Ester 5:2 - BAIBLO ALOO NGMAMI KLƆUKLƆU Ɔ

² Benɛ e na Manyɛ Ester nɛ daa si ngɛ kpo ɔ nɔ ɔ, e na e he bua jɔmi, nɛ e wo e matsɛ tso nɛ a kɛ sika tsu pee ɔ nɔ kɛ tsɔɔ lɛ. Kɛkɛ nɛ manyɛ ɔ ba matsɛ ɔ ngɔ, nɛ e kɛ e nine ba ta matsɛ tso ɔ he ngɛ e yi je.

Ester 5:2 ပူးပေါင်းရင်းမြစ်များ

Ester 8:4

Matsɛ ɔ kɛ matsɛ tso nɛ a kɛ sika tsu pee ɔ tsɔɔ manyɛ ɔ, kɛkɛ nɛ e te da si, nɛ e de lɛ ke,

Ester 4:11

“Ke nɔ ko, nyumu jio, yo jio ba na matsɛ ɔ ngɛ kue ɔ nɛ ngɛ we ɔ kpɛti ɔ mi, nɛ pi kaa a tsɛ lɛ ke e ba a, jamɛ a nɔ ɔ, a maa gbe lɛ. Bɔ nɛ mlaa a ngɛ ji nɛ ɔ nɛ. Nɔ tsuaa nɔ, kɛ je matsɛ ɔ ga woli ɔmɛ a nɔ kɛ ya si ni ɔmɛ nɛ a ngɛ nɔ yemi he ɔmɛ tsuo le nɔ́ nɛ ɔ. Ja matsɛ ɔ wo e matsɛ tso nɛ a kɛ sika tsu pee ɔ nɔ kɛ tsɔɔ nɔ ɔ, loko nɔ ɔ yi ma na wami. Kɛ je be nɛ i ya matsɛ ɔ ngɔ ba nɛ ɔ, nyɔhiɔ kake ji nɛ ɔ, nɛ e na we nɛ e tsɛ mi lolo.”

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Ni Tsumi 10:4

Kornelio hyɛ lɛ too; gbeye nu lɛ, nɛ e bi ke, “Nyɔmtsɛ, mɛni sane?” Bɔfo ɔ de lɛ ke, “Kue nɛ o ngɛ fae, kɛ kpakpa nɛ o ngɛ pee ɔ, Mawu na he bua jɔmi.

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

La 116:1

I suɔ Yawɛ, ejakaa e nuɔ ye kue fami ɔ, nɛ e buɔ mi tue.

Ester 2:9

Hegai suɔ Ester sane, nɛ e na e he bua jɔmi. E yi be ko nɛ e ha a bɔni lɛ nu pɔmi nɛ a kɛ dla lɛ; a ha lɛ niye ní kpakpa hulɔ. Hegai ngɔ Ester ya to he ko nɛ hi pe kulaa ngɛ matsɛ yi ɔmɛ a hi he ɔ, nɛ e je blɔ hla yihewi kpaago kɛ je matsɛ we ɔ, nɛ́ a sɔmɔ lɛ.

Nehemia 1:11

I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”