Ester 6:9 - BAIBLO ALOO NGMAMI KLƆUKLƆU Ɔ

⁹ Jehanɛ, ha nɛ ganɔ ɔmɛ a ti nɔ kake nɛ hɛ mi ngɛ nyami babauu nɛ ngɔ ablade tade ɔ kɛ wo nyumu ɔ, nɛ a ha e hi okpɔngɔ ɔ nɔ, nɛ a kɛ lɛ nɛ po si ngɛ ma nɔ. Ganɔ ɔmɛ a ti nɔ kake nɛ hi fiɛe kɛ nyɛɛ e hɛ mi ke, ‘Bɔ nɛ matsɛ ɔ suɔ kaa e maa wo nɔ nɛ e suɔ ɔ hɛ mi nyami ji nɛ ɔ nɛ!’ ”

Ester 6:9 ပူးပေါင်းရင်းမြစ်များ

Mose I, 41:43

E kɛ lɛ wo matsɛ ta zugba lɛ enyɔne ɔ mi, nɛ matsɛ tsɔli nyɛɛ e hɛ mi kɛ ngmlaa ke, “Nyɛ kpla si oo! E ma oo!” Bɔ nɛ a pee kɛ wo Yosef ganɔ ngɛ Egipt zugba a tsuo nɔ ji nɛ ɔ nɛ.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Ester 6:6

Benɛ Haman ba e ngɔ ɔ, matsɛ ɔ de lɛ ke, “Nyumu ko ngɛ nɛ i suɔ wawɛɛ kaa ma wo e hɛ mi nyami. Mɛni sa kaa ma pee ha lɛ?” Haman bi e he ke, “Mɛnɔ po matsɛ ɔ maa suɔ kaa e maa wo e hɛ mi nyami kikɛ nɛ ɔ? Nɔ́ jemi ko kulaa be he kaa imi ji jamɛ a nɔ ɔ nɛ.”

Ester 6:10

Kɛkɛ nɛ matsɛ ɔ de Haman ke, “Ngɔɔ ablade tade ɔ, kɛ okpɔngɔ ɔ esɔ, nɛ o ya pee ní nɛ ɔmɛ kɛ wo Yuda no ɔ nɛ a tsɛɛ lɛ Mordekai ɔ hɛ mi nyami. Pee kaa bɔ nɛ o de ɔ pɛpɛɛpɛ ha lɛ. O maa na lɛ nɛ hii si ngɛ matsɛ we ɔ agbo ɔ nya.”