Ester 6:12 - BAIBLO ALOO NGMAMI KLƆUKLƆU Ɔ

¹² Jehanɛ, Mordekai kpale kɛ ba matsɛ we ɔ agbo ɔ nya ekohu, se Haman lɛɛ e ha e yi nɔ, nɛ e ho e we mi ya mlamlaamla kɛ zo kpɔtɔɔ.

Ester 6:12 ပူးပေါင်းရင်းမြစ်များ

Samuel II, 15:30

David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

Samuel II, 17:23

Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Matsɛmɛ I, 20:43

Israel matsɛ ɔ kpale kɛ ho e we mi ya ngɛ Samaria kɛ mi mi la, kɛ aywilɛho.

Matsɛmɛ I, 21:4

Ahab je kɛ ho we mi ya kɛ mi mi la, kɛ aywilɛho; ejakaa Nabot de lɛ ke e nɛmɛ a gbosi ní ɔ, e be ngɔe kɛ ha lɛ. E ho ya hwɔ si ngɛ e sa nɔ, nɛ e plɛ e hɛ mi ngɔ kpee gbogbo, nɛ e kua ní yemi.

Matsɛmɛ I, 21:6

Ahab he nɔ ke, “Munyu nɛ Yezreel no, Nabot kɛ mi tu ɔ he je. I de lɛ ke e ngɔ e wai ngmɔ ɔ ngɔ ha mi nɛ ma wo lɛ hiɔ, aloo ke e suɔ ɔ, ma ngɔ wai ngmɔ kpa ngɔ tsake ha lɛ; se e de mi ke e kɛ e wai ngmɔ ɔ be mi hae.”

Kronika II, 26:20

Benɛ Azaria, kɛ osɔfo kpa amɛ na hiɔ ɔ ngɛ e hɛ nya a, a tsitsɛɛ e yi se kɛ je Yawɛ we ɔ. Lɛ nitsɛ hu e he sɔ kɛ je kpo, ejakaa Yawɛ gbla e tue.

Ester 2:19

Benɛ a ma bua yihewi ɔmɛ a nya si enyɔne ɔ, jamɛ a be ɔ, matsɛ ɔ ha Mordekai ba pee tsɔlɔ nɔkɔtɔma.

Ester 6:11

Haman ya ngɔ ablade tade ɔ, kɛ okpɔngɔ ɔ, nɛ e kɛ tade ɔ ya wo Mordekai. Mordekai hi okpɔngɔ ɔ nɔ, nɛ Haman nyɛɛ e hɛ mi nɛ e kɛ lɛ po si ngɛ ma nɔ. Benɛ a yaa a tsuo, Haman ngɛ fiɛe ke, “Bɔ nɛ matsɛ ɔ suɔ kaa e maa wo nɔ nɛ e suɔ ɔ hɛ mi nyami ji nɛ ɔ nɛ!”

Ester 7:8

Benɛ e ya bu si ngɛ Manyɛ Ester sɛ ɔ nɔ ɔ, matsɛ ɔ kpale e se kɛ je abɔɔ ɔ mi kɛ ba tsu ɔ mi. Benɛ matsɛ ɔ na nɔ́ nɛ ɔ, e kpa ngmlaa ke, “Anɛ nyumu nɛ ɔ ngɛ hlae nɛ e tua manyɛ ɔ ngɛ hiɛ ɔ, ngɛ ye hɛ mi, ngɛ imi nitsɛ ye we mi lo?” Matsɛ ɔ nya nɔɛ si tete nɛ nihi nɛ a puɛ mɛ ɔ kɛ nɔ́ ko ba ha Haman hɛ mi.

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Hiob 9:24

Mawu ngɔ je ɔ kɛ wo nimli yayamihi a dɛ mi. E ngɔ nɔ́ ngɔ ha kojoli ɔmɛ a hɛ mi. Ke pi Mawu nɛ pee ɔ, lɛɛ mɛnɔ lɛ pee?

Samuel I, 3:15

Samuel ho ya hwɔ si kɛ ya si mɔtu; nɛ e te si nɛ e bli Yawɛ we ɔ sinya amɛ. Samuel ye gbeye kaa e ma de Eli nɔ́ nɛ Yawɛ de lɛ ɔ.