi ɔmɛ a hɛ mi, nɛ a be mɛ kaie hu ngɛ zugba a nɔ.”

Yeremia 29:1

I ngma womi kɛ mane osɔfo ɔmɛ, gbali ɔmɛ, ma nikɔtɔma amɛ, kɛ ma a tsuo nɛ Babilonia matsɛ, Nebukadnezar ngɔ kɛ je Yerusalem kɛ ho Babilonia ya a.