Ester 6:4 - BAIBLO ALOO NGMAMI KLƆUKLƆU Ɔ

⁴ Matsɛ ɔ bi si ke, “Anɛ ma ní tsuli ɔmɛ ekomɛ ngɛ matsɛ we ɔ mi lo?” Jamɛ a be ɔ, Haman ba matsɛ we ɔ agbo nya kue ɔ mi. E ba nɛ e ba de matsɛ ɔ nɛ e ha a ya sɛu Mordekai ngɛ tso nɛ lɛ, Haman ɔ pee kɛ ha Mordekai ɔ nɔ.

Ester 6:4 ပူးပေါင်းရင်းမြစ်များ

Ester 5:14

Kɛkɛ nɛ e yo Zeresh kɛ e huɛmɛ ɔmɛ tsuo de lɛ ke, “Ha nɛ a pee tso nɛ a maa sɛu nɔ ngɛ nɔ: e hiɔwe yami nɛ pee gugue nyɔngma kɛ enyɔ kɛ fa. Hwɔɔ mɔtu ɔ, de matsɛ ɔ nɛ e ha nɛ a sɛu Mordekai ngɛ nɔ. Lɔ ɔ se ɔ, o kɛ matsɛ ɔ nɛ ya ní yemi nɛ a tsɛ nyɛ ɔ kɛ bua jɔmi.” Ga nɛ a wo Haman ɔ sa e hɛ mi saminya; nɛ e ha a pee tso nɛ a maa sɛu nɔ ngɛ nɔ ɔ.

Ester 4:11

“Ke nɔ ko, nyumu jio, yo jio ba na matsɛ ɔ ngɛ kue ɔ nɛ ngɛ we ɔ kpɛti ɔ mi, nɛ pi kaa a tsɛ lɛ ke e ba a, jamɛ a nɔ ɔ, a maa gbe lɛ. Bɔ nɛ mlaa a ngɛ ji nɛ ɔ nɛ. Nɔ tsuaa nɔ, kɛ je matsɛ ɔ ga woli ɔmɛ a nɔ kɛ ya si ni ɔmɛ nɛ a ngɛ nɔ yemi he ɔmɛ tsuo le nɔ́ nɛ ɔ. Ja matsɛ ɔ wo e matsɛ tso nɛ a kɛ sika tsu pee ɔ nɔ kɛ tsɔɔ nɔ ɔ, loko nɔ ɔ yi ma na wami. Kɛ je be nɛ i ya matsɛ ɔ ngɔ ba nɛ ɔ, nyɔhiɔ kake ji nɛ ɔ, nɛ e na we nɛ e tsɛ mi lolo.”

La 2:4

Nɔ nɛ hii si ngɛ hiɔwe lokoo ɔ ngɛ mɛ muɔe. Ee, Yawɛ ngɛ a he fɛu yee.

Ester 5:1

Ester nitsɛ ha hwɔ. Ligbi etɛne ɔ, Ester wo e manyɛ tade ɔ, nɛ e be kɛ ho matsɛ we ɔ ya. E ya da si ngɛ kue nɛ ngɛ matsɛ we ɔ kpɛti ɔ mi. Kue nɛ ɔ ngɛ tsu nɛ matsɛ sɛ ɔ ngɛ mi ɔ hanɔ. Jamɛ a be ɔ, matsɛ ɔ hii si ngɛ e sɛ ɔ nɔ, nɛ e hɛ mi kpee sinya a nya blɔ.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

La 33:19

E jeɔ mɛ kɛ jeɔ gbenɔ mi; e haa a yi naa wami ngɛ hwɔ be mi.

Hiob 5:13

Ke ní leli tsɔ nihi klama a, lɛ nɛ e haa klama amɛ fɛɔ yaka nɛ a puɛ we ní.

Ester 7:9

A kpɛti nɔ kake nɛ a tsɛɔ lɛ Habona a de ke, “Nɛnɛ, Haman pee sɛumi tso gagaaga ko po ngɛ e we ɔ mi, konɛ e sɛu Mordekai, nɔ nɛ he o yi wami ɔ ngɛ nɔ. Sɛumi tso ɔ hiɔwe yami ji gugue nyɔngma kɛ enyɔ kɛ fa!” Matsɛ ɔ fa ke, “Nyɛ ya sɛu Haman ngɛ nɔ!”

Ester 6:3

Kɛkɛ nɛ Matsɛ Ahasuerus bi ke, “Nɛ́ Mordekai tsu kikɛmɛ a ní tsumi nɛ ɔ, anɛ wa wo e hɛ mi nyami, aloo wa ha lɛ blɔ nya ko lo?” E tsɔli ɔmɛ he nɔ ke, “A pee we nɔ́ ko nɔ́ ko ha we lɛ.”

Ester 6:5

Kɛkɛ nɛ tsɔli ɔmɛ ba de matsɛ ɔ ke, “Haman ba hiɛ ɔ, nɛ e suɔ kaa e maa na mo.” Matsɛ ɔ de ke, “Nyɛ ha nɛ e ba.”