Ester 7:7 - BAIBLO ALOO NGMAMI KLƆUKLƆU Ɔ

⁷ Matsɛ ɔ hɛ dɔ, nɛ e je kpo kɛ ho abɔɔ ɔ nɛ ngɛ matsɛ we ɔ mi ya. Haman na kaa matsɛ ɔ to e yi mi kaa e ma kpata e hɛ mi ngɛ nɔ́ nɛ ɔ he; lɔ ɔ he ɔ, lɛ Haman ɔ lɛɛ e mlɛ ngɛ se, konɛ e kpa Manyɛ Ester pɛɛ nɛ a ngɔ e wami kɛ ke lɛ.

Ester 7:7 ပူးပေါင်းရင်းမြစ်များ

Abɛ Womi 19:12

Ke matsɛ mi mi wo la a, e ngɛ kaa jata nɛ ngɛ huae; se ke e ná nɔ he bua jɔmi ɔ, e ngɛ kaa bɔ́ ngɛ nga nɔ.

Ester 1:12

Se benɛ tsɔli ɔmɛ ya de Manyɛ Vashti ke matsɛ ɔ ke a ba ngɔ lɛ kɛ ba a, e kua bami. Nɔ́ nɛ ɔ ha matsɛ ɔ mi mi fu wawɛɛ nitsɛ.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Daniel 3:19

Jehanɛ lɛɛ Nebukadnezar mi mi fu wawɛɛ nitsɛ, nɛ e tu e hɛ mi ngɔ wo Shadrak, Meshak kɛ Abednego. E fa ke a wo flɔɔnɔɔ ɔ mi la nɛ e dɔ si kpaago pe bɔ nɛ e dɔɔ daa a.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Abɛ Womi 14:19

Yayami peeli ma kpla si ha ni nɛmɛ nɛ peeɔ nɔ́ nɛ da, nɛ a ma bi mɛ a hiami níhi.

La 112:10

Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.

Samuel I, 25:17

Lɔ ɔ he ɔ, mo susu he, konɛ o hyɛ nɔ́ nɛ sa peemi; ejakaa sane yobu lɛ ma wa nyɔmtsɛ ɔ kɛ e weku li a nɔ nɛ ɔ nɛ. Nɔmlɔ ɔ tsui wa, nɛ a wui lɛ ga.”

Samuel I, 20:9

Se Yonatan de ke, “Nɔ́ nɛ ɔ nɛ ko ba o juɛmi mi kulaa! Ke i le kaa tsaatsɛ to kaa e maa pee mo yayami ko ɔ, i ko de we mo lo?”

Samuel I, 20:7

Ke e de ke, ‘Yoo!’ ɔ, o tsɔlɔ yi ma na wami; se ke e mi mi fu ɔ, lɛɛ o na nɛ o le kaa e muɔ e yi mi kpɔ kaa e maa pee mi yayami.

Ester 1:5

Pee se ɔ, matsɛ ɔ tsɛ Susa ma a mi bi ɔmɛ tsuo ní yemi, niatsɛmɛ kɛ ohiatsɛmɛ tsuo. A ye ní nɛ a nu ní ngɛ abɔɔ ɔ mi ngɛ matsɛ we ɔ mi otsi.

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Abɛ Womi 14:35

Tsɔlɔ nɛ le ní ɔ, matsɛ suɔ lɛ. Se tsɔlɔ nɛ tsuɔ zo ní ɔ, lɛɛ matsɛ gblaa e tue.

Abɛ Womi 16:14

Ní lelɔ bɔɔ mɔde kaa e ma ha nɛ matsɛ nɛ na bua jɔmi daa; ke matsɛ mi mi fu ɔ, nɔ ko ma gbo.