Ester 8:7 - BAIBLO ALOO NGMAMI KLƆUKLƆU Ɔ

⁷ Kɛkɛ nɛ Matsɛ Ahasuerus de Manyɛ Ester kɛ Mordekai, Yuda no ɔ ke, “Nyɛɛ hyɛ, i ha a sɛu Haman ngɛ yi mi yaya nɛ e to ngɔ wo Yuda bi ɔmɛ a he ɔ he, nɛ i ngɔ e weto ní ngɔ ha Manyɛ Ester.

Ester 8:7 ပူးပေါင်းရင်းမြစ်များ

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Abɛ Womi 13:22

Nɔmlɔ kpakpa siɔ gbosi ní kɛ haa e bibimɛ. Se yayami peeli a ní ɔ, dali lɛ a bua nya ha.

Ezra 4:6

Benɛ Ahazuerus bɔni tsɛ yemi pɛ kɛkɛ nɛ Yuda kɛ Yerusalem bi ɔmɛ a he nyɛli ngma womi kɛ ya po a nya.

Ester 8:1

Jamɛ a ligbi ɔ nɔuu ɔ, Matsɛ Ahasuerus ngɔ Yuda bi ɔmɛ a he nyɛlɔ, Haman weto ní tsuo ngɔ ha Manyɛ Ester. Akɛnɛ Ester de matsɛ ɔ ke e weku no ji Mordekai he je ɔ, kɛ je jamɛ a be ɔ kɛ yaa a, a ngmɛɔ Mordekai blɔ nɛ e baa matsɛ ɔ ngɔ.

Ester 7:9

A kpɛti nɔ kake nɛ a tsɛɔ lɛ Habona a de ke, “Nɛnɛ, Haman pee sɛumi tso gagaaga ko po ngɛ e we ɔ mi, konɛ e sɛu Mordekai, nɔ nɛ he o yi wami ɔ ngɛ nɔ. Sɛumi tso ɔ hiɔwe yami ji gugue nyɔngma kɛ enyɔ kɛ fa!” Matsɛ ɔ fa ke, “Nyɛ ya sɛu Haman ngɛ nɔ!”