Ester 6:3 - BAIBLO ALOO NGMAMI KLƆUKLƆU Ɔ

³ Kɛkɛ nɛ Matsɛ Ahasuerus bi ke, “Nɛ́ Mordekai tsu kikɛmɛ a ní tsumi nɛ ɔ, anɛ wa wo e hɛ mi nyami, aloo wa ha lɛ blɔ nya ko lo?” E tsɔli ɔmɛ he nɔ ke, “A pee we nɔ́ ko nɔ́ ko ha we lɛ.”

Ester 6:3 ပူးပေါင်းရင်းမြစ်များ

Fiɛlɔ 9:15

Nyumu ko ngɛ ma a mi. Nɔ́ ko be e dɛ lɛɛ, se e le ní bɔ nɛ e kɛ e nile ɔ he ma a yi wami. Se nɔ ko nɔ ko susuu we e he.

Mose I, 40:23

Se dã nɔ hyɛlɔ nɔkɔtɔma a kai we Yosef hu; e hɛ je e nɔ pɛsɛpɛsɛ.

Daniel 5:29

Kɛkɛ nɛ Belshazar fa e tsɔli ɔmɛ ke a wo Daniel matsɛ tade klɔii nɛ hɛɛ alamua tu su nɛ he jua wa saminya, nɛ a kɛ sika tsu kuɛ ní nɛ wo e kuɛ. Matsɛ ɔ pee Daniel matsɛ se yelɔ ɔ setsɔ.

Daniel 5:16

I nu kaa moo lɛɛ o nyɛɔ nɛ o tsɔɔ laami sanehi, kɛ munyuhi nɛ a he wa a sisi. Ke o nyɛ nɛ o kane nɔ́ nɛ a ngma nɛ ɔ, nɛ o nyɛ tsɔɔ mi sisi ɔ, a maa wo mo matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo o kuɛ, nɛ a maa pee mo matsɛ se yelɔ ɔ setsɔ.”

Daniel 5:7

Kɛkɛ nɛ e kpa ngmlaa wawɛɛ nɛ e de ke nɔ ko nɛ ya ngɔ kunya yeli ɔmɛ, klaali ɔmɛ, kɛ nyɔhiɔ mi hyɛli ɔmɛ kɛ ba. Benɛ a ba a, matsɛ ɔ de mɛ ke, “Nɔ tsuaa nɔ nɛ ma nyɛ maa kane nɔ́ nɛ a ngma nɛ ɔ, nɛ e ma nyɛ maa tsɔɔ mi sisi ɔ, a maa wo lɛ matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo jamɛatsɛ ɔ kuɛ, nɛ a maa pee lɛ matsɛ se yelɔ ɔ setsɔ.”

Kronika I, 11:6

David de ke, “Nɔ nɛ maa sɛ hlami kɛ gbe Yebus no ko ɔ, jamɛatsɛ ɔ ma ba pee tatsɛ nɔkɔtɔma!” Kɛkɛ nɛ Yoab, nɛ a tsɛɛ e nyɛ ke Zeruya a, ya pee ja; nɛ a wo lɛ tatsɛ nɔkɔtɔma.

Ester 6:2

Nɔ́ nɛ a kane ɔ tsɔɔ bɔ nɛ be ko ɔ, Bigtana kɛ Teresh so wo matsɛ ɔ he, konɛ a gbe lɛ, kɛ bɔ nɛ Mordekai je a sisi kpo. Bigtana kɛ Teresh ji matsɛ we ɔ he buli enyɔ komɛ nɛ a puɛ mɛ.

Ester 6:4

Matsɛ ɔ bi si ke, “Anɛ ma ní tsuli ɔmɛ ekomɛ ngɛ matsɛ we ɔ mi lo?” Jamɛ a be ɔ, Haman ba matsɛ we ɔ agbo nya kue ɔ mi. E ba nɛ e ba de matsɛ ɔ nɛ e ha a ya sɛu Mordekai ngɛ tso nɛ lɛ, Haman ɔ pee kɛ ha Mordekai ɔ nɔ.