Ester 7:4 - BAIBLO ALOO NGMAMI KLƆUKLƆU Ɔ

⁴ A jua i kɛ ye ma mi bi ɔmɛ ngɔ ha, konɛ a kpata wa hɛ mi. Kaa nyɔguɛ yemi mi kɛkɛ nɛ a jua wɔ kɛ ho ɔ, i ko de we nɔ́ ko, nɛ i ko gba we nɛnɛ nya; se a miɔ nɛ a ma kpata wa hɛ mi pɛsɛpɛsɛ!”

Ester 7:4 ပူးပေါင်းရင်းမြစ်များ

Ester 3:9

Nɛnɛ, ke e sa o hɛ mi ɔ, lɛɛ fa nɛ a ngma, nɛ a fiɛ ke a kpata a hɛ mi. Ke o pee ja a, i ngɛ si woe ke ma ha sika hiɔ nɛ jiimi pe kilo 340,000, nɛ a kɛ to matsɛ sika tomi he ɔ, konɛ a kɛ tsu ma ní.”

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”

Ester 3:13

Tsɔli nɛ a he sɔɔ saminya ngɔ womi nɛ ɔmɛ kɛ ya he tsuaa he ngɛ e nɔ yemi he ɔ. Bɔ nɛ a ngma ngɛ womi ɔmɛ a mi ji nɛ ɔ nɛ: nyɔhiɔ nɛ a tsɛɛ ke Adar a we ligbi nyɔngma kɛ etɛne ɔ, jamɛ a ligbi ɔ nɔ tutuutu ɔ, á kpata Yuda bi tsuo pɛpɛɛpɛ a hɛ mi; jokuɛwi, nikɔtɔmahi, nyumuhi, kɛ yihi. Á kɛ yi mi wami nɛ kpata mɛ tsuo a hɛ mi, nɛ́ a ha a níhi.

Ester 8:11

A ngma ngɛ womi nɛ ɔmɛ a mi ke matsɛ ɔ ngmɛ Yuda bi ɔmɛ blɔ ngɛ ma tsuaa ma mi kaa á to blɔ nya kɛ plee a wami he. Ke ta buli ba tua mɛ ɔ, á da si nɛ a kɛ he nyɛli ɔmɛ nɛ hwu, nɛ́ a kpata a hɛ mi. Á kpata a yi ɔmɛ, kɛ a bimɛ ɔmɛ hu a hɛ mi, nɛ́ e ko piɛ nɔ kake po; nɛ́ a ha a níhi.

Amos 2:6

Yawɛ ke, “Nyɛ Israel ma, nyɛ pee yayamihi nɔtonɔto babauu. Nimli kpakpahi nɛ a hɛɛ hiɔ, kɛ dɛgutsɛmɛ nɛ a nyɛ we nɛ a wo tokota nane hiɛ kɛ hiɛ he hiɔ ɔ, nyɛ juaa mɛ kaa nyɔguɛhi. Enɛ ɔmɛ a he je ɔ, ja i gbla nyɛ tue.

Yoel 3:6

Nyɛ ngɔ Yuda kɛ Yerusalem bi ɔmɛ kɛ je a zugba nɔ kɛ ho ma se lokoo ya, nɛ nyɛ jua mɛ ngɔ ha Hela bi.

Ester 7:6

Manyɛ Ester he nɔ ke, “Wa he nyɛlɔ, kɛ nɔ nɛ ngɛ wɔ yi mi wae ɔ ji yiwutsotsɛ nɛ ɔ nɛ a tsɛɛ lɛ Haman ɔ!” Haman kɛ sawale hyɛ matsɛ ɔ, kɛ manyɛ ɔ a hɛ mi gaa.

Nehemia 5:5

Waa kɛ Yuda bi ɔmɛ tsuo ɔ, ni kake ji wɔ. Anɛ wa bimɛ tsɔwi ɔmɛ kɛ mɛ hu a bimɛ tsɔwi ɔmɛ sɔɛ lo? Se fimi nya a, e hia kaa waa jua wa bimɛ ɔmɛ kaa nyɔguɛhi. Wa jua wa biyi ɔmɛ ekomɛ momo kaa nyɔguɛhi, nɛ wa be nɔ́ ko nɔ́ ko hu; ejakaa a kpɔ wa zugba amɛ, kɛ wai ngmɔ ɔmɛ ngɛ wa dɛ.”

Samuel I, 22:23

Moo hi ye ngɔ; koo ye gbeye, ejakaa nɔ nɛ ngɛ hlae nɛ e gbe mi ɔ ngɛ hlae nɛ e gbe mo hulɔ. Ke o ngɛ ye ngɔ ɔ, o yi ma na wami.”

Yoshua 9:23

Nɔ́ nɛ nyɛ pee nɛ ɔ he je ɔ, Mawu gbiɛ nyɛ. Nyɛɛ kɛ nyɛ nina maa pee nyɔguɛhi; nyɛ ma gba lɛ́, nɛ nyɛ maa ya pa kɛ ba ye Mawu ɔ we ɔ.”

Luka 12:45

Se ke jamɛ a tsɔlɔ ɔ ma de ngɛ e yi mi ke e nyɔmtsɛ ɔ se ma ya fia si bɔɔ, nɛ e be bae mla a, lɛɛ e ma bɔni tsɔli kpa amɛ, kɛ mawayi ɔmɛ kongomi. E maa ye ní, nɛ e maa nu ní, nɛ e maa tɔ dã kpɔtɔɔ.

Ester 7:5

Kɛkɛ nɛ Matsɛ Ahasuerus bi Manyɛ Ester ke, “Mɛnɔ po nɛ e to e yi mi kaa e maa pee nɔ́ ko kaa kikɛ nɛ ɔ? Jije jamɛatsɛ ɔ ngɛ?”

Ester 8:6

Ke amanehlu nɛ ɔ ba ma a nɔ, nɛ́ a ma kpata imi nitsɛ ye nyɛmimɛ a hɛ mi ɔ, kɛ ma pee kɛɛ?”

Ester 9:25

Se Ester ba na matsɛ ɔ, nɛ matsɛ ɔ ngma womi kɛ tsi ga yaya nɛ Haman to kɛ ha Yuda bi ɔmɛ ɔ nya. Bɔ nɛ e ya ba ha ji kaa nɔ́ nɛ e hla kaa e maa pee Yuda bi ɔmɛ ɔ, a kɛ pee lɛ nitsɛ mohu. Lɔ ɔ ji kaa a sɛu lɛ kɛ e binyumu ɔmɛ tsuo.

Daniel 6:2

Darius hla nikɔtɔma etɛ komɛ hulɔ ngɛ amlaalo nɛ ɔmɛ a se; a ti nɔ kake ji Daniel. Nikɔtɔma etɛ nɛ ɔmɛ a ní tsumi ji kaa a hyɛ amlaalo ɔmɛ a nɔ, bɔ nɛ pee nɛ matsɛ ɔ nɔ́ ko hɛ mi kó kpata.