Ester 4:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ e tsɛ Hatak. Hatak nɛ ɔ ji nihi nɛ a puɛ mɛ ɔ a ti nɔ kake nɛ a to nɛ sɔmɔɔ Ester ngɛ matsɛ we ɔ. Ester tsɔ lɛ Mordekai ngɔ, konɛ e ya bi lɛ sane nɛ ba, kɛ nɔ́ he je loko e ngɛ e ní pee kaa jã a.

Ester 4:5 ပူးပေါင်းရင်းမြစ်များ

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

1 Korintobi 12:26

Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Ester 1:12

Se benɛ tsɔli ɔmɛ ya de Manyɛ Vashti ke matsɛ ɔ ke a ba ngɔ lɛ kɛ ba a, e kua bami. Nɔ́ nɛ ɔ ha matsɛ ɔ mi mi fu wawɛɛ nitsɛ.

Ester 1:10

Ligbi nɛ ji kpaago ɔ, benɛ matsɛ ɔ nu dã nɛ e bua jɔ saminya a, e tsɛ e he buli kpaago ɔmɛ nɛ a puɛ mɛ ɔ. Mɛ ji Mehunan, Bizta, Habona, Bigta, Abagta, Zeta, kɛ Kakas.

Filipibi 2:4

Nɔ tsuaa nɔ nɛ fo e nyɛmi nɔ́ mi; e ko fo lɛ nitsɛ pɛ e nɔ́ mi.

Ester 4:4

Benɛ Ester mawayi ɔmɛ, kɛ nihi nɛ a puɛ mɛ ɔ ba sɛɛ nɔ́ nɛ Mordekai ngɛ pee ɔ ha lɛ ɔ, Ester hao wawɛɛ. E tsɔ nɛ a ya ngɔ tadehi kɛ ba, konɛ a kɛ ya wo Mordekai, nɛ́ e je kpekpe ɔ ngɛ e he. Se Mordekai he we tade ɔmɛ.

Ester 4:6

Kɛkɛ nɛ Hatak ho ya na Mordekai ngɛ ma a kpe he ɔ, ngɛ matsɛ we ɔ agbo ɔ nya.

Ester 4:9

Hatak ba bɔ Ester nɔ́ nɛ Mordekai de lɛ ɔ.

Ester 4:10

Nɛ Ester ngɔ sɛ gbi nɛ ɔ ngɔ ha lɛ ke e kɛ ya ha Mordekai ke,