Ester 8:11 - BAIBLO ALOO NGMAMI KLƆUKLƆU Ɔ

¹¹ A ngma ngɛ womi nɛ ɔmɛ a mi ke matsɛ ɔ ngmɛ Yuda bi ɔmɛ blɔ ngɛ ma tsuaa ma mi kaa á to blɔ nya kɛ plee a wami he. Ke ta buli ba tua mɛ ɔ, á da si nɛ a kɛ he nyɛli ɔmɛ nɛ hwu, nɛ́ a kpata a hɛ mi. Á kpata a yi ɔmɛ, kɛ a bimɛ ɔmɛ hu a hɛ mi, nɛ́ e ko piɛ nɔ kake po; nɛ́ a ha a níhi.

Ester 8:11 ပူးပေါင်းရင်းမြစ်များ

Ester 3:13

Tsɔli nɛ a he sɔɔ saminya ngɔ womi nɛ ɔmɛ kɛ ya he tsuaa he ngɛ e nɔ yemi he ɔ. Bɔ nɛ a ngma ngɛ womi ɔmɛ a mi ji nɛ ɔ nɛ: nyɔhiɔ nɛ a tsɛɛ ke Adar a we ligbi nyɔngma kɛ etɛne ɔ, jamɛ a ligbi ɔ nɔ tutuutu ɔ, á kpata Yuda bi tsuo pɛpɛɛpɛ a hɛ mi; jokuɛwi, nikɔtɔmahi, nyumuhi, kɛ yihi. Á kɛ yi mi wami nɛ kpata mɛ tsuo a hɛ mi, nɛ́ a ha a níhi.

Ester 9:18

Yuda bi ɔmɛ nɛ ngɛ Susa a, mɛɛ lɛɛ a kɛ ligbi nyɔngma kɛ enuɔne ɔ pee a nyami ligbi, nɛ a jɔɔ a he. Ejakaa ligbi nyɔngma kɛ etɛne ɔ, kɛ nyɔngma kɛ eywiɛne ɔ, a hɛ dɔ kɛ ngɛ a he nyɛli ɔmɛ a hɛ mi kpatae.

La 137:8

Mo Babilon, ja a kpata o hɛ mi kokooko! A gbaa nɔ nɛ maa pee mo kɛ to nane mi kaa bɔ nɛ o pee wɔ ɔ.

La 68:3

Se nihi nɛ peeɔ nɔ nɛ da a, mɛɛ lɛɛ a nya, nɛ a la kɛ bua jɔmi ngɛ Mawu hɛ mi.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Ezekiel 39:10

E be hiae kaa a ya lɛ lɛ́, loo a ya poo tso kɛ pee lɛ́. Ejakaa ta hwumi ní nɛ a bua nya a, a kɛ maa pee lɛ́ nɛ a ma slɛ. Nihi nɛ ha a níhi, nɛ a fia mɛ ojo ɔ, Israel bi ɔmɛ hu maa ha a níhi, nɛ a maa fia mɛ ojo ja nɔuu.” Nyɔmtsɛ Yawɛ lɛ de.