Ester 3:15 - BAIBLO ALOO NGMAMI KLƆUKLƆU Ɔ

¹⁵ Matsɛ ɔ ha nɛ a fiɛ mlaa nɛ ɔ ngɛ matsɛ ma Susa a mi. Kɛkɛ nɛ a ha tsɔli nɛ a he sɔɔ saminya pue nɔ oya kɛ mlaa nɛ ɔ kɛ ho e nɔ yemi he ɔmɛ ya. Jamɛ a be ɔ, matsɛ ɔ, kɛ Haman hii si nɛ a ngɛ dã nue, se Susa ma a mi lɛɛ e pee basabasa.

Ester 3:15 ပူးပေါင်းရင်းမြစ်များ

Mose I, 37:25

Benɛ a hii si nɛ a ngɛ ní yee ɔ, a na Ishmael bi blɔ hiali komɛ ngɛ afukpɔngɔhi a nɔ nɛ a ma. A je Gilead, nɛ a hɛɛ tsopahi kɛ a he via kɛ yaa Egipt.

Matsɛmɛ I, 14:27

Matsɛ Rehoboam pee akɔblee tsɛ̃ihi kɛ to a nane mi, nɛ e ngɔ mɛ ngɔ wo matsɛ we agbo nya buli ɔmɛ a nyatsɛmɛ ɔmɛ a dɛ.

Ester 1:10

Ligbi nɛ ji kpaago ɔ, benɛ matsɛ ɔ nu dã nɛ e bua jɔ saminya a, e tsɛ e he buli kpaago ɔmɛ nɛ a puɛ mɛ ɔ. Mɛ ji Mehunan, Bizta, Habona, Bigta, Abagta, Zeta, kɛ Kakas.

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

Ester 8:15

Benɛ Mordekai je matsɛ we ɔ kɛ ma a, e wo ablade tade bluu kɛ futaa, nɛ sika tsu jlasi ngɛ e yi. E wo ablade tade wuyaa nɛ a kɛ kɔbɛi kpa kpakpa lo hulɔ. Kɛkɛ nɛ a he ose ngɛ Susa ma a mi; nɛ blɔ ɔmɛ tsuo a nɔ pee hoo kɛ bua jɔmi.

La 37:7

Pee dii ngɛ Yawɛ hɛ mi; too o tsui si, nɛ o hyɛ lɛ blɔ. Koo ye o tsui ngɛ nihi nɛ ná a he ɔ a he; nihi nɛ pee yayami nɛ a kɛ ná a he ɔ, koo ye o tsui ngɛ a he.

Abɛ Womi 1:16

A he sɔɔ kɛ yayami peemi; a he sɔɔ kɛ pueɔ muɔ si.

Abɛ Womi 29:2

Ke nihi nɛ peeɔ nɔ nɛ da ngɛ ma nɔ ye ɔ, ma mi bi ɔmɛ a bua jɔɔ saminya; se ke nɔ yeli ɔmɛ ya pee yiwutsotsɛmɛ ɔ, ma a yeɔ kɔmɔ wawɛɛ nitsɛ.

Abɛ Womi 31:4

Lemuel lee, anɔkuale mi ɔ, e sɛ matsɛmɛ, kɛ ma nɔ yeli kaa a nu wai, loo dã nɛ nya wa.

Abɛ Womi 4:16

Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

Hosea 7:5

Ke matsɛ ɔ ngɛ e fɔmi ligbi yee ɔ, e kɛ e ma nimeli ɔmɛ nuɔ dã nɛ a deɔ, kɛkɛ a bɔni biɛmi.

Amos 6:6

Nyɛ nuɔ dã bami ngɛ tsimi agboagbohi a mi, nɛ nyɛ kpaa nu je via kpakpahi. Se nyɛ yi kɔmɔ kaa a ma kpata Israel hɛ mi.

Yohane 16:20

I ngɛ nyɛ dee anɔkuale mi ke, nyɛɛ lɛɛ nyɛ ma kpa ngmlaa; nyɛ maa wo yana, se je ɔ ma nya. Nyɛ maa ye kɔmɔ, se nyɛ kɔmɔ yemi ɔ ma plɛ bua jɔmi.

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.