Ester 3:7 - BAIBLO ALOO NGMAMI KLƆUKLƆU Ɔ

⁷ Matsɛ Ahasuerus tsɛ yemi be ɔ mi jeha nyɔngma kɛ enyɔne ɔ we kekleekle nyɔhiɔ nɛ a tsɛɛ Nisan ɔ, Haman fa ke a fɔ sɔ, konɛ a kɛ na ligbi nɔ, kɛ nyɔhiɔ mi nɛ sa kaa a tsu nɔ́ nɛ e to ga kaa a pee ɔ. Sɔ ɔ tsɔɔ kaa nyɔhiɔ nyɔngma kɛ enyɔne ɔ nɛ a tsɛɛ Adar a we ligbi nyɔngma kɛ etɛ ɔ ji be nɛ sa; lɔ ɔ he ɔ, a ngɔ jamɛ a ligbi ɔ. (A tsɛɛ sɔ fɔmi ngɛ Hebri gbi mi ke “Purim”.)

Ester 3:7 ပူးပေါင်းရင်းမြစ်များ

Ezra 6:15

Benɛ Matsɛ Darius ngɛ tsɛ yee ɔ, jeha ekpane ɔ we nyɔhiɔ enyɔne ɔ nɛ a tsɛɛ Adar a, jamɛ a be ɔ nɛ a gbe Mawu we ɔ mami nya.

Abɛ Womi 16:33

Nimli adesahi fɔɔ sɔ nɛ a kɛ le Mawu yi mi tomi. Se bɔ nɛ níhi ma ya ba ha a, Yawɛ pɛ lɛ e tsɔɔ.

Mateo 27:35

Kɛkɛ nɛ a sɛu lɛ, nɛ a fɔ sɔ kɛ dla e tade ɔmɛ.

Ester 9:21

E de mɛ ke, daa jeha a, á ye ligbi nyɔngma kɛ eywiɛne ɔ, kɛ nyɔngma kɛ enuɔne ɔ ngɛ nyɔhiɔ Adar a mi kaa he jɔɔmi ligbihi.

Ester 9:5

Lɔ ɔ he ɔ, Yuda bi ɔmɛ pee a he nyɛli ɔmɛ bɔ nɛ a suɔ. A ya tua mɛ, nɛ a kɛ klaate kpata a hɛ mi.

Ester 9:1

Nyɔhiɔ nɛ a tsɛɛ Adar a we ligbi nyɔngma kɛ etɛne ɔ ba su. Kikɛmɛ a ligbi nɛ ɔ ji be nɛ a to nɛ a kɛ mlaa nɛ matsɛ ɔ wo nɛ a fiɛ ha ma a ma bɔni ní tsumi. Ligbi nɛ ɔ kɛ̃ ji ligbi nɛ Yuda bi ɔmɛ a he nyɛli ɔmɛ to kaa a ma kpata Yuda bi ɔmɛ a hɛ mi ɔ nɛ. Se nɔ́ nɛ ba mohu ji kaa Yuda bi ɔmɛ ye a he nyɛli ɔmɛ a nɔ kunimi.

Ester 2:16

Benɛ Matsɛ Ahasuerus ngɛ tsɛ yee ɔ we jeha kpaagone ɔ we nyɔhiɔ nyɔngmane ɔ nɛ a kɛ Ester ba e ngɔ ngɛ matsɛ we ɔ nɛ. Nyɔhiɔ nɛ ɔ biɛ ji Tebet.

Ester 1:3

Benɛ e ngɛ tsɛ yee ɔ, jeha etɛne ɔ, e tsɛ e ganɔ ɔmɛ, kɛ e tsɔli ɔmɛ tsuo ní yemi. E kpee Persia kɛ Media tabo ɔmɛ, amlaalo ɔmɛ, kɛ odehe ɔmɛ tsuo kɛ ba.

Nehemia 2:1

Nyɔhiɔ eywiɛ se, ligbi ko benɛ Matsɛ Artaherhes ngɛ ní yee ɔ, i ngɔ wai ya ma e hɛ mi, nɛ i wo dã a ha lɛ. E nɛ ye hɛ mi nɛ pee mɔbɔmɔbɔ kaa ja hyɛ,

Ezra 4:6

Benɛ Ahazuerus bɔni tsɛ yemi pɛ kɛkɛ nɛ Yuda kɛ Yerusalem bi ɔmɛ a he nyɛli ngma womi kɛ ya po a nya.