Ester 4:4 - BAIBLO ALOO NGMAMI KLƆUKLƆU Ɔ

⁴ Benɛ Ester mawayi ɔmɛ, kɛ nihi nɛ a puɛ mɛ ɔ ba sɛɛ nɔ́ nɛ Mordekai ngɛ pee ɔ ha lɛ ɔ, Ester hao wawɛɛ. E tsɔ nɛ a ya ngɔ tadehi kɛ ba, konɛ a kɛ ya wo Mordekai, nɛ́ e je kpekpe ɔ ngɛ e he. Se Mordekai he we tade ɔmɛ.

Ester 4:4 ပူးပေါင်းရင်းမြစ်များ

La 77:2

Benɛ i ngɛ haomi mi ɔ, i hla Nyɔmtsɛ se blɔ. Nyɔ mi ɔ, i wo ye nine nɔ kɛ ya hiɔwe, nɛ i sɔle nɛ ye kɔni gbo we. I na we bua jɔmi ko kulaa.

Yeremia 31:15

Yawɛ ke, “A nu gbi ko ngɛ Rama, kɔmɔ yemi kɛ ya fomi nɛ nya wa, Rahel ngɛ e bimɛ ɔmɛ foe nɛ e kplɛɛ we kpatami, ejakaa a be hu.

Yesaya 56:3

Nubwɔ nɛ kɛ e he ba mɛtɛ Yawɛ ma a he ɔ, e ko de ke, “Yawɛ be suɔe kaa ma piɛ e ma mi bi ɔmɛ a he kɛ ja lɛ.” Nyumu nɛ a puɛ lɛ, nɛ e be bi ɔ, e ko susu kaa Mawu be lɛ ngɔe kɛ piɛ e ma a he.

Ester 1:12

Se benɛ tsɔli ɔmɛ ya de Manyɛ Vashti ke matsɛ ɔ ke a ba ngɔ lɛ kɛ ba a, e kua bami. Nɔ́ nɛ ɔ ha matsɛ ɔ mi mi fu wawɛɛ nitsɛ.

Matsɛmɛ II, 9:32

Yehu wo e yi nɔ nɛ e hyɛ saflɛ ɔ nya, nɛ e bi ke, “Mɛnɔ lɛ ngɛ ye se? Mɛnɔ?” Kɛkɛ nɛ manyɛ we ɔ nɔ hyɛli, maa pee enyɔ, loo etɛ hyɛ lɛ kɛ gu saflɛ ɔ mi.

Samuel I, 8:15

E maa ngɔ nyɛ ngma, kɛ nyɛ wai ngmɔ ɔmɛ a mi dlami nyɔngmanyɔngma mi kakaaka kɛ ha e mɔ mi ní tsuli, kɛ e tsɔli.

Mose I, 37:35

Yakob binyumu ɔmɛ, kɛ e biyi ɔmɛ tsuo ba ba wo lɛ bua, se e kplɛɛ we. E de ke, “Ma ye kɔmɔ hluu kɛ yaa si gbeje.” Nɛ e tsa nɔ nɛ e ye kɔmɔ ha e bi Yosef ɔ.

Ni Tsumi 8:27

Filipo dla e he, nɛ e ho. Benɛ e yaa a, e na Etiopia manyɛ ɔ tsɔlɔ nɔkɔtɔma ko nɛ a puɛ lɛ. Lɛ nɛ e hyɛɛ manyɛ ɔ juetli nɔ. Nyumu nɛ ɔ ya Yerusalem ya ja Mawu, nɛ e kpale kɛ yaa e ma mi ngɛ e zugba lɛ mi. Benɛ e yaa a tsuo e ngɛ gbalɔ Yesaya womi ɔ kanee.

Ester 4:3

He tsuaa he nɛ a fiɛ matsɛ ɔ mlaa a kɛ ya su ɔ, Yuda bi ɔmɛ nyaa awe, nɛ a yeɔ kɔmɔ. A haa hwɔ, nɛ a woɔ yana kɛ ngmlaa. Nihi babauu nitsɛ ha kpekpe ya bo, nɛ a hwɔ la zu mi.

Ester 4:5

Kɛkɛ nɛ e tsɛ Hatak. Hatak nɛ ɔ ji nihi nɛ a puɛ mɛ ɔ a ti nɔ kake nɛ a to nɛ sɔmɔɔ Ester ngɛ matsɛ we ɔ. Ester tsɔ lɛ Mordekai ngɔ, konɛ e ya bi lɛ sane nɛ ba, kɛ nɔ́ he je loko e ngɛ e ní pee kaa jã a.