Ester 4:14 - BAIBLO ALOO NGMAMI KLƆUKLƆU Ɔ

¹⁴ Ke o de we nɔ́ ko ngɛ be kaa kikɛ nɛ ɔ mi ɔ, yi wami hemi maa je he kpa ko kɛ ba ha Yuda bi ɔmɛ; se moo lɛɛ, o ma gbo, nɛ o tsɛ we ɔ biɛ maa laa pɛsɛpɛsɛ. Se mɛnɔ maa le? Eko ɔ, be nɛ ngɛ kaa kikɛ nɛ ɔ he nɛ a wo mo manyɛ ngɛ ɔ nɛ!”

Ester 4:14 ပူးပေါင်းရင်းမြစ်များ

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

Yeremia 46:28

Ye ma, nyɛ tsui ko po, ejakaa i kɛ nyɛ ngɛ. Je ma amɛ, hehi nɛ i fie nyɛ kɛ ho ɔ, ma kpata mɛ tsuo a hɛ mi; se nyɛɛ lɛɛ i be nyɛ hɛ mi kpatae. Se kɛ̃ ɔ, i be hae nɛ nyɛɛ ye nyɛ he kulaa; ma gbla nyɛ tue bɔ nɛ sa kɛkɛ. Imi, Yawɛ lɛ i de.”

Ezra 9:9

A pee wɔ nyɔguɛhi, se ngɛ wa nyɔguɛ si himi ɔ mi ɔ, o je o suɔmi nɛ ngɛ daa a kpo kɛ tsɔɔ wɔ. O ngmɛɛ we wa he, nɛ o ha Persia matsɛmɛ ɔmɛ na wɔ mɔbɔ, nɛ a ha wa nɔ gbagba te ekohu, bɔ nɛ pee nɛ Mawu we ɔ nɛ ku kɛ pue si ɔ, waa ma lɛ ekohu, nɛ waa hi hiɛmɛ nɛ ɔ ngɛ Yuda kɛ Yerusalem ngɛ tue mi jɔmi mi.

Ester 2:15

E ba su Ester nɔ kaa e ya matsɛ ɔ ngɔ. Mordekai tsɛ nyɛminyumu Abihail biyo ji Ester. Mordekai nɛ hyɛ Ester nɔ kaa lɛ nitsɛ e biyo. Nɔ tsuaa nɔ nɛ maa na Ester a suɔ e sane. Benɛ e maa ya matsɛ ɔ ngɔ ɔ, Ester dla e he kɛ nɔ́ nɛ Hegai wo lɛ ga ke e kɛ dla e he ɔ pɛ; e bi we nɔ́ ko kɛ piɛ we he. Hegai nɛ ɔ ji nyumu nɛ a puɛ lɛ nɛ hyɛɛ matsɛ yi ɔmɛ a nɔ.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Ester 2:7

Mordekai tsɛ nyɛminyumu ngɛ bi yiheyo ko nɛ a tsɛɛ lɛ Ester; e Hebri biɛ ji Hadasa. E ji yiheyo nɛ he ngɛ fɛu, nɛ zangma pue e nɔ. Benɛ e tsɛ kɛ e nyɛ gbo ɔ, Mordekai ngɔ lɛ kaa lɛ nitsɛ e bi nɛ e hyɛ lɛ.

Mose I, 22:14

Abraham wo lejɛ ɔ biɛ ke, “Yawɛ ha.” Lɔ ɔ he ɔ, kɛ ba si mwɔnɛ ligbi nɛ ɔ, nihi deɔ ke, “Yawɛ haa nɔ nɔ́ ngɛ e yo ɔ nɔ.”

Nehemia 6:11

I he nɔ ke, “Nɔmlɔ nɛ tuu fo ya laa e he ji mi lo? Imi nɛ ɔ, ma ya laa ye he ngɛ sɔlemi we ɔ kɛ he ye yi wami lo? Dɛbi, i be yae.”

Matsɛmɛ II, 19:3

Sɛ gbi nɛ e ngɔ ha mɛ ke a ya ha Yesaya ji nɛ ɔ nɛ: “Mwɔnɛ ligbi nɛ ɔ, wa yi fi; a jɛ wɔ, nɛ a pue wa hɛ mi si. Wa pee kaa yo nɛ nu kɔɔmi, se e be he wami nɛ e kɛ maa kɛ̃ bi ɔ kɛ je kpo.

Samuel I, 17:29

David bi lɛ ke, “Mɛni i pee? Pi munyu kɛkɛ nɛ i bi nɔ!”

Manyadali 15:6

Benɛ Filisti bi ɔmɛ bi si ke, “Mɛnɔ lɛ pee nɔ́ nɛ ɔ?” a de ke, “Samson lɛ pee; ejakaa e ngatsɛ, Timna no ɔ ngɔ Samson yo ɔ ngɔ ha Samson huɛ ɔ.” Lɔ ɔ he ɔ, Filisti bi ɔmɛ ho nɛ a ya sã yo ɔ kɛ e tsɛ ɔ tsuo.

Hiob 9:18

E ha we nɛ ma wo mumi kulaa; ye wami si himi ɔ, doomi sɔuu.

Mose III, 26:42

lɛɛ imi hu ma kai somi ɔmɛ nɛ i kɛ Yakob, Isak, kɛ Abraham so ɔ. Kɛkɛ ɔ, si nɛ i wo kaa ma ngɔ zugba a ngɔ ha ye ma a, ma ti mi ekohu.

Matsɛmɛ II, 13:5

Yawɛ je kpɔlɔ ko ha Israel, nɛ e ba kpɔ mɛ kɛ je Siria bi ɔmɛ a dɛ mi. Nɔ́ nɛ ɔ ha Israel bi ɔmɛ na he jɔmi, nɛ a hi mɛ nitsɛmɛ a wehi a mi ekohu kaa sa a.

Ester 4:13

e tsɔ kɛ ya bɔ lɛ kɔkɔ ke, “Mo ko susu kaa nɛ o ngɛ matsɛ ɔ we mi he je ɔ, o ye o he. O ngɛ kaa Yuda bi kpa amɛ kɛ̃.

Ester 4:15

Ester hu tsɔ kɛ ya ha Mordekai heto ke,

Ester 2:17

Matsɛ ɔ suɔ Ester pe yihewi kpa amɛ tsuo, nɛ e bua jɔ Ester he pe mɛ tsuo. Matsɛ Ahasuerus ngɔ jlasi ɔ ngɔ bu Ester, nɛ e wo lɛ manyɛ ngɛ Vashti nane mi.

Fiɛlɔ 3:7

Be ngɛ nɛ a híaa nɔ́, nɛ be ngɛ nɛ a kpɛɔ nɔ́. Dii peemi be ngɛ, nɛ munyu tumi be ngɛ.