Ester 8:8 - BAIBLO ALOO NGMAMI KLƆUKLƆU Ɔ

⁸ Se ke a ngma fiɛmi ko ngɛ matsɛ ɔ biɛ mi, nɛ a sɔu nya kɛ matsɛ ɔ womi nya sɔumi nɔ́ ɔ, a kpale we se, ja a ye nɔ. Lɔ ɔ he ɔ, ke nyɛ suɔ ɔ, nyɛ nitsɛmɛ nyɛɛ ngma Yuda bi ɔmɛ womi ngɛ ye biɛ mi, nɛ nyɛ de nɔ́ tsuaa nɔ́, konɛ nyɛɛ ngɔ ye womi nya sɔumi nɔ́ ɔ kɛ sɔu nya.”

Ester 8:8 ပူးပေါင်းရင်းမြစ်များ

Matsɛmɛ I, 21:8

Enɛ ɔ se ɔ, Yezebel ngma womi komɛ ngɛ Ahab biɛ mi, nɛ e ngɔ Ahab womi nya sɔumi nɔ́ ɔ kɛ sɔu a nya, nɛ e kɛ womi ɔmɛ mane Ahab tsɔli, kɛ ma nimeli nɛ ngɛ Yezreel ɔ.

Ester 1:19

Lɔ ɔ he ɔ, nɛnɛ, ke e sa o hɛ mi ɔ, wo mlaa ngɛ o he wami ɔ nya ke Vashti kó ba matsɛ ɔ hɛ mi gblegbleegble hu. Fa nɛ a ngma ngɔ wo Persia kɛ Media mlaa amɛ a mi, konɛ a ko tsake mlaa nɛ ɔ kɔkɔɔkɔ. Lɔ ɔ se ɔ, ngɔɔ e blɔ nya kaa manyɛ ɔ ngɔ ha yo kpa nɛ ngɛ subai kpakpa pe lɛ.

Ester 3:12

Lɔ ɔ he ɔ, kekleekle nyɔhiɔ ɔ ligbi nyɔngma kɛ etɛne ɔ nɔ ɔ, Haman tsɛ matsɛ womi ngmali ɔmɛ nɛ e tsɔɔ mɛ nɔ́ nɛ a ngma. A ngma ngɛ zugba tsuaa zugba e ningma, kɛ e gbi mi; nɛ a kɛ mane nɔ yeli ɔmɛ, amlaalo ɔmɛ, kɛ ganɔ ɔmɛ tsuo. A ngma ngɛ Matsɛ Ahasuerus biɛ mi, nɛ a kɛ matsɛ ɔ nguɛ ga a sɔu nya.

Ester 8:10

Mordekai hyɛ nɛ a ngma womi ɔmɛ ngɛ Matsɛ Ahasuerus biɛ mi, nɛ a sɔu nya kɛ matsɛ ɔ womi nya sɔumi ga a. Tsɔli nɛ hi okpɔngɔhi nɛ le fo tumi saminya a nɔ ya dla womi ɔmɛ kɛ fo. A hla okpɔngɔ ɔmɛ kɛ je matsɛ ɔ nitsɛ we okpɔngɔ tsu ɔmɛ a mi.

Ester 8:5

“Ke nɛnɛ suɔ ye sane, nɛ e sa nɛnɛ hɛ mi, nɛ e da ha lɛ ɔ, lɛɛ i kpa nɛnɛ pɛɛ, nɛ e ha nɛ a fiɛ kɛ tsi mlaa yaya nɛ Agag nina, Hamedata bi Haman wo ɔ nya. Mlaa a ke a kpata Yuda bi tsuo a hɛ mi ngɛ nɛnɛ nɔ yemi he ɔmɛ tsuo.

Daniel 6:8

Lɔ ɔ he ɔ, nɛnɛ, moo ngma mlaa nɛ ɔ, nɛ o ngɔ o nine kɛ wo sisi. Kɛkɛ ɔ, e pee mlaa, Media bi kɛ Persia bi a mlaa nɛ nɔ ko be nyɛe ma tsake.”

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”