Ester 8:2 - BAIBLO ALOO NGMAMI KLƆUKLƆU Ɔ

² Matsɛ ɔ ngɔ e nine nguɛ ga nɛ womi nya sɔumi nɔ́ ngɛ nɔ ɔ ngɔ ha Mordekai, (Jinɛ Haman nɛ hyɛɛ nɔ). Ester ngɔ Mordekai ngɔ to Haman ní ɔmɛ a nya.

Ester 8:2 ပူးပေါင်းရင်းမြစ်များ

Ester 3:10

Kɛkɛ nɛ matsɛ ɔ je e nine nguɛ ga, nɛ e kɛ ha Agag nina, Hamedata bi Haman, Yuda bi ɔmɛ a he nyɛlɔ ɔ. Ga nɛ ɔ a kɛ sɔuɔ matsɛ ɔ mlaahi nɛ a wo ɔ a nya kɛ tsɔɔ kaa matsɛ ɔ kplɛɛ níhi nɛ a ngma a nɔ.

Daniel 2:48

Kɛkɛ nɛ matsɛ ɔ ha Daniel blɔ nya agbo, nɛ e ke lɛ ní kpakpahi babauu. E wo lɛ Babilon kpokpa a nɔ nɔ yelɔ, kɛ matsɛ ga woli ɔmɛ tsuo a nɔkɔtɔma.

Mose I, 41:42

Farao ɔ je e nguɛ ga kɛ e nɔ womi nya sɔumi nɔ́ ɔ, nɛ e kɛ wo Yosef nguɛ. E wo lɛ kploba tade klɔii saminyayoo ko, nɛ e kɛ sika tsu kɔsɔkɔsɔ wo e kuɛ.

Luka 15:22

Se e tsɛ ɔ de sɔmɔli ɔmɛ ke, ‘Nyɛ ya je tade klɔii saminyayoo ɔ kɛ ba wo lɛ esɔ. Nyɛɛ wo e nine nguɛ ga, kɛ e nane tokota.

La 37:34

Ngɔɔ o hɛ ngɔ fɔ Yawɛ nɔ, nɛ o ye e mlaa amɛ a nɔ; nɛ e ma ha nɛ o nine maa su zugba a nɔ. Ke a ngɛ yayami peeli a hɛ mi kpatae ɔ, o hɛngmɛ kɛkɛ o kɛ maa hyɛ mɛ.

Ester 8:3

Ester kɛ matsɛ ɔ tu munyu. E kpla si kɛ e hɛ mi vo nyu ngɛ matsɛ ɔ nane nya, nɛ e kpa lɛ pɛɛ ke e pee nɔ́ ko kɛ tsi yi mi tomi yaya nɛ Agag nina Haman to ngɛ Yuda bi ɔmɛ a he ɔ nya.

Ester 10:2

Ní nguahi, kɛ nyakpɛ níhi tsuo nɛ e pee, kɛ sanehi tsuo nɛ kɔɔ bɔ nɛ e wo Mordekai nɔ nɛ e pee lɛ nɔkɔtɔma a, a ngma ngɛ Persia kɛ Media matsɛmɛ ɔmɛ a yi nɔ sanehi womi ɔmɛ a mi.