Ester 3:4 - BAIBLO ALOO NGMAMI KLƆUKLƆU Ɔ

⁴ Daa nɛ ɔ, a nyɛɛ e nɔ ke e ye mlaa nɛ matsɛ ɔ wo ɔ nɔ kɛkɛ, se nɔ́ nɛ e deɔ ji, “Yuda no ji mi, lɔ ɔ he ɔ, i be nyɛe ma kpla si ha Haman.” A ya sɛɛ nɔ́ nɛ Mordekai de ɔ ha Haman, nɛ a ngɛ hyɛe nɔ́ nɛ e maa pee Mordekai.

Ester 3:4 ပူးပေါင်းရင်းမြစ်များ

Mose I, 39:10

Yo nɛ ɔ hao Yosef daa ligbi kɛ kikɛmɛ a munyu nɛ ɔ; se Yosef kplɛɛ we kaa e kɛ lɛ ma na bɔmi, loo e maa hɛ lɛ kɛ su e he po.

Yona 1:9

Yona ha mɛ heto ke, “Hebri no ji mi, nɛ i jaa Yawɛ, hiɔwe Mawu ɔ, nɔ nɛ pee wo kɛ zugba a.”

Daniel 6:13

Kɛkɛ nɛ a de matsɛ ɔ ke, “Nyɔguɛ ɔmɛ nɛ a nuu kɛ je Yuda kɛ ba a, a ti nɔ kake nɛ a tsɛɛ Daniel ɔ, lɛɛ e bui mo nɛnɛ; mlaa a nɛ o wo ɔ hu e yi nɔ fɛɛ. E faa kue kɛ haa e Mawu ɔ si etɛ daa ligbi.”

Daniel 3:12

O ngɔ Yuda bi komɛ ngɔ to ma ní tsumihi a nya ngɛ Babilon kpokpa a nɔ. Mɛ ji Shadrak, Meshak, kɛ Abednego. Nɛnɛ, mlaa a nɛ o wo ɔ, nimli nɛ ɔmɛ yi nɔ; a ja we o mawu ɔmɛ, nɛ sika tsu amaga a nɛ o puɛ ma si ɔ hu, a kpla we si ha lɛ.”

Ezra 1:3

Mawu ma, nyɛ ti nihi nɛ nyɛ suɔ kaa nyɛ maa kpale ɔ, Mawu nɛ piɛ nyɛ he! Nyɛɛ ya Yerusalem ngɛ Yuda zugba a nɔ. Nyɛ ya ma Yawɛ, Israel Mawu ɔ we ɔ ekohu. Lɛ ji Mawu nɛ ngɛ Yerusalem ɔ nɛ.

Ester 3:3

Tsɔli kpa amɛ nɛ a ngɛ matsɛ ɔ ní tsumi ɔ mi ɔ bi Mordekai nɔ́ he je nɛ e pee we nɔ́ nɛ matsɛ ɔ fa ke a pee ɔ.

Ester 3:5

Benɛ Haman kpá si kaa Mordekai bui lɛ, nɛ e kpla we si ha we lɛ ɔ, e hɛ dɔ;