Ester 7:9 - BAIBLO ALOO NGMAMI KLƆUKLƆU Ɔ

⁹ A kpɛti nɔ kake nɛ a tsɛɔ lɛ Habona a de ke, “Nɛnɛ, Haman pee sɛumi tso gagaaga ko po ngɛ e we ɔ mi, konɛ e sɛu Mordekai, nɔ nɛ he o yi wami ɔ ngɛ nɔ. Sɛumi tso ɔ hiɔwe yami ji gugue nyɔngma kɛ enyɔ kɛ fa!” Matsɛ ɔ fa ke, “Nyɛ ya sɛu Haman ngɛ nɔ!”

Ester 7:9 ပူးပေါင်းရင်းမြစ်များ

Matsɛmɛ II, 9:32

Yehu wo e yi nɔ nɛ e hyɛ saflɛ ɔ nya, nɛ e bi ke, “Mɛnɔ lɛ ngɛ ye se? Mɛnɔ?” Kɛkɛ nɛ manyɛ we ɔ nɔ hyɛli, maa pee enyɔ, loo etɛ hyɛ lɛ kɛ gu saflɛ ɔ mi.

Ester 1:10

Ligbi nɛ ji kpaago ɔ, benɛ matsɛ ɔ nu dã nɛ e bua jɔ saminya a, e tsɛ e he buli kpaago ɔmɛ nɛ a puɛ mɛ ɔ. Mɛ ji Mehunan, Bizta, Habona, Bigta, Abagta, Zeta, kɛ Kakas.

Ester 5:14

Kɛkɛ nɛ e yo Zeresh kɛ e huɛmɛ ɔmɛ tsuo de lɛ ke, “Ha nɛ a pee tso nɛ a maa sɛu nɔ ngɛ nɔ: e hiɔwe yami nɛ pee gugue nyɔngma kɛ enyɔ kɛ fa. Hwɔɔ mɔtu ɔ, de matsɛ ɔ nɛ e ha nɛ a sɛu Mordekai ngɛ nɔ. Lɔ ɔ se ɔ, o kɛ matsɛ ɔ nɛ ya ní yemi nɛ a tsɛ nyɛ ɔ kɛ bua jɔmi.” Ga nɛ a wo Haman ɔ sa e hɛ mi saminya; nɛ e ha a pee tso nɛ a maa sɛu nɔ ngɛ nɔ ɔ.

Ester 6:14

Benɛ a ngɛ munyu ɔ tue kɛ mwɔɔ ɔ, matsɛ tsɔli ɔmɛ nɛ a puɛ mɛ ɔ ba kplakplaakpla, nɛ a ba ngɔ Haman kɛ ho, konɛ e kɛ Manyɛ Ester ya ye ní.

Ester 6:2

Nɔ́ nɛ a kane ɔ tsɔɔ bɔ nɛ be ko ɔ, Bigtana kɛ Teresh so wo matsɛ ɔ he, konɛ a gbe lɛ, kɛ bɔ nɛ Mordekai je a sisi kpo. Bigtana kɛ Teresh ji matsɛ we ɔ he buli enyɔ komɛ nɛ a puɛ mɛ.

Ester 8:7

Kɛkɛ nɛ Matsɛ Ahasuerus de Manyɛ Ester kɛ Mordekai, Yuda no ɔ ke, “Nyɛɛ hyɛ, i ha a sɛu Haman ngɛ yi mi yaya nɛ e to ngɔ wo Yuda bi ɔmɛ a he ɔ he, nɛ i ngɔ e weto ní ngɔ ha Manyɛ Ester.

Ester 9:14

Matsɛ ɔ fa ke a pee nɔ́ nɛ ɔ. Lɔ ɔ he ɔ, a wo mlaa nɛ a fiɛ ngɛ Susa ma a mi. Lɔ ɔ se ɔ, a sɛu Haman bimɛ nyɔngma amɛ ngɛ sɛumi tsohi a nɔ.

Ester 9:25

Se Ester ba na matsɛ ɔ, nɛ matsɛ ɔ ngma womi kɛ tsi ga yaya nɛ Haman to kɛ ha Yuda bi ɔmɛ ɔ nya. Bɔ nɛ e ya ba ha ji kaa nɔ́ nɛ e hla kaa e maa pee Yuda bi ɔmɛ ɔ, a kɛ pee lɛ nitsɛ mohu. Lɔ ɔ ji kaa a sɛu lɛ kɛ e binyumu ɔmɛ tsuo.

La 141:10

Ha nɛ yiwutsotsɛmɛ tsuo nɛ a ya nɔ mɛ nitsɛmɛ a klamahi a mi, se imi lɛɛ ha ma je a mi slɔkee.

La 35:8

Ha nɛ a hɛ mi nɛ kpata tlukaa be mi nɛ a li a he be. Klama a nɛ a tsɔ mi ɔ, ha nɛ e du mɛ. Muɔ ɔ nɛ a tsua kɛ to ha mi ɔ, ha nɛ mɛ nitsɛmɛ a nɔ mi.

La 73:19

Ee, a hɛ mi ma kpata si kake too; a nyagbe maa pee gbeye.

Daniel 6:24

Jehanɛ lɛɛ matsɛ ɔ ha a ya nuu ni ɔmɛ nɛ ba po Daniel nya a kɛ ba. A sake mɛ kɛ wo jatahi a muɔ ɔ mi; mɛ kɛ a yihi, kɛ a bimɛ tsuo. Be nɛ a na we nɛ a su muɔ ɔ sisi tete ɔ, jata amɛ yu a nɔ, nɛ a ku a wuhi tsuo dukuduku.

Daniel 6:7

Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.

Samuel I, 17:51

David sa fo ya da Goliat nɔ. E hia Goliat klaate ɔ kɛ je kpo ɔ mi, nɛ e kɛ po e yi nɛ e gbe lɛ. Benɛ Filisti bi ɔmɛ na kaa a tatsɛ kpanaa a gbo ɔ, a tu fo.