Ester 7:3 - BAIBLO ALOO NGMAMI KLƆUKLƆU Ɔ

³ Manyɛ Ester he nɔ ke, “I kpa nɛnɛ pɛɛ, ke e sa nɛnɛ hɛ mi kaa e ma ha mi nɔ́ nɛ i kɛ he si bami ngɛ lɛ bie ɔ, lɛɛ nɛnɛ, nɔ́ nɛ i suɔ ji kaa ye yi nɛ na wami, nɛ ye ma mi bi ɔmɛ hu a yi nɛ na wami.

Ester 7:3 ပူးပေါင်းရင်းမြစ်များ

Matsɛmɛ I, 20:31

E tsɔli ɔmɛ ya de lɛ ke, “Wa nu kaa Israel matsɛmɛ ɔmɛ naa mɔbɔ. Lɔ ɔ he ɔ, ha nɛ waa ngɔ kpekpe ya bo kɛ muɔ wa mlɛ mi, nɛ waa ngɔ tangme ngɔ wo wa kuɛ, nɛ waa ya Israel matsɛ ɔ ngɔ kaa, alini e ma he o yi wami lo.”

Matsɛmɛ II, 1:13

Matsɛ Ahazia tsɔ asafoatsɛ etɛne, kɛ lɛ hu e we bihi nyingmi enuɔ. Benɛ asafoatsɛ etɛne nɛ ɔ ya su yoku ɔ nɔ ɔ, e kpla si ngɛ Eliya hɛ mi nɛ e fa kue ha lɛ ke, “Mawu nɔmlɔ, i kpa mo pɛɛ, ha nɛ i kɛ o tsɔli nyingmi enuɔ nɛ ɔmɛ wa wami he nɔ́ nɛ dɔ mo.

Ester 4:8

Jehanɛ, e ha Hatak womi ɔ nɛ a ngma mlaa a ngɔ wo mi, nɛ́ je kpo ngɛ Susa ma a mi ke a kpata Yuda bi ɔmɛ a hɛ mi ɔ eko. Mordekai de lɛ ke e ngɔ womi ɔ kɛ ya ha Ester, nɛ́ e tsɔɔ lɛ sane ɔ mi fitsofitso; nɛ e de lɛ ke e ya fa kue ha matsɛ ɔ, nɛ́ e kpa lɛ pɛɛ nɛ e na e ma mi bi ɔmɛ mɔbɔ.

Ester 5:8

Ke e sa nɛnɛ hɛ mi kaa nɛnɛ ma ha mi nɔ́ nɛ ma bi lɛ ɔ, lɛɛ nɛnɛ kɛ Haman kɛ mi nɛ ba ye ní ekohu hwɔɔ. Jamɛ a be ɔ mi ɔ, ma tsɔɔ nɛnɛ nɔ nɛ i ngɛ hlae.”

Ester 7:7

Matsɛ ɔ hɛ dɔ, nɛ e je kpo kɛ ho abɔɔ ɔ nɛ ngɛ matsɛ we ɔ mi ya. Haman na kaa matsɛ ɔ to e yi mi kaa e ma kpata e hɛ mi ngɛ nɔ́ nɛ ɔ he; lɔ ɔ he ɔ, lɛ Haman ɔ lɛɛ e mlɛ ngɛ se, konɛ e kpa Manyɛ Ester pɛɛ nɛ a ngɔ e wami kɛ ke lɛ.

Ester 8:5

“Ke nɛnɛ suɔ ye sane, nɛ e sa nɛnɛ hɛ mi, nɛ e da ha lɛ ɔ, lɛɛ i kpa nɛnɛ pɛɛ, nɛ e ha nɛ a fiɛ kɛ tsi mlaa yaya nɛ Agag nina, Hamedata bi Haman wo ɔ nya. Mlaa a ke a kpata Yuda bi tsuo a hɛ mi ngɛ nɛnɛ nɔ yemi he ɔmɛ tsuo.

Hiob 2:4

Satan he nɔ ke, “Nɔ́ tsuaa nɔ́ nɛ ngɛ nɔ ko dɛ ɔ, e ma nyɛ ngɔ kɛ ha, ke e yi ma na wami kɛkɛ ɔ.

Yeremia 38:26

Ke a ba o ngɔ kɛ munyu kaa kikɛ nɛ ɔ, moo lɛɛ de mɛ ke pe o ba fa kue ha mi nɛ ma ko ha nɛ a ngɔ mo kɛ ya wo tsu hu, nɛ o ba gbo ngɛ lejɛ ɔ.”