Ester 6:10 - BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ matsɛ ɔ de Haman ke, “Ngɔɔ ablade tade ɔ, kɛ okpɔngɔ ɔ esɔ, nɛ o ya pee ní nɛ ɔmɛ kɛ wo Yuda no ɔ nɛ a tsɛɛ lɛ Mordekai ɔ hɛ mi nyami. Pee kaa bɔ nɛ o de ɔ pɛpɛɛpɛ ha lɛ. O maa na lɛ nɛ hii si ngɛ matsɛ we ɔ agbo ɔ nya.”

Ester 6:10 ပူးပေါင်းရင်းမြစ်များ

Kpojemi 18:7

Bɔ nɛ e pee ní nguahi, nɛ e fiɛ e yi nɔ ɔ, pii lɛ, nɛ e ye aywilɛho ja nɔuu. Ejakaa e pɔɔ e he demi ke, ‘Manyɛ ji mi, nɛ i hii si ngɛ ye sɛ ɔ nɔ! Pi yalɔyo ji mi; i be aywilɛho yee gblegbleegble!’

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Matsɛmɛ II, 10:10

Lɔ ɔ he ɔ, nyɛ ná nɛ nyɛɛ le kaa nɔ́ tsuaa nɔ́ nɛ Yawɛ de ngɛ Ahab we ɔ he ɔ, ekoeko be yaka pee. Nɔ́ nɛ Yawɛ de kɛ gu e tsɔlɔ Eliya nɔ ke e maa pee ɔ, lɔ ɔ e pee nɛ ɔ nɛ.”

Ester 6:9

Jehanɛ, ha nɛ ganɔ ɔmɛ a ti nɔ kake nɛ hɛ mi ngɛ nyami babauu nɛ ngɔ ablade tade ɔ kɛ wo nyumu ɔ, nɛ a ha e hi okpɔngɔ ɔ nɔ, nɛ a kɛ lɛ nɛ po si ngɛ ma nɔ. Ganɔ ɔmɛ a ti nɔ kake nɛ hi fiɛe kɛ nyɛɛ e hɛ mi ke, ‘Bɔ nɛ matsɛ ɔ suɔ kaa e maa wo nɔ nɛ e suɔ ɔ hɛ mi nyami ji nɛ ɔ nɛ!’ ”

Ester 6:11

Haman ya ngɔ ablade tade ɔ, kɛ okpɔngɔ ɔ, nɛ e kɛ tade ɔ ya wo Mordekai. Mordekai hi okpɔngɔ ɔ nɔ, nɛ Haman nyɛɛ e hɛ mi nɛ e kɛ lɛ po si ngɛ ma nɔ. Benɛ a yaa a tsuo, Haman ngɛ fiɛe ke, “Bɔ nɛ matsɛ ɔ suɔ kaa e maa wo nɔ nɛ e suɔ ɔ hɛ mi nyami ji nɛ ɔ nɛ!”

La 31:24

Nyɛ nihi tsuo nɛ nyɛ ngɔɔ nyɛ hɛ kɛ fɔɔ Yawɛ nɔ ɔ, nyɛ wlua nyɛ! Yawɛ ma ha nyɛ he wami.