Ester 6:6 - BAIBLO ALOO NGMAMI KLƆUKLƆU Ɔ

⁶ Benɛ Haman ba e ngɔ ɔ, matsɛ ɔ de lɛ ke, “Nyumu ko ngɛ nɛ i suɔ wawɛɛ kaa ma wo e hɛ mi nyami. Mɛni sa kaa ma pee ha lɛ?” Haman bi e he ke, “Mɛnɔ po matsɛ ɔ maa suɔ kaa e maa wo e hɛ mi nyami kikɛ nɛ ɔ? Nɔ́ jemi ko kulaa be he kaa imi ji jamɛ a nɔ ɔ nɛ.”

Ester 6:6 ပူးပေါင်းရင်းမြစ်များ

Obadia 1:3

O he nɔ womi ɔ sisi mo. O matsɛ ma a, a fia gbogbo kɛ wo he ngɛ tɛ sa nɔ; o hi he ngɛ yo ɔmɛ a nɔ tsitsaa, lɔ ɔ he ɔ, o deɔ ngɛ o yi mi ke, ‘Mɛnɔ po ma nyɛ maa gbla mi kɛ ba zugba?’

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Yeremia 32:41

Ma ná a he bua jɔmi, nɛ ma suɔ kaa ma pee mɛ kpakpa. Nɛ ma to mɛ si saminya ngɛ zugba nɛ ɔ nɔ.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Abɛ Womi 18:12

Nɔ nɛ baa e he si ɔ, a maa wo e hɛ mi nyami; ni nɛmɛ nɛ woɔ a he nɔ ɔ, mɛɛ lɛɛ hɛ mi kpatami blɔ nɔ a ngɛ.

Abɛ Womi 1:32

Kuasiahi gboɔ, ejakaa a bui nile; a heɔ mɛ nitsɛmɛ a he yeɔ, nɛ nɔ́ nɛ ɔ kpataa a hɛ mi.

La 35:27

Se nihi tsuo nɛ maa suɔ kaa a wo mi nguɔ ɔ, ha nɛ a hwɔ lele, nɛ a de si abɔ ke, “Yawɛ kle! E bua jɔ e he kaa e tsɔlɔ ɔ ye manye.”

Ester 6:11

Haman ya ngɔ ablade tade ɔ, kɛ okpɔngɔ ɔ, nɛ e kɛ tade ɔ ya wo Mordekai. Mordekai hi okpɔngɔ ɔ nɔ, nɛ Haman nyɛɛ e hɛ mi nɛ e kɛ lɛ po si ngɛ ma nɔ. Benɛ a yaa a tsuo, Haman ngɛ fiɛe ke, “Bɔ nɛ matsɛ ɔ suɔ kaa e maa wo nɔ nɛ e suɔ ɔ hɛ mi nyami ji nɛ ɔ nɛ!”

Ester 6:9

Jehanɛ, ha nɛ ganɔ ɔmɛ a ti nɔ kake nɛ hɛ mi ngɛ nyami babauu nɛ ngɔ ablade tade ɔ kɛ wo nyumu ɔ, nɛ a ha e hi okpɔngɔ ɔ nɔ, nɛ a kɛ lɛ nɛ po si ngɛ ma nɔ. Ganɔ ɔmɛ a ti nɔ kake nɛ hi fiɛe kɛ nyɛɛ e hɛ mi ke, ‘Bɔ nɛ matsɛ ɔ suɔ kaa e maa wo nɔ nɛ e suɔ ɔ hɛ mi nyami ji nɛ ɔ nɛ!’ ”

Ester 6:7

Lɔ ɔ he ɔ, heto nɛ e ha matsɛ ɔ ji, “Nɛnɛ, fa nɛ a ngɔ ablade tade, tade nɛ mo nɛnɛ nitsɛ o woɔ, kɛ ba ha nyumu nɛ ɔ. Ha nɛ a ya ngɔ okpɔngɔ nɛ nɛnɛ nitsɛ hii nɔ ɔ kɛ ba, nɛ a kɛ nɛnɛ jlasi nɛ fɔ nɔ.

Ester 5:11

E fĩa kɛ tsɔɔ mɛ bɔ nɛ e na ní kpɔtɔɔ ha, binyumuhi abɔ nɛ e ngɛ, bɔ nɛ matsɛ ɔ wó e nɔ gojoo ngɛ nɔ yemi he ɔ, kɛ bɔ nɛ e he hia pe matsɛ ɔ ganɔ ɔmɛ, kɛ tsɔli kpa amɛ tsuo.

Abɛ Womi 30:13

Ni komɛ woɔ a he nɔ, nɛ a susuɔ kaa a hi tsɔ.

Ester 6:5

Kɛkɛ nɛ tsɔli ɔmɛ ba de matsɛ ɔ ke, “Haman ba hiɛ ɔ, nɛ e suɔ kaa e maa na mo.” Matsɛ ɔ de ke, “Nyɛ ha nɛ e ba.”

Ester 1:15

E de mɛ ke, “Imi Matsɛ Ahasuerus, i tsɔ nihi ke a ya ngɔ Manyɛ Vashti kɛ ba a, e kua bami. Wa mlaa a nya a, kɛ wa maa pee lɛ kɛɛ?”

Luka 14:9

Kɛkɛ ɔ, nɔ nɛ kpee nyɛ ni enyɔ ɔmɛ tsuo maa ba, nɛ e ma ba de mo ke, ‘Ha nɔ nɛ ɔ blɔ.’ Jehanɛ ɔ lɛɛ zo o kɛ ma ya hi nane si je ɔ.