Ester 5:14 - BAIBLO ALOO NGMAMI KLƆUKLƆU Ɔ

¹⁴ Kɛkɛ nɛ e yo Zeresh kɛ e huɛmɛ ɔmɛ tsuo de lɛ ke, “Ha nɛ a pee tso nɛ a maa sɛu nɔ ngɛ nɔ: e hiɔwe yami nɛ pee gugue nyɔngma kɛ enyɔ kɛ fa. Hwɔɔ mɔtu ɔ, de matsɛ ɔ nɛ e ha nɛ a sɛu Mordekai ngɛ nɔ. Lɔ ɔ se ɔ, o kɛ matsɛ ɔ nɛ ya ní yemi nɛ a tsɛ nyɛ ɔ kɛ bua jɔmi.” Ga nɛ a wo Haman ɔ sa e hɛ mi saminya; nɛ e ha a pee tso nɛ a maa sɛu nɔ ngɛ nɔ ɔ.

Ester 5:14 ပူးပေါင်းရင်းမြစ်များ

Ester 6:4

Matsɛ ɔ bi si ke, “Anɛ ma ní tsuli ɔmɛ ekomɛ ngɛ matsɛ we ɔ mi lo?” Jamɛ a be ɔ, Haman ba matsɛ we ɔ agbo nya kue ɔ mi. E ba nɛ e ba de matsɛ ɔ nɛ e ha a ya sɛu Mordekai ngɛ tso nɛ lɛ, Haman ɔ pee kɛ ha Mordekai ɔ nɔ.

La 37:32

Yayami peelɔ hii nɔmlɔ kpakpa dae, nɛ e hlaa kaa e maa gbe lɛ.

La 37:14

Yayami peeli hiaa klaate, nɛ a dɔɔ a kɛ̃ɛ̃ ɔmɛ, konɛ a gbe ohiatsɛmɛ, kɛ dɛgutsɛmɛ; konɛ a kpata nihi nɛ peeɔ nɔ́ nɛ da a a hɛ mi.

Matsɛmɛ I, 21:7

Ahab yo Yezebel bi lɛ ke, “Mo ji Israel matsɛ ɔ, aloo pi mo?” E ya nɔ de lɛ ke, “Tee si nɛ o ye ní, nɛ o ná bua jɔmi; ma ngɔ Yezreel no, Nabot wai ngmɔ ɔ kɛ ha mo!”

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Romabi 3:15

A he sɔɔ kɛ muɔ si puemi.

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

Abɛ Womi 4:16

Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

Abɛ Womi 1:18

Se nimli kaa kikɛ nɛ ɔmɛ lɛɛ mɛ nitsɛmɛ a he klama a tsɔ ɔ nɛ; mɛ nitsɛmɛ lɛ a maa du klama a, nɛ a ma gbo.

La 9:15

Muɔ ɔ nɛ je ma amɛ tsua a, mɛ nitsɛmɛ a nɔ mi. Klama a nɛ a tsɔ kɛ laa a, mɛ nitsɛmɛ a nane ya du lɛ.

Matsɛmɛ I, 21:25

(Nɔ ko nɔ ko be nɛ ngɔ e he tsuo ngɔ ha yayami peemi ngɛ Yawɛ hɛ mi kaa Ahab, ejakaa e yo Yezebel ji nɔ nɛ tsitsɛɛ e kuɛ se mi.

Samuel II, 16:21

Ahitofel de Absalom ke, “Yaa nɛ o kɛ o tsɛ plã amɛ nɛ e si ke a hi we ɔ nɔ hyɛe ɔ ya hwɔ. Ke o pee ja a, Israel tsuo maa na kaa o kɛ o tsɛ ɔ, nyɛ plɛ he nyɛli. Nɔ́ nɛ ɔ maa fɔ o se nyɛɛli ɔmɛ tsuo a kɔni nɔ kpa.”