Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ester 6:11 - BAIBLO ALOO NGMAMI KLƆUKLƆU Ɔ

11 Haman ya ngɔ ablade tade ɔ, kɛ okpɔngɔ ɔ, nɛ e kɛ tade ɔ ya wo Mordekai. Mordekai hi okpɔngɔ ɔ nɔ, nɛ Haman nyɛɛ e hɛ mi nɛ e kɛ lɛ po si ngɛ ma nɔ. Benɛ a yaa a tsuo, Haman ngɛ fiɛe ke, “Bɔ nɛ matsɛ ɔ suɔ kaa e maa wo nɔ nɛ e suɔ ɔ hɛ mi nyami ji nɛ ɔ nɛ!”

အခန်းကိုကြည့်ပါ။ ကော်ပီ




Ester 6:11
9 ပူးပေါင်းရင်းမြစ်များ  

Tatenai, amlaalo nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ pee bɔ nɛ Matsɛ Darius fa mɛ ke a pee ɔ pɛpɛɛpɛ.


Kɛkɛ nɛ matsɛ ɔ de Haman ke, “Ngɔɔ ablade tade ɔ, kɛ okpɔngɔ ɔ esɔ, nɛ o ya pee ní nɛ ɔmɛ kɛ wo Yuda no ɔ nɛ a tsɛɛ lɛ Mordekai ɔ hɛ mi nyami. Pee kaa bɔ nɛ o de ɔ pɛpɛɛpɛ ha lɛ. O maa na lɛ nɛ hii si ngɛ matsɛ we ɔ agbo ɔ nya.”


Jehanɛ, Mordekai kpale kɛ ba matsɛ we ɔ agbo ɔ nya ekohu, se Haman lɛɛ e ha e yi nɔ, nɛ e ho e we mi ya mlamlaamla kɛ zo kpɔtɔɔ.


Benɛ Mordekai je matsɛ we ɔ kɛ ma a, e wo ablade tade bluu kɛ futaa, nɛ sika tsu jlasi ngɛ e yi. E wo ablade tade wuyaa nɛ a kɛ kɔbɛi kpa kpakpa lo hulɔ. Kɛkɛ nɛ a he ose ngɛ Susa ma a mi; nɛ blɔ ɔmɛ tsuo a nɔ pee hoo kɛ bua jɔmi.


Anɔkuale mi ɔ, nɔ yemi he ɔmɛ a ganɔ ɔmɛ tsuo, amlaalo ɔmɛ, ma nɔ hyɛli ɔmɛ, kɛ tsɔli nɛ ngɛ nɔ yemi he ɔmɛ piɛ Yuda bi ɔmɛ a he; ejakaa Mordekai he sawale nu mɛ tsuo.


Nɔ nɛ hyɛɔ ngmɔkɔ tso nɔ ɔ, lɛ nɛ e yeɔ ngmɔkɔ yiblii ɔ eko; nɔ nɛ buɔ e nyɔmtsɛ he ɔ, a woɔ e hɛ mi nyami.


Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’


E kpa matsɛmɛ nguanguahi kɛ je a sɛhi a nɔ, nɛ e wó humihi a nɔ.


Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ