Ester 3:8 - BAIBLO ALOO NGMAMI KLƆUKLƆU Ɔ

⁸ Lɔ ɔ se ɔ, Haman ya de Matsɛ Ahasuerus ke, “Nɛnɛ, ma ko ngɛ nɛ e mi bi gbɛ fĩa ma amɛ tsuo a mi ngɛ o nɔ yemi he ɔmɛ tsuo. Mɛɛ lɛɛ e slo a kusumihi ngɛ je ma kpa amɛ tsuo a ní ɔmɛ a he. Jehanɛ hu, nɛnɛ, a yi o mlaa amɛ a nɔ, lɔ ɔ he ɔ, e he be se nami ko ha mo kaa o maa pee kɔ maa hi mɛ hyɛe kikɛ nɛ ɔ.

Ester 3:8 ပူးပေါင်းရင်းမြစ်များ

Ezra 4:6

Benɛ Ahazuerus bɔni tsɛ yemi pɛ kɛkɛ nɛ Yuda kɛ Yerusalem bi ɔmɛ a he nyɛli ngma womi kɛ ya po a nya.

Nehemia 1:8

I kpa mo pɛɛ nɛ o kai nɔ́ nɛ o de Mose ke, ‘Ke nyɛ, Israel ma a, nyɛ yi mi anɔkuale ɔ, ma gbɛ nyɛ ngɔ fĩa je ma kpa amɛ a mi.

Ester 3:9

Nɛnɛ, ke e sa o hɛ mi ɔ, lɛɛ fa nɛ a ngma, nɛ a fiɛ ke a kpata a hɛ mi. Ke o pee ja a, i ngɛ si woe ke ma ha sika hiɔ nɛ jiimi pe kilo 340,000, nɛ a kɛ to matsɛ sika tomi he ɔ, konɛ a kɛ tsu ma ní.”

Ester 4:1

Benɛ Mordekai na le níhi tsuo nɛ a pee ɔ, e kɛ hía e tade ɔmɛ ngɛ e he. E ha kpekpe ya bo, nɛ e muɔ la zu ngɔ pue e yi mi; kɛkɛ nɛ e je kpo kɛ nyɛɛ ma a mi kɛ ya boboobo, hluu

Yeremia 33:24

“Tse o nu kaa nihi ngɛ dee ke weku enyɔ, Israel kɛ Yuda nɛ i hla a, imi Yawɛ, i kua mɛ! Enɛ ɔ he je ɔ, a gbeɔ ye ma a he guɛ, nɛ a bui mɛ hu kaa je ma ko ji mɛ.

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

Ezekiel 11:16

“Jehanɛ, de o nyɛmimɛ ɔmɛ ke, nɔ́ nɛ imi Nyɔmtsɛ Yawɛ, i ngɛ dee ji, imi nitsɛ nɛ i ha a ho je ma amɛ a zugba amɛ a nɔ ya a nɛ; i gbɛ mɛ ngɔ fĩa je ɔ mi tsuo lɛɛ, se ma bu a he be bɔɔ ko ngɛ hehi nɛ a ho ɔ tsuo.

Ezekiel 6:8

“Se kɛ̃ ɔ, ma ha ni komɛ maa piɛ. Nihi nɛ maa tu fo kɛ je gbenɔ nya a,

Daniel 3:8

Amlɔ ɔ, Babilonia bi komɛ ba matsɛ ɔ ngɔ nɛ a ba po Yuda bi ɔmɛ a nya.

Daniel 6:13

Kɛkɛ nɛ a de matsɛ ɔ ke, “Nyɔguɛ ɔmɛ nɛ a nuu kɛ je Yuda kɛ ba a, a ti nɔ kake nɛ a tsɛɛ Daniel ɔ, lɛɛ e bui mo nɛnɛ; mlaa a nɛ o wo ɔ hu e yi nɔ fɛɛ. E faa kue kɛ haa e Mawu ɔ si etɛ daa ligbi.”

Daniel 6:14

Benɛ Matsɛ Darius nu munyu nɛ ɔ, e hao wawɛɛ nitsɛ, nɛ e hla kaa e maa gu blɔ ko nɔ nɛ e kɛ he Daniel yi wami. Darius susu nɔ́ nɛ ɔ he hluu kɛ ya si pu ba nɔ si.

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.

Zakaria 7:14

I gbɛ mɛ ngɔ fĩa je mahi nɛ a li nɔ kaa nɔ́ nɛ lasiogblee lɛ muɔ mɛ; nɛ a si zugba a ngɔ fɔ si, nɛ nɔ ko bi ngɛ lejɛ ɔ. Nɛ zugba kpakpa nɛ ɔ ba pee ma doku.”

Mose IV, 23:9

I da tɛ sa amɛ a nɔ kɛ hyɛ mɛ; i na mɛ kɛ je yoku ɔmɛ a yi mi. O nɛ, ma kake mi bi ji mɛ; a kɛ a he bɔɛ ma je li ɔmɛ a he!

Yohane 7:35

Yuda ma nimeli ɔmɛ bi mɛ nitsɛmɛ a he ke, “Jije po e yaa nɛ wa be lɛ nae hu ɔ? Anɛ e maa ho Hela ma nguaa amɛ a mi ya ngɛ wa nyɛmimɛ ɔmɛ a ngɔ, nɛ e ya tsɔɔ Hela bi ɔmɛ ní lo?

Ni Tsumi 24:5

Wa na nyumu nɛ ɔ kaa ma ywialɔ. E woɔ Yuda bi a yi mi ngɛ he tsuaa he ke a tsɔ atuã. Jehanɛ hu, kuu nɛ a tsɛɛ Nazaree ɔ a nyatsɛ kpanaku ji lɛ.

Ni Tsumi 28:22

Se wa suɔ kaa wa maa bu mo tue nɛ waa le o juɛmi; ejakaa kuu nɛ o ngɛ mi nɛ ɔ, wa le kaa ngɛ he tsuaa he ɔ, a tuɔ e he munyu yaya.”

Mose V, 30:3

lɛɛ Yawɛ, nyɛ Mawu ɔ maa na nyɛ mɔbɔ. E maa kpale nyɛ kɛ je ma je li ɔmɛ a zugba a nɔ, he nɛ e gbɛ nyɛ ngɔ fĩa a; nɛ e ma ha nyɛ ma na ní kpɔtɔɔ ekohu.

Mose V, 32:26

Jinɛ i ko kpata mɛ tsuo a hɛ mi pɛsɛpɛsɛ, nɛ nɔ ko nɔ ko be mɛ kaie hu.

Mose V, 4:27

Yawɛ maa gbɛ nyɛ ngɔ fĩa je ma kpa amɛ a mi, nɛ nyɛ ti nihi bɔɔ pɛ nɛ a yi ma na wami.

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

1 Petro 1:1

Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.