Ester 4:1 - BAIBLO ALOO NGMAMI KLƆUKLƆU Ɔ

¹ Benɛ Mordekai na le níhi tsuo nɛ a pee ɔ, e kɛ hía e tade ɔmɛ ngɛ e he. E ha kpekpe ya bo, nɛ e muɔ la zu ngɔ pue e yi mi; kɛkɛ nɛ e je kpo kɛ nyɛɛ ma a mi kɛ ya boboobo, hluu

Ester 4:1 ပူးပေါင်းရင်းမြစ်များ

Mose I, 27:34

Benɛ Esau nu munyu nɛ ɔ, e kɛ aywilɛho kpa ngmlaa wawɛɛ nitsɛ, nɛ e de e tsɛ ɔ ke, “Oo Tsaatsɛ, moo gbaa imi hulɔ!”

Mose I, 37:34

Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Samuel II, 1:11

Kɛkɛ nɛ David kɛ aywilɛho hía tade ɔ ngɛ e he, nɛ e we bi ɔmɛ tsuo pee ja nɔuu.

Samuel II, 13:19

Tamar muɔ la zu kɛ pue e yi mi, nɛ e hía tade klɔii saminyayoo ɔ nɛ e wo ɔ. E kɛ e nine kpla e yi, nɛ e ma blɔ; nɛ e ngɛ ya foe boboobo kɛ ho.

Ester 4:2

kɛ ya su matsɛ we ɔ agbo ɔ nya tɔɔ. E sɛ́ we ɔ mi; ejakaa nɔ ko nɔ ko be he blɔ kaa e haa kpekpe kɛ yaa lejɛ ɔ.

Ester 4:3

He tsuaa he nɛ a fiɛ matsɛ ɔ mlaa a kɛ ya su ɔ, Yuda bi ɔmɛ nyaa awe, nɛ a yeɔ kɔmɔ. A haa hwɔ, nɛ a woɔ yana kɛ ngmlaa. Nihi babauu nitsɛ ha kpekpe ya bo, nɛ a hwɔ la zu mi.

Hiob 1:20

Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

Hiob 2:8

Hiob ho ya hi la zu mi, nɛ e ngɔ ngɛyu kɛ ngɛ e he hluae.

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

Yesaya 15:4

Heshbon kɛ Eleale bi ɔmɛ wo yana nɛ a fo boboobo. A nu huhui ɔ ngɛ Yahaz tɔɔ. Sawale nu Moab ta buli ɔmɛ, nɛ a he ngɛ doe blibliibli.

Yesaya 22:4

Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Yesaya 37:1

Benɛ Matsɛ Hezekia nu amaniɛ ɔ, e kɛ aywilɛho hía e tade ɔmɛ ngɛ e he. E ha kpekpe ya bo, nɛ e pue nɔ kɛ ho Yawɛ we ɔ ya.

Yesaya 37:2

E tsɔ Eliakim, matsɛ we ɔ nɔ hyɛlɔ ɔ, Shebna, matsɛ pɛdiyo ɔ, kɛ osɔfo ɔmɛ a nikɔtɔma amɛ kɛ ya na gbalɔ Yesaya, Amoz bi ɔ. Tsɔli ɔmɛ hu ha kpekpe ya bo.

Yesaya 58:5

Anɛ hwɔ hami kaa kikɛ nɛ ɔ i ngɛ hlae lo? Anɛ nɔ nitsɛ e he pimi kaa kikɛ nɛ ɔ i suɔ lo? Ke nɔ ko ma e yi si kudɔɔ kaa ngɔwu, nɛ e ngmɛ kpekpe ngɛ la zu mi nɛ e hwɔ nɔ ɔ, enɛ ɔ nyɛ tsɛɔ hwɔ hami ɔ? Enɛ ɔ maa sa ye hɛ mi lo?

Ezekiel 21:11

Lɔ ɔ he ɔ, a sa klaate ɔ he saminya, konɛ a kɛ tsu ní. A duɔ klaate ɔ nya, nɛ a sa he hulɔ, konɛ a kɛ wo awi yelɔ ko dɛ mi.

Ezekiel 21:6

“Lɔ ɔ he ɔ, nɔmlɔ adesa, mo nya awe, nɛ o ye kɔmɔ wawɛɛ kaa nɔ́ nɛ o tsui kpa miɔ nɛ e tsɔ ngɛ ma a hɛ mi.

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

Mika 1:8

Kɛkɛ nɛ Mika de ke, “Nɔ́ nɛ ɔ he je ɔ, ma nya awe, nɛ ma ye kɔmɔ. Ma hɛɛ ye he gu, nɛ ma nyɛɛ nane gu. Ma huã kaa nga mi gbe, nɛ ma nya awe kaa afukpɔngɔ.

Zefania 1:14

Jamɛ a ligbi nguaa a nɛ Yawɛ maa gbla e ma a tue ɔ ma kɛ fo; e su si ta! E maa pee aywilɛho ligbi, ejakaa ta buli katsɛmɛ po a hɛ maa dɔ, nɛ a ma fo ya boboobo.

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Ni Tsumi 14:14

Benɛ Barnaba kɛ Paulo nu he ɔ, a hía a tade ngɛ a he, nɛ a sa fo kɛ ya sɛ ni kpekpemi a kpɛti kɛ ngmlaa ke,

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”